കുറ്റിപ്പുറത്തുള്ള കാലിക്കട്ട് സർവകലാശാലാ സ്കൂൾ ഓഫ് മാനേജ്മെന്‍റ് സ്റ്റഡീസിൽ (എസ്എംഎസ്) 2026 - 27 അധ്യയന വർഷത്തെ എംബിഎ പ്രോഗ്രാമിന് ജനറൽ / സംവരണ സീറ്റൊഴിവുണ്ട്. ഡിഗ്രി തലത്തിൽ 50 ശതമാനം മാർക്ക് (സംവരണ വിഭാഗക്കാർക് മാർക്കിളവ് ലഭിക്കും) നേടിയവർക്ക് സെപ്റ്റംബർ 14 വരെ ഓൺലൈനായി അപേക്ഷിക്കാം. താത്പര്യമുള്ളവർ അപേക്ഷയുടെ പകർപ്പ്, യോഗ്യതാ സർട്ടിഫിക്കറ്റുകൾ എന്നിവ സഹിതം സെപ്റ്റംബർ 14ന് വൈകീട്ട് അഞ്ചിന് മുൻപായി കുറ്റിപ്പുറം എസ്എംഎസിൽ ഹാജരാകണം. ഫോൺ: 0494 2607224, 8547537224.

അഫ്‌സൽ - ഉൽ - ഉലമ (പ്രിലിമിനറി) പ്രവേശനം; ഉയർന്ന പ്രായപരിധി 25

അഫ്‌സൽ - ഉൽ - ഉലമ ( പ്രിലിമിനറി ) പ്രവേശനത്തിനുള്ള ഉയർന്ന പ്രായപരിധി 25 ആയി ഉയർത്തി. പട്ടികജാതി പട്ടികവർഗ്ഗ വിഭാഗത്തിൽപ്പെട്ടവർക്ക് രണ്ട് വർഷം ഇളവ് ലഭിക്കും. കാലിക്കട്ട് സർവകലാശാലയുടെ 2026 - 27 അധ്യയന വർഷത്തെ അഫ്‌സൽ - ഉൽ - ഉലമ (പ്രിലിമിനറി) പ്രവേശനത്തിനുള്ള അവസാന തീയതി സെപ്റ്റംബർ 22 വരേയ്ക്ക് നീട്ടി. ഒഴിവുള്ള സീറ്റുകളിലേക്ക് പ്രവേശനം നേടുന്നതിനായി കോളജുമായി ബന്ധപ്പെടേണ്ടതാണ്. ഇതുവരെ രജിസ്‌ട്രേഷൻ ചെയ്യാത്തവർക്കായി ലേറ്റ് രജിസ്‌ട്രേഷൻ സൗകര്യം ലഭ്യമാണ്. ലേറ്റ് രജിസ്‌ട്രേഷൻ ഫീസ്: എസ്‌സി / എസ്ടി - 570 രൂപ. മറ്റുള്ളവർ 870 രൂപ. ഫോൺ: 0494 2407016, 2407017, 2660600.

 

 കോഴ്‌സുകളുടെ വിവരങ്ങൾ 18നകം നൽകണം

നാലു വർഷ ബിരുദ പ്രോഗ്രാം 2025 പ്രവേശനം വിദ്യാർഥികൾക്ക് മൂന്നാം സെമസ്റ്ററിൽ പ്രധാന വിഷയം മാറ്റി ഡെഫിഷ്യൻസി ക്രെഡിറ്റുകൾ നേടുക്കുന്നതിനായി ഒന്നും രണ്ടും സെമസ്റ്ററുകളിൽ എഴുതേണ്ട കോഴ്‌സുകളുടെ വിവരങ്ങളും എക്സ്ട്രാ ക്രെഡിറ്റ്സായി പരിഗണിക്കേണ്ടത് ഏതൊക്കെ കോഴ്‌സുകളുടെ ക്രെഡിറ്റാണെന്നും സർവകലാശാല മാർഗനിർദ്ദേശങ്ങൾ അനുസരിച്ച് കോളജുകൾ സെപ്റ്റംബർ 18നകം നിശ്ചിത പ്രൊഫോർമയിൽ പരീക്ഷാഭവനെ അറിയിക്കേണ്ടതാണ്. ഇ-മെയിൽ: [email protected].

 കോഴ്സ് രജിസ്‌ട്രേഷൻ

ഒന്നാം സെമസ്റ്റർ നാലു വർഷ ബിരുദ പ്രോഗ്രാം (എഫ്‌വൈയുജിപി - 2026 പ്രവേശനം) കോഴ്സ് രജിസ്‌ട്രേഷനുള്ള ലിങ്ക് സെപ്റ്റംമ്പർ 14 മുതൽ 24 വരെ കോളജ് പോർട്ടലിൽ ലഭ്യമാകും.

 ബിവോക് കോഴ്സ് സെലക്ഷൻ / കോഴ്സ് രജിസ്‌ട്രേഷൻ

ഒന്നാം സെമസ്റ്റർ ബിവോക് (സിയുഎഫ്‌വൈവിപി - 2026 പ്രവേശനം) നവംബർ 2026 റഗുലർ പരീക്ഷകളുടെ മൾട്ടി ഡിസിപ്ലിനറി കോഴ്സ് സെലക്ഷനും മൈനർ ഡിസിപ്ലിൻ സെലക്ഷനുമുള്ള ലിങ്ക് സെപ്റ്റംമ്പർ 14 മുതൽ 19 വരെയും കോഴ്സ് രജിസ്‌ട്രേഷനുള്ള ലിങ്ക് സെപ്റ്റംമ്പർ 14 മുതൽ 28 വരെയും കോളേജ് പോർട്ടലിൽ ലഭ്യമാകും.

 പരീക്ഷാഫലം

ബിആർക് ( 2012 സ്‌കീം ) നാല്, ആറ് സെമസ്റ്റർ (2014 പ്രവേശനം) സെപ്റ്റംബർ 2024, (2015 പ്രവേശനം) സെപ്റ്റംബർ 2025 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. പുനർ മൂല്യനിർണയത്തിന് 28 വരെ അപേക്ഷിക്കാം.

ആറാം സെമസ്റ്റർ ബിഎംഎംസി (സിയുസിബിസിഎസ്എസ് - യുജി - (റഗുലർ ) 2014, 2015, 2016 പ്രവേശനം ) സെപ്റ്റംബർ 2022 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു.

 പുനർമൂല്യനിർണയഫലം

വിദൂര വിഭാഗം ആറാം സെമസ്റ്റർ ബിഎ, ബിഎസ്‌സി മാത്തമാറ്റിക്സ് (സിസിഎസ്എസ് - 2011, 2012, 2013 പ്രവേശനം) ഏപ്രിൽ 2021 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ പുനർമൂല്യനിർണയഫലം പ്രസിദ്ധീകരിച്ചു.

 പരീക്ഷാഫലം

നാലാം സെമസ്റ്റർ എംഎസ്‌സി ബയോകെമിസ്ട്രി, എംഎ ഉറുദു, എംഎ അറബിക് (സിസിഎസ്എസ് - 2024 പ്രവേശനം) ഏപ്രിൽ 2026 റഗുലർ പരീക്ഷകളുടെ ഫലം പ്രസിദ്ധീകരിച്ചു.

നാലാം സെമസ്റ്റർ ബിആർക് (2012 സ്‌കീം- 2016 പ്രവേശനം) ഏപ്രിൽ 2026 സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 28 വരെ അപേക്ഷിക്കാം.

 സൂക്ഷ്മപരിശോധനാഫലം

നാലാം സെമസ്റ്റർ എംഎ ഇംഗ്ലീഷ്, ഇക്കണോമിക്സ്, ഹിന്ദി, എംഎസ്‌സി മാത്തമാറ്റിക്സ്, സൈക്കോളജി, ക്ലിനിക്കൽ സൈക്കോളജി, കെമിസ്ട്രി (സിബിസിഎസ്എസ് - പിജി) ഏപ്രിൽ 2026 പരീക്ഷകളുടെ സൂക്ഷ്മപരിശോധനാഫലം പ്രസിദ്ധീകരിച്ചു.

രണ്ടാം സെമസ്റ്റർ ബിഎസ്‌സി, ബിസിഎ (സിബിസിഎസ്എസ് - യുജി) ഏപ്രിൽ 2026 സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ സൂക്ഷ്മപരിശോധനാഫലം പ്രസിദ്ധീകരിച്ചു.

അധ്യാപക നിയമനം

കാലിക്കട്ട് സർവകലാശാലാ ടീച്ചർ എഡ്യുക്കേഷൻ സെന്‍ററുകളിലെ (സിയുടിഇസി) ബിഎഡ് പ്രോഗ്രാമിന് കോമേഴ്‌സ് വിഭാഗത്തിൽ കരാറടിസ്ഥാനത്തിലുള്ള അസിസ്റ്റന്‍റ് പ്രഫസർ നിയമനത്തിന് 20.07.2026 തീയതിയിലെ വിജ്ഞാപന പ്രകാരം ഓൺലൈനായി അപേക്ഷിച്ചവരിൽ യോഗ്യരായവർക്കുള്ള അഭിമുഖം ഒക്ടോബർ എട്ടിന് നടക്കും. കേന്ദ്രം: സർവകലാശാലാ ഭരണകാര്യാലയം. വിശദ വിവരങ്ങൾ വെബ്‌സൈറ്റിൽ www.uoc.ac.in .