സർവകലാശാലയുടെ ഭൂമിശാസ്ത്ര പഠനവകുപ്പിലെ രണ്ടാം സെമസ്റ്റർ പിജി ഡിപ്ലോമ ഇൻ ജിയോ ഇൻഫർമാറ്റിക്‌സ് ഫോർ സ്പേഷൽ പ്ലാനിംഗ് (റെഗുലർ/സപ്ലിമെന്‍ററി) മേയ് 2026 പരീക്ഷയുടെ നോമിനൽ റോൾ, ഹാൾടിക്കറ്റ് എന്നിവ സർവകലാശാല വെബ്സൈറ്റിൽ ലഭ്യമാണ്.

നോമിനൽ റോൾ, ഹാൾടിക്കറ്റ്

സർവകലാശാലയുടെ സ്‌കൂൾ ഓഫ് പെഡഗോഗിക്കൽ സയൻസിലെ രണ്ടാം സെമസ്റ്റർ എംഎഡ് ഡിഗ്രി (സിബിസിഎസ്എസ് - റെഗുലർ/സപ്ലിമെന്‍ററി), മേയ് 2026 പരീക്ഷയുടെ നോമിനൽ റോൾ, ഹാൾടിക്കറ്റ് എന്നിവ സർവകലാശാല വെബ്‌സൈറ്റിൽ ലഭ്യമാണ്.

ഡിഗ്രി സർട്ടിഫിക്കറ്റിനുള്ള ഓൺലൈൻ ലിങ്ക്

2024 അഡ്മിഷൻ ബിഎഡ് ഒറിജിനൽ ഡിഗ്രി സർട്ടിഫിക്കറ്റിനുള്ള ഓൺലൈൻ അപേക്ഷകൾ സമർപ്പിക്കാനുള്ള വെബ്-ലിങ്ക് 2026 ഇന്നു മുതൽ സർവകലാശാല വെബ്‌സൈറ്റിൽ സജ്ജമായിട്ടുണ്ട്. 2024 അഡ്മിഷൻ മുതൽ ബിഎഡ് ഒറിജിനൽ ഡിഗ്രി സർട്ടിഫിക്കറ്റിനുള്ള അപേക്ഷയോടൊപ്പം ഹാർഡ്‌കോപ്പി/പകർപ്പ് യൂണിവേഴ്സിറ്റിയിലേക്ക് സമർപ്പിക്കേണ്ടതില്ല. വിശദ വിവരങ്ങൾ സർവകലാശാല വെബ്സൈറ്റ് സർട്ടിഫിക്കറ്റ് പോർട്ടലിൽ ലഭ്യമാണ്.

ബിരുദാനന്തര ബിരുദം പ്രവേശനം; തീയതി 14 വരെ നീട്ടി

കണ്ണൂർ സർവകലാശാല അഫിലിയേറ്റഡ് കോളജുകളിലെ 2026-27 അധ്യയന വർഷത്തെ ബിരുദാന ന്തര ബിരുദ പ്രോഗ്രാമുകളിലേക്കുള്ള പ്രവേശനത്തിനുള്ള അവസാന തീയതി ഓഗസ്റ്റ് 14 വരെ നീട്ടി. പ്രവേശനം ആഗ്രഹിക്കുന്നവർ പ്രസ്തുത സ്ഥാപനങ്ങളുമായി നേരിട്ട് ബന്ധപ്പെടേണ്ടതാണ്.

റാങ്ക് ലിസ്റ്റ് പ്രസിദ്ധീകരിച്ചു

ഗവ. ബ്രണ്ണൻ കോളജിൽ പുതിയതായി ആരംഭിച്ച ഇന്‍റഗ്രേറ്റഡ് എംഎസ്‌സി ജ്യോഗ്രഫി പ്രോഗ്രാമിന്‍റെ റാങ്ക് ലിസ്റ്റ് കണ്ണൂർ സർവകലാശാല വെബ്സൈറ്റിൽ പ്രസിദ്ധീകരിച്ചു. ആറ്, ഏഴ് തിയതികളിൽ അഡ്മിഷൻ നടക്കുന്നതായിരിക്കും. റാങ്ക് ലിസ്റ്റിൽ ഉൾപ്പെട്ട യോഗ്യരായ വിദ്യാർഥികളെ കോളജ് അധികൃതർ, അപേക്ഷയിൽ നൽകിയ ഫോൺ നമ്പർ മുഖേന ബന്ധപ്പെടുന്നതായിരിക്കും.
ഇതിനകം മറ്റ് കോളജുകളിൽ പ്രവേശനം ലഭിച്ച അപേക്ഷകർ, ഇന്‍റഗ്രേറ്റഡ് എംഎസ്‌സി ജ്യോഗ്രഫി യുടെ പ്രവേശനത്തിന് ബ്രണ്ണൻ കോളജിൽ ഹാജരായി പ്രവേശനം ഉറപ്പുവരുത്തിയതിന് ശേഷം മാത്രമേ മുമ്പ് പ്രവേശനം ലഭിച്ച കോളജിൽ നിന്ന് ടിസി വാങ്ങേണ്ടതുള്ളൂ. വിശദവിവരങ്ങൾക്ക് 04972766388, 04972715227 എന്ന ഹെൽപ്പ് ലൈൻ നമ്പറിലേക്കൊ ugdoa@ kannuruniv.ac.in എന്ന ഇ-മെയിൽ വഴിയോ കണ്ണൂർ സർവകലാശാലയുടെ അഡ്മിഷൻ വെബ്സൈറ്റ് www.admissions.kannuruniversity.ac.in വഴിയോ ബന്ധപ്പെടാം.

പ്രവേശനത്തിന് അവസരം

പയ്യന്നൂർ കാമ്പസിലെ ഫിസിക്സ്, കെമിസ്ട്രി പഠന വകുപ്പുകൾ നടത്തുന്ന അഞ്ചുവർഷ ഇന്‍റഗ്രേറ്റഡ് ബിരുദ പ്രോഗ്രാമിൽ ഒഴിവുള്ള ഏതാനും സീറ്റുകളിലേക്ക് തത്സമയ പ്രവേശനം നടത്തുന്നു. പ്ലസ്ടു സയൻസ് (കുറഞ്ഞത് 50 ശതമാനം മാർക്ക്) യോഗ്യത ഉള്ളവർ ഏഴിന് രാവിലെ
11 ന് കണ്ണൂർ സർവകലാശാലയുടെ പയ്യന്നൂർ കാമ്പസിൽ എത്തേണ്ടതാണ്. കൂടുതൽ വിവരങ്ങൾക്കു 04972806401, 9497720572.

പയ്യന്നൂർ കാമ്പസിലെ ഫിസിക്സ് പഠനവകുപ്പിൽ എംഎസ്‌സി ഫിസിക്സ് കോഴ്സിൽ ഒഴിവുള്ള സീറ്റുകളിലേക്ക് തത്സമയ പ്രവേശനം നടത്തുന്നു. യോഗ്യരായവർ ഏഴിന് രാവിലെ 11 ന് കണ്ണൂർ സർവകലാശാലയുടെ പയ്യന്നൂർ കാമ്പസിൽ എത്തേണ്ടതാണ്. ഫോൺ: 04972806401, 9497720572.

കണ്ണൂർ സർവകലാശാലയുടെ മൂന്നു വർഷ എൽഎൽബി കോഴ്സിൽ എസ്ടി വിഭാഗത്തിൽ ഒഴിവുള്ള സീറ്റുകളിൽ ബിരുദധാരികൾക്ക് തൽസമയ പ്രവേശനം. നിയമാനുസൃത ആനുകൂല്യങ്ങൾ ബാധകം. താത്പര്യമുള്ളവർ അസൽ സർട്ടിഫിക്കറ്റുകളും , രണ്ട് പകർപ്പുകളും ഏഴിന് രാവലെ 10 സ്കൂൾ ഓഫ് ലീഗൽ സ്റ്റഡീസ് മഞ്ചേശ്വരം കാമ്പസിലെ വകുപ്പ് ഓഫീസിൽ നേരിട്ട് ഹാജരാകേണ്ടതാണ്.

കണ്ണൂർ സർവകലാശാല പാലയാട് ഡോ .ജാനകി അമ്മാൾ കാമ്പസിൽ അഞ്ചു വർഷ ഇംഗ്ലീഷ് ഇന്‍റഗ്രേറ്റഡ് കോഴ്സിന് ഇടിബി, ഒബിഎച്ച്, എസ്‌സി, എസ്‌ടി, ഇഡബ്ല്യൂഎസ്, പിബ്ല്യൂഡി കാറ്റഗറി കളിൽ ഏതാനും സീറ്റൊഴിവുണ്ട്. യോഗ്യരായവർ ഏഴിന് രാവിലെ 11 ന് വകുപ്പു തലവൻ മുന്പാകെ അസൽ സർട്ടിഫിക്കറ്റുകൾ സഹിതം ഹാജരാകണം.