കാലിക്കട്ട് സർവകലാശാലാ നാനോസയൻസ് ആൻഡ് ടെക്നോളജി പഠനവകുപ്പിലെ എംഎസ്‌സി കെമിസ്ട്രി (നാനോസയൻസ്), എംഎസ്‌സി ഫിസിക്സ് (നാനോ സയൻസ്) എന്നീ പ്രോഗ്രാമുകളിൽ ഓരോന്നിലും എസ്‌സി, എസ്ടി സംവരണ വിഭാഗങ്ങളിലായി രണ്ട് വീതവും ഓൾ ഇന്ത്യ, പിഎച്ച് വിഭാഗങ്ങളിലായി ഒന്ന് വീതവും സീറ്റൊഴിവുണ്ട്. താത്പര്യമുള്ളവർ ജൂലൈ 18ന് മുൻപായി ലേറ്റ് രജിസ്‌ട്രേഷൻ ചെയ്യണം.

 സീറ്റൊഴിവ്

കാലിക്കട്ട് സർവകലാശാലാ ഫിലോസഫി പഠനവകുപ്പിൽ എംഎ ഫിലോസഫി പ്രോഗ്രാമിൽ ഏതാനും സീറ്റൊഴിവുണ്ട്. അടിസ്ഥാന യോഗ്യത: 50 ശതമാനം മാർക്കിൽ കുറയാത്ത ബിരുദം. അതത് സംവരണ വിഭാഗങ്ങളിലെ അപേക്ഷകരുടെ അഭാവത്തിൽ മറ്റ് വിഭാഗക്കാരെയും പരിഗണിക്കും. ഒഴിവുള്ള സീറ്റുകളിലേക്ക് ഓൺലൈനായി ലേറ്റ് രജിസ്‌ട്രേഷൻ ചെയ്യുന്നതിനുള്ള സൗകര്യം ജൂലൈ 18ന് വൈകീട്ട് അഞ്ച് വരെ ലഭ്യമാകും. കൂടുതൽ വിവരങ്ങൾ പ്രവേശന വിഭാഗം വെബ്‌സൈറ്റിൽ https://admission.uoc.ac.in/.

 സീറ്റൊഴിവ്

കാലിക്കറ്റ് സർവകലാശാലാ സ്‌കൂൾ ഓഫ് ഫോക്‌ലോർ സ്റ്റഡീസിൽ എംഎ ഫോക്‌ലോർ പ്രോഗ്രാമിന് എസ്‌സി, എസ്ടി വിഭാഗങ്ങളിലായി രണ്ട് വീതം ഒഴിവുകളുണ്ട്. യോഗ്യരായവർ ജൂലൈ 18ന് വൈകീട്ട് അഞ്ചിന് മുൻപായി രജിസ്‌ട്രേഷൻ നടപടികൾ പൂർത്തീകരിക്കണം. വിശദ വിവരങ്ങൾ വെബ്‌സൈറ്റിൽ https://admission.uoc.ac.in/.

 സീറ്റൊഴിവ്

കാലിക്കട്ട് സർവകലാശാലാ സോഷ്യോളജി പഠനവകുപ്പിൽ എംഎ സോഷ്യോളജി പ്രോഗ്രാമിന് എസ്‌സി - നാല്, എസ്ടി - ഒന്ന് എന്നിങ്ങനെ സീറ്റൊഴിവുണ്ട്. യോഗ്യരായവർ ജൂലൈ 18ന് മുൻപായി ലേറ്റ് രജിസ്‌ട്രേഷൻ ചെയ്യണം. കൂടുതൽ വിവരങ്ങൾ പ്രവേശന വിഭാഗം വെബ്‌സൈറ്റിൽ https://admission.uoc.ac.in/.

 സീറ്റൊഴിവ്

കാലിക്കട്ട് സർവകലാശാല എജ്യുക്കേഷണല്‍ ആൻഡ് മള്‍ട്ടിമീഡിയ റിസര്‍ച്ച് സെന്‍ററില്‍ (ഇഎംഎംആർസി) നടത്തുന്ന ഒരു വർഷ പിജി ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍ പ്രോഗ്രാമിന് എസ്‌സി / എസ്ടി വിഭാഗത്തിൽ ഏതാനും സീറ്റൊഴിവുണ്ട്. അടിസ്ഥാന യോഗ്യത: ബിരുദം. എഐ ഉള്‍പ്പെടെ ആധുനിക മാധ്യമ സാങ്കേതിക വിഷയങ്ങള്‍ക്ക് പ്രാധാന്യം നല്‍കുന്ന കോഴ്സില്‍ രണ്ട് സെമസ്റ്ററുകളിലായി വിദ്യാർഥികൾക്ക് ഓഡിയോ - വിഷ്വല്‍ പ്രൊഡക്ഷന്‍, ഡിസൈന്‍ എന്നീ വിഭാഗങ്ങളില്‍ സ്പെഷ്യലൈസ് ചെയ്യാനും ഇന്‍റേണ്‍ഷിപ്പിനും അവസരമുണ്ട്. ഫോട്ടോഗ്രഫി, വീഡിയോഗ്രഫി, ഡിജിറ്റല്‍ ഡിസൈന്‍, ഓഡിയോ-വീഡിയോ പ്രൊഡക്ഷന്‍, എഐ പ്രോംപ്റ്റിംഗ്, എഐ കണ്ടന്‍റ് ക്രിയേഷൻ, യുഐ-യുഎക്സ് - വെബ് ഡിസൈന്‍ തുടങ്ങിയവ കോഴ്സിന്‍റെ ഭാഗമാണ്. താത്പര്യമുള്ളവർ ജൂലൈ 20ന് രാവിലെ പത്തിന് മതിയായ രേഖകൾ സഹിതം കാലിക്കട്ട് സർവകലാശാല ഇഎംഎംആർസിയിൽ ഹാജരാകണം. ഫോൺ: 9946823812, 9846512211.

പ്രഫസർ നിയമനം

കാലിക്കട്ട് സർവകലാശാല സെന്‍റർ ഫോർ ഫിസിക്കൽ എജ്യുക്കേഷനിൽ കരാറടിസ്ഥാനത്തിലുള്ള അസിസ്റ്റന്‍റ് പ്രഫസർ നിയമനത്തിന് അപേക്ഷ ക്ഷണിച്ചു. രണ്ട് ഒഴിവാണുള്ളത്. യോഗ്യത: 55 ശതമാനം മാർക്കിൽ കുറയാത്ത ഫിസിക്കൽ എജ്യുക്കേഷൻ ബിരുദാനന്തര ബിരുദം, നെറ്റ് / പിഎച്ച്ഡി. ഉയർന്ന പ്രായപരിധി: 64. താത്പര്യമുള്ളവർക്ക് ജൂലൈ 28 വരെ സർവകലാശാല വെബ്‌സൈറ്റിൽ ബയോഡാറ്റ സമർപ്പിക്കാം. വിശദമായ വിജ്ഞാപനം വെബ്‌സൈറ്റിൽ.

പരീക്ഷ

അഫിലിയേറ്റഡ് കോളജുകളിലെ രണ്ടാം സെമസ്റ്റർ അഞ്ച് വർഷ ഇന്‍റഗ്രേറ്റഡ് പിജി (FYIP - സിബിസിഎസ്എസ് - 2025 പ്രവേശനം) ഏപ്രിൽ 2026 റഗുലർ പരീക്ഷകൾ ആഗസ്റ്റ് മൂന്നിന് തുടങ്ങും. വിശദമായ സമയക്രമം വെബ്സൈറ്റിൽ.

പുനർമൂല്യനിർണയഫലം

മൂന്നാം സെമസ്റ്റർ ബിഎംഎംസി (സിബിസിഎസ്എസ് - യുജി - 2020 മുതൽ 2023 വരെ പ്രവേശനം) നവംബർ 2025 സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ പുനർമൂല്യനിർണയഫലം പ്രസിദ്ധീകരിച്ചു.

പിജി ക്യാപ് 2026; ലേറ്റ് രജിസ്ട്രേഷൻ / എഡിറ്റിംഗ്

കാലിക്കട്ട് സർവകലാശാലയുടെ 2026 - 27 അധ്യയന വർഷത്തെ ഏകജാലകം മുഖേനയുള്ള പിജി പ്രവേശനത്തിന് (പിജി ക്യാപ് 2026) ഇതുവരെ അപേക്ഷിക്കാത്തവർക്ക് ലേറ്റ് രജിസ്‌ട്രേഷനുള്ള സൗകര്യം ജൂലൈ 15 മുതൽ ലഭ്യമാണ്. ലേറ്റ് രജിസ്‌ട്രേഷൻ ഫീ: എസ്‌സി / എസ്ടി - 570 രൂപ, മറ്റുള്ളവർ - 870 രൂപ. എംഎ ഇംഗ്ലീഷ് പ്രോഗ്രാമിന് നോൺ - ഇംഗ്ലീഷ് (ബിരുദ തലത്തിൽ ഇംഗ്ലീഷ് കോർ വിഷയമായി പഠിക്കാത്തവർ) വിഭാഗത്തിൽപ്പെടുന്നവരുടെ അപേക്ഷ പരിഗണിക്കില്ല. പിജി ക്യാപ് 2026 അപേക്ഷ നേരത്തെ സമർപ്പിച്ചവർക്ക് അപേക്ഷയിൽ എഡിറ്റിംഗ് (മൊബൈൽ നമ്പർ, ഇ-മെയിൽ ഐഡി എന്നിവ ഒഴികെ) വരുത്തുന്നതിനുള്ള സൗകര്യവും ജൂലൈ 15 മുതൽ ലഭ്യമാണ്. എഡിറ്റിംഗ് സൗകര്യം ഉപയോഗപ്പെടുത്തിയവർ പുതുക്കിയ അപേക്ഷയുടെ പ്രിന്‍റ്ഔട്ട് എടുത്ത് സൂക്ഷിക്കണം.