സർവകലാശാല ഡിപ്പാർട്ട്മെൻറ് ഓഫ് ഫിസിക്സ്, ആനന്ദതീർഥ കാമ്പസിൽ നടത്ത്യ രണ്ടാം സെമസ്റ്റർ എഫ്‌വൈഐഎംപി ഫിസിക്കൽ സയൻസ് ബിരുദം (മേയ് 2025), സ്കൂൾ ഓഫ് ബിഹേവിയറൽ സയൻസ് - മാങ്ങാട്ടുപറമ്പ് കാമ്പസിൽ നടത്തിയ രണ്ടാം സെമസ്റ്റർ എഫ്‌വൈഐഎംപി ക്ലിനിക്കൽ സൈക്കോളജി ബിരുദം (മേയ് 2025) , സർവകലാശാല ഡിപ്പാർട്ട്മെൻറ് ഓഫ് ഇൻഫർമേഷൻ ടെക്നോളജി മാങ്ങാട്ടുപറമ്പ് കാമ്പസിൽ നടത്തപ്പെട്ട രണ്ടാം സെമസ്റ്റർ എഫ്‌വൈഐഎംപി കംപ്യൂട്ടേഷണൽ സയൻസ് ബിരുദം (മേയ്2025), ഡിപ്പാർട്ട്മെൻറ് ഓഫ് ഫിസിക്കൽ എഡ്യൂക്കേഷൻ മാങ്ങാട്ടുപറമ്പ് കാമ്പസിൽ നടത്തപ്പെട്ട ഒന്നാം സെമസ്റ്റർ എഫ്‌വൈഐഎംപി ഫിസിക്കൽ എഡ്യൂക്കേഷൻ ബിരുദം (നവംബർ 2024) എന്നീ പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.

കണ്ണൂർ സർവകലാശാലയിൽ മാസീവ് ഓപ്പൺ ഓൺലൈൻ കോഴ്‌സ് കോഴ്‌സ് തുടങ്ങി

കണ്ണൂർ സർവകലാശാലയുടെ ഇന്‍റേണൽ ക്വാളിറ്റി അഷ്വറൻസ് സെൽ (IQAC), കാലിക്കറ്റ് സർവകലാശാലയിലെ എഡ്യൂക്കേഷണൽ മൾട്ടിമീഡിയ റിസർച്ച് സെന്‍റർ (EMMRC) എന്നിവ സംയുക്തമായി തയാറാക്കിയ മാസീവ് ഓപ്പൺ ഓൺലൈൻ കോഴ്‌സ് (MOOC) ആരംഭിച്ചു. താവക്കര കാമ്പസിൽ രജിസട്രാർ പ്രഫ. ഡോ. ജോബി കെ. ജോസ് പാഠ്യപദ്ധതിക്ക് തുടക്കം കുറിച്ചു. എംഒഒസി കോഴ്സുകൾ കാലഘട്ടത്തിന്‍റെ വിദ്യാഭ്യാസ രീതിയാണ്. സമൂഹത്തിലെ എല്ലാ മേഖലകളിൽ ഉള്ളവർക്കും പഠനത്തിൽ പങ്കാളികൾ ആകാൻ മാസീവ് ഓപ്പൺ ഓൺലൈൻ കോഴ്‌സുകൾ വഴിയൊരുക്കും എന്നും അദ്ദേഹം പറഞ്ഞു.
ചടങ്ങിൽ നാക് കോ -ഓർഡിനേറ്റർ പ്രഫ. ഡോ. എ. സാബു അധ്യക്ഷത വഹിച്ചു. കണ്ണൂർ സർവകലാശാല ജ്യോഗ്രഫി വകുപ്പിലെ അസിസ്റ്റന്‍റ് പ്രഫസർ പി. ബാലകൃഷ്ണൻ ആണ് കോഴ്‌സ് കോ -ഓർഡിനേറ്റർ.
സ്റ്റാറ്റിസ്റ്റിക്കൽ മെത്തേഡ്സ് ഇൻ ജ്യോഗ്രഫി (പ്രാക്ടിക്കൽ)' എന്ന വിഷയത്തിലാണ് ഈ കോഴ്‌സ് ആരംഭിച്ചിരിക്കുന്നത്. കേന്ദ്ര വിദ്യാഭ്യാസ മന്ത്രാലയത്തിന് കീഴിലുള്ള 'സ്വയം' (SWAYAM) പ്ലാറ്റ്‌ഫോം വഴിയാണ് കോഴ്‌സ് ലഭ്യമാക്കുന്നത്. യുജിസിക്ക് കീഴിലുള്ള കൺസോർഷ്യം ഫോർ എഡ്യൂക്കേഷണൽ കമ്യൂണിക്കേഷന്‍റെ (CEC) സഹകരണത്തോടെയാണ് കോഴ്‌സ് നടപ്പിലാക്കുന്നത്. പ്രധാനമായും ബിരുദതല (Undergraduate) വിദ്യാർഥികളെ ലക്ഷ്യമിട്ടാണ് ഈ ഓൺലൈൻ പഠനപദ്ധതി രൂപകല്പന ചെയ്തിരിക്കുന്നത്.
വിദ്യാർഥികളിൽ സ്ഥിതിവിവരക്കണക്കുകളുമായി ബന്ധപ്പെട്ട വിശകലന പാടവം (Analytical Skills) വളർത്തിയെടുക്കുക എന്നതാണ് കോഴ്സിന്‍റെപ്രധാന ലക്ഷ്യം. ഭൂമിശാസ്ത്രപരമായ ഡാറ്റാ വിശകലനത്തിന് (Geo-spatial analysis) ആവശ്യമായ പ്രായോഗിക അറിവ് ഈ പാഠ്യപദ്ധതി നൽകുന്നു. വിവരങ്ങളുടെ വർഗീകരണം, പട്ടികപ്പെടുത്തൽ എന്നിവയെല്ലാം വിദ്യാർഥികൾക്ക് ഇതിലൂടെ എളുപ്പത്തിൽ പഠിക്കാൻ സാധിക്കും. ക്വാണ്ടിറ്റേറ്റീവ് ഡാറ്റ കൃത്യമായി ശേഖരിക്കാനും സംഘടിപ്പിക്കാനും വിലയിരുത്താനും വിദ്യാർഥികളെ കോഴ്സിന്‍റെ സിലബസ് പ്രാപ്തരാക്കും.
2026 ജൂലൈ മുതൽ ഒക്ടോബർ വരെയുള്ള സെമസ്റ്റർ കാലയളവിലാണ് ക്ലാസുകൾ നടക്കുന്നത്. പാഠ്യപദ്ധതിയിൽ പങ്കാളികളാകാൻ താത്പര്യമുള്ളവർക്ക് 2026 ഓഗസ്റ്റ് 31 വരെ സ്വയം (SWAYAM) പ്ലാറ്റ്‌ഫോമിൽ (www.swayam.gov.in) പേര് രജിസ്റ്റർ ചെയ്യാവുന്നതാണ്. വിവിധ അക്കാദമിക് ക്രെഡിറ്റുകൾ നേടാൻ ആഗ്രഹിക്കുന്ന ബിരുദ വിദ്യാർഥികൾക്ക് ഇതൊരു മികച്ച അവസരമാണ്. ഈ കോഴ്‌സ് വിജയകരമായി പൂർത്തിയാക്കുന്നതിലൂടെ വിദ്യാർഥികൾക്ക് തങ്ങളുടെ പഠനത്തിൽ അക്കാദമിക് ക്രെഡിറ്റുകൾ കൂട്ടിച്ചേർക്കാൻ സാധിക്കും. ബിരുദ വിദ്യാർഥികൾക്ക് പുറമെ ഈ വിഷയത്തിൽ താത്പര്യമുള്ള മറ്റ് ആർക്കും കോഴ്‌സിൽ ചേരാവുന്നതാണ്.
കണ്ണൂർ സർവകലാശാല ജ്യോഗ്രഫി അസോസിയേറ്റിവ് പ്രഫസർ ഡോ. ടി.കെ. പ്രസാദ്, ഇഎംഐആർസി പ്രൊഡ്യൂസർ നടുത്തോഡി സജീത്, ടെക്നീഷൻ എ. ഷമ്ജിത്ത് തുടങ്ങിയവർ പ്രസംഗിച്ചു.

ഗ്രേഡ് കാർഡുകൾ പുതുക്കി ലഭിക്കാൻ അപേക്ഷിക്കാം

കണ്ണൂർ: കേരള ഹൈക്കോടതിയുടെ 16.06.2020 തിയതിയിലെ വിധിയുടെ പശ്ചാത്തലത്തിൽ ഗ്രേഡ് കാർഡുകൾ പുതുക്കി ലഭിക്കേണ്ട 2008 പ്രവേശനം ബിരുദ വിദ്യാർഥികൾ, അതിനുള്ള അപേക്ഷ, അസൽ ഗ്രേഡ് കാർഡുകളും സർട്ടിഫിക്കറ്റുകളും സഹിതം പരീക്ഷാ വിഭാഗത്തിൽ സമർപ്പിക്കേണ്ട താണ്.

തത്സമയ പ്രവേശനം

കണ്ണൂർ സർവകലാശാലയുടെ പയ്യന്നൂർ കാമ്പസിലെ രസതന്ത്ര പഠനവകുപ്പിൽ കണ്ണൂർ സർവകലാ ശാലയും എംജി സർവകലാശാലയും സംയുക്തമായി നടത്തുന്ന എംഎസ്‌സി കെമിസ്ട്രി (നാനോ സയൻസ് ആൻഡ് നാനോ ടെക്നോളജി) കോഴ്‌സിൽ എസ്‌സി ഉൾപ്പെടെ ഏതാനും സീറ്റുകൾ ഒഴിവുണ്ട്. അർഹരായവർ യോഗ്യതാ സർട്ടിഫിക്കറ്റുകളുമായി 13 ന് രാവിലെ 10.30 ന് വകുപ്പ് തലവൻ മുന്പാകെ ഹാജരാകണം. ഫോൺ: 9496372088, 04972806402.

 

പരീക്ഷാ വിജ്ഞാപനം

2026 ഓഗസ്റ്റ് 11 ന് ആരംഭിക്കുന്ന രണ്ടാം സെമസ്റ്റർ പിജിഡിസിപി (റെഗുലർ/സപ്ലിമെന്‍ററി ) മേയ് 2026 പരീക്ഷകൾക്ക് ജൂലൈ 22 മുതൽ 27 വരെ പിഴയില്ലാതെയും ജൂലൈ 29 വരെ പിഴയോടു കൂടിയും അപേക്ഷിക്കാം. പരീക്ഷാ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്.