കണ്ണൂർ: സർവകലാശാല, തലശേരി ഡോ. ജാനകി അമ്മാൾ കാമ്പസിലെ ബയോടെക്‌നോളജി ആൻഡ് മൈക്രോബയോളജി വകുപ്പിൽ, ബയോടെക്നോളജി ഇൻഡസ്ട്രി റിസർച്ച് അസിസ്റ്റന്‍റ്സ് കൗൺസിലിന്‍റെ (BIRAC) പിന്തുണയോടെ പ്രവർത്തിക്കുന്ന ഇ-യുവ (E-YUVA) സെന്‍ററിലേക്ക് പ്രോജക്ട് അസിസ്റ്റന്‍റ് ഒഴിവിലേക്ക് അപേക്ഷകൾ ക്ഷണിക്കുന്നു. താത്പര്യമുള്ള ഉദ്യോഗാർഥികൾ നിർദിഷ്ട മാതൃകയിലുള്ള അപേക്ഷകൾ 30ന് മുന്പായി [email protected] എന്ന ഇമെയിൽ വിലാസത്തിൽ സമർപ്പിക്കേണ്ടതാണ്. വിദ്യാഭ്യാസ യോഗ്യത, യോഗ്യതാ മാനദണ്ഡങ്ങൾ, വേതനം, മറ്റ് വിവരങ്ങൾ എന്നിവയ്ക്കായി ഔദ്യോഗിക വെബ്സൈറ്റ് സന്ദർശിക്കുക: https://www.kannuruniversity.ac.in/en/infodesk/careers/

 പ്ലസ്ടു വിദ്യാർഥികൾക്കു ഫിസിക്സ്, കെമിസ്ട്രി തത്സമയ പ്രവേശനം

പയ്യന്നൂർ കാമ്പസിലെ ഫിസിക്സ്, കെമിസ്ട്രി പഠന വകുപ്പുകൾ നടത്തുന്ന അഞ്ചുവർഷ ഇന്‍റഗ്രേറ്റഡ് ബിരുദ പ്രോഗ്രാമിൽ ഒഴിവുള്ള ഏതാനും സീറ്റുകളിലേക്ക് തത്സമയ പ്രവേശനം നടത്തുന്നു. പ്ലസ്ടു സയൻസ് (കുറഞ്ഞത് 50 ശതമാനം മാർക്ക്) യോഗ്യത ഉള്ളവർ17 ന് രാവിലെ 11 ന് കണ്ണൂർ സർവകലാശാലയുടെ പയ്യന്നൂർ കാമ്പസിൽ എത്തേണ്ടതാണ്. ഫോൺ: 04972806401, 9497720572.

പയ്യന്നൂർ കാമ്പസിലെ ഫിസിക്സ് പഠനവകുപ്പിൽ എംഎസ്‌സി ഫിസിക്സ് കോഴ്സിൽ ഒഴിവുള്ള സീറ്റുകളിലേക്ക് തത്സമയ പ്രവേശനം നടത്തുന്നു. യോഗ്യരായവർ ഇന്നു രാവിലെ11 ന് കണ്ണൂർ സർവകലാശാലയുടെ പയ്യന്നൂർ കാമ്പസിൽ എത്തേണ്ടതാണ്. ഫോൺ: 04972806401, 9497720572.

കണ്ണൂർ സർവകലാശാലയുടെ മാങ്ങാട്ടുപറമ്പ കാമ്പസിൽ ഇക്കണോമിക്സ് ഡിപ്പാർട്മെന്‍റിൽ എംഎ ഇക്കണോമിക്സ് കോഴ്സിന് ഏതാനും സീറ്റുകൾ ഒഴിവുണ്ട്. സ്പോട്ട് അഡ്മിഷനായി യോഗ്യരായ വിദ്യാർഥികൾ ഇന്നു രാവിലെ 10.30 ന് എല്ലാ അസൽ സർട്ടിഫിക്കറ്റുകളുമായി മാങ്ങാട്ടുപറമ്പ കാമ്പസിലെ സാമ്പത്തിക ശാസ്ത്ര പഠന വകുപ്പ് മേധാവിയുടെ മുന്നിൽ ഹാജരാകേണ്ടതാണ്. ഫോൺ: 9400337417.

കണ്ണൂർ സർകലാശാലയുടെ മാങ്ങാട്ടുപറമ്പ കാമ്പസിൽ ഇക്കണോമിക്സ് ഡിപ്പാർട്മെന്‍റിൽ അഞ്ചുവർഷ ഇന്‍റഗ്രേറ്റഡ് ഇക്കണോമിക്സ് ബിരുദാനന്തര ബിരുദ കോഴ്സിലേക്കുള്ള സ്പോട്ട് അഡ്മിഷൻ ഇന്ന് നടക്കും. യോഗ്യരായ വിദ്യാർഥികൾ അന്നേ ദിവസം എല്ലാ അസൽ സർട്ടിഫിക്കറ്റു കളുമായി മാങ്ങാട്ടുപറമ്പ കാമ്പസിലെ സാമ്പത്തിക ശാസ്ത്ര പഠന വകുപ്പ് മേധാവിയുടെ മുന്നിൽ ഹാജരാകേണ്ടതാണ്. ഫോൺ: 9400337417.

കണ്ണൂർ സർവകലാശാലയുടെ നീലേശ്വരം ഡോ. പി.കെ. രാജൻ മെമ്മോറിയൽ കാമ്പസിൽ, എംഎ മലയാളം പ്രോഗ്രാമിൽ ജനറൽ കാറ്റഗറിയിലും, ഇടിബി, എസ്‌സി, എസ്ടി, എൽസി എന്നീ സംവരണ വിഭാഗങ്ങളിലും ഏതാനും സീറ്റ് ഒഴിവുണ്ട്. താത്പര്യമുള്ള വിദ്യാർഥികൾ അസൽ യോഗ്യത സർട്ടിഫി ക്കറ്റുകൾ സഹിതം ഇന്നു രാവിലെ10 ന് മലയാള വിഭാഗത്തിൽ നേരിട്ട് ഹാജരാകേണ്ടതാണ്. ഡിഗ്രി പരീക്ഷയ്ക്ക് ലഭിച്ച മാർക്കിന്‍റെ അടിസ്ഥാനത്തിൽ ആയിരിക്കും പ്രവേശനം. ഫോൺ: 9400887801, 9349852787.

കണ്ണൂർ സർവകലാശാല താവക്കര കാമ്പസിൽ പ്രവർത്തിക്കുന്ന ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിലെ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് കോഴ്സിൽ ഏതാനും സീറ്റുകൾ ഒഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് യോഗ്യത. താത്പര്യമുള്ള വർ യോഗ്യത തെളിയിക്കുന്ന അസൽ സർട്ടിഫിക്കറ്റുകളുമായി ഇന്നു രാവിലെ 11.30 ന് വകുപ്പ് മേധാവിക്ക് മുന്പാകെ ഹാജരാകേണ്ടതാണ്. ഫോൺ: 9744050979.

കണ്ണൂർ സർവകലാശാല കായിക പഠന വിഭാഗത്തിൽ Five Year Integrated MPES പ്രോഗ്രാമിലേക്ക് 2026-27 അധ്യയന വർഷത്തെ ഒഴിവുള്ള എസ്ടി കാറ്റഗറി (ഒരു ഒഴിവ്), എസ്‌സി SC കാറ്റഗറി (ഒരു ഒഴിവ്), എൽസി കാറ്റഗറി(ഒരു ഒഴിവ്) സീറ്റുകളിലേക്ക് ഇന്ന് സ്പോട്ട് അഡ്മിഷൻ നടക്കുന്നതാണ്. അഡ്മിഷൻ നേടാൻ ആഗ്രഹിക്കുന്ന യോഗ്യരായ വിദ്യാർഥികൾ അന്നേദിവസം രാവിലെ 10 ന് മാങ്ങാട്ടുപറമ്പ കാമ്പസിലെ പഠന വകുപ്പിൽ എല്ലാ അസൽ സർട്ടിഫിക്കറ്റുകളുമായി അഡ്മിഷൻ ടെസ്റ്റിന് ഹാജരാകേണ്ടതാണ്.