എംജി സര്‍വകലാശാലയുടെ കീഴിലുള്ള അംഗീകൃത ഗവേഷണ കേന്ദ്രങ്ങളിലെ (സര്‍വകലാശാല ഡിപ്പാര്‍ട്‌മെന്റുകള്‍ ഒഴികെ) 2023 അഡ്മിഷന്‍ (ഫുള്‍ ടൈം ആന്‍ഡ് പാര്‍ട്ട് ടൈം), 2023 നു മുന്‍പുള്ള അഡ്മിഷന്‍ (സപ്ലിമെന്ററി) വിദ്യാര്‍ഥികള്‍ക്കായി നടന്ന പിഎച്ച്ഡി കോഴ്‌സ് വര്‍ക്ക് പരീക്ഷ ഓഗസ്റ്റ് 2025ന്റെ ഫലം പ്രസിദ്ധീകരിച്ചു. സര്‍വകലാശാലയുടെ റിസേര്‍ച്ച് ഓണ്‍ലൈന്‍ പോര്‍ട്ടലിലെ (researchonline.mgu.ac.in) ഗവേഷണ വിദ്യാര്‍ഥികളുടെ പ്രൊഫൈലില്‍ ഫലം ലഭ്യമാണ്. പുനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കുമുള്ള അപേക്ഷകള്‍ ഫെബ്രുവരി 12ന് മുമ്പായി സമര്‍പ്പിക്കണം.

വൈവ വോസി

എംഎ പൊളിറ്റിക്കല്‍ സയന്‍സ് അവസാന സ്‌പെഷല്‍ മേഴ്‌സി ചാന്‍സ് (2001 ന് മുമ്പുള്ള അഡ്മിഷന്‍ റെഗുലര്‍) ജനുവരി 2025 പരീക്ഷയുടെ വൈവ വോസി പരീക്ഷ ഫെബ്രുവരി 16ന് നടക്കും. ടൈം ടേബിള്‍ വെബ് സൈറ്റില്‍.

 പ്രാക്ടിക്കല്‍

ഒന്നാം സെമസ്റ്റര്‍ എംഎസ്‌സി ഫിഷറി ബയോളജി ആന്‍ഡ് അക്വാകള്‍ച്ചര്‍ (സിഎസ്എസ്) (2025 അഡ്മിഷന്‍ റെഗുലര്‍, 2024 അഡ്മിഷന്‍ ഇംപ്രൂവ്‌മെന്റ്, 2020 മുതല്‍ 2024 അഡ്മിഷനുകള്‍ റീഅപ്പിയറന്‍സ്, 2019 അഡ്മിഷന്‍ ആദ്യ മേഴ്‌സി ചാന്‍സ്) ഡിസംബര്‍ 2025ന്റെ പ്രാക്ടിക്കല്‍ പരീക്ഷകള്‍ ഫെബ്രുവരി അഞ്ചു മുതല്‍ പത്തനംതിട്ട, സ്‌കൂള്‍ ഓഫ് ടെക്‌നോളജി ആന്‍ഡ് അപ്ലൈഡ് സയന്‍സസില്‍ നടക്കും. ടൈം ടേബിള്‍ വെബ്‌സൈറ്റില്‍.

ഒന്നാം സെമസ്റ്റര്‍ എംഎസ്‌സി ബോട്ടണി (2025 അഡ്മിഷന്‍ റെഗുലര്‍, 2024 അഡ്മിഷന്‍ ഇംപ്രൂവ്‌മെന്റ്, 2020 മുതല്‍ 2024 വരെ അഡ്മിഷനുകള്‍ റീ അപ്പിയറന്‍സ്, 2019 അഡ്മിഷന്‍ ആദ്യ മേഴ്‌സി ചാന്‍സ്) ഡിസംബര്‍ 2025 പരീക്ഷയുടെ പ്രാക്ടിക്കല്‍ പരീക്ഷകള്‍ ഫെബ്രുവരി ഒന്‍പതു മുതല്‍ 12 വരെ തീയതികളിലായി നടക്കും. ടൈം ടേബിള്‍ വെബ് സൈറ്റില്‍.

 ഒന്നു മുതല്‍ എട്ടു വരെ സെമസ്റ്ററുകള്‍ ബിടെക് ഇലക്ട്രോണിക്‌സ് ആന്‍ഡ് കമ്മ്യുണിക്കേഷന്‍ എന്‍ജിനിയറിംഗ്, ബിടെക് കംപ്യുട്ടര്‍ സയന്‍സ് ആന്‍ഡ് എന്‍ജിനീയറിംഗ് (2010ന് മുമ്പുള്ള അഡ്മിഷനുകള്‍ മേഴ്‌സി ചാന്‍സ് പരീക്ഷ) ജൂലൈ 2024ന്റെ പ്രാക്ടിക്കല്‍ പരീക്ഷകള്‍ ഫെബ്രുവരി രണ്ടു മുതല്‍ മുട്ടം യുസിഇ കോളജില്‍ നടക്കും. ടൈം ടേബിള്‍ വെബ്‌സൈറ്റില്‍.

പരീക്ഷയ്ക്ക് അപേക്ഷിക്കാം

ഒന്നാം സെമസ്റ്റര്‍ എംഎസ്്സി മെഡിക്കല്‍ ഡോക്യുമെന്റേഷന്‍ (2025 അഡ്മിഷന്‍ റെഗുലര്‍, 2022 മുതല്‍ 2024 വരെ അഡ്മിഷനുകള്‍സപ്ലിമെന്ററി, 2021 അഡ്മിഷന്‍ ആദ്യ മേഴ്‌സി ചാന്‍സ്, 2020 അഡ്മിഷനുകള്‍ രണ്ടാം മേഴ്‌സി ചാന്‍സ്, 2019 അഡ്മിഷന്‍ അവസാന മേഴ്‌സി ചാന്‍സ്) പരീക്ഷകള്‍ മാര്‍ച്ച് നാലു മുതല്‍ നടക്കും. ഫെബ്രുവരി ഒമ്പതു വരെ അപേക്ഷിക്കാം. ഫൈനോടുകൂടി ഫെബ്രുവരി 10 വരെയും സൂപ്പര്‍ ഫൈനോടെ ഫെബ്രുവരി 11 വരെയും അപേക്ഷ സ്വീകരിക്കും.

പരീക്ഷാ ഫലം

ത്രിവത്സര എല്‍എല്‍ബി അവസാന സ്‌പെഷല്‍ മേഴ്‌സി ചാന്‍സ് (സെമസ്റ്റര്‍ സ്‌കീം) സെപ്റ്റംബര്‍ 2024 പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും ഫെബ്രുവരി 13 വരെ വരെ നിശ്ചിത ഫീസ് അടച്ച് പരീക്ഷാ കണ്‍ട്രോളറുടെ കാര്യാലയത്തില്‍ അപേക്ഷ നല്‍കാം.