കണ്ണൂർ സർവകലാശാല പഠന വകുപ്പുകളിലെ ഒന്ന്, മൂന്ന് സെമസ്റ്റർ എംഎ/ എംഎസ്‌സി/ എംഎൽഐഎസ്‌സി/ എൽഎൽഎം/ എംബിഎ /എംപിഇഎസ് (സിബിസിഎസ്എസ്-സപ്ലിമെന്‍ററി) ജനുവരി 2026 പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.

ഓപ്പൺ ഡിഫൻസ്

കണ്ണൂർ സർവകലാശാലയിൽ ഇംഗ്ലീഷ് വിഷയത്തിൽ ഗവേഷണം നടത്തുന്ന ആർ. ആനന്ദ് എന്ന ഗവേഷണ വിദ്യാർഥി തന്‍റെ പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിന്മേ ലുള്ള ഓപ്പൺ ഡിഫൻസ് മാർച്ച് 11 ന് രാവിലെ 11 ന് വീഡിയോ കോൺഫറൻസിംഗിലൂടെ നടത്തുന്ന താണെന്നു റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം ഓപ്പൺ ഡിഫൻസിനു മൂന്നു ദിവസം മുന്പ് മുതൽ പയ്യന്നൂർ കോളജിലെ ഇംഗ്ലീഷ് പഠന വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും .

തീയതി നീട്ടി

പ്രൈവറ്റ് രജിസ്ട്രേഷൻ മൂന്ന് വർഷ ബിരുദ പ്രോഗ്രാമുകളുടെ (എഫ്‌വൈയുജിപി പാറ്റേൺ- 2025 അഡ്മിഷൻ റെഗുലർ ആൻഡ് 2024 അഡ്മിഷൻ- സപ്ലിമെൻററി) ഒന്നാം സെമസ്റ്റർ നവംബർ 2025 പരീക്ഷകൾക്കും ഒന്നാം സെമസ്റ്റർ യുജി പ്രൈവറ്റ് രജിസ്ട്രേഷൻ (2020-23 അഡ്മിഷൻ) സപ്ലിമെൻററി പരീക്ഷകൾക്കും രജിസ്റ്റർ ചെയ്യാനുള്ള തിയതി പിഴയില്ലാതെ 03.03.2026 വരെയും പിഴയോടുകൂടി 04.03.2026 വരെയുമായി ദീർഘിപ്പിച്ചു.