അഞ്ച്, ആറ് സെമസ്റ്റർ ബിരുദ സ്പോർട്സ് സ്പെഷൽ (റെഗുലർ-2023 അഡ്മിഷൻ), പരീക്ഷകളുടെ ഫലം സർവകലാശാല വെബ്‌സൈറ്റിൽ ലഭ്യമാണ്. പുന:പരിശോധന/സൂക്ഷ്മപരിശോധന, ഫോട്ടോകോപ്പി എന്നിവയുടെ അപേക്ഷകൾ ഓഗസ്റ്റ് നാലിന് വൈകുന്നേരം അഞ്ചുവരെ ഓൺലൈനായി സ്വീകരിക്കും.

പരീക്ഷാ ഫലം

അഫിലിയേറ്റഡ് കോളജുകളിലെ നാലാം സെമസ്റ്റർ എംഎ ഹിന്ദി ലാംഗ്വേജ് ആൻഡ് ലിറ്ററേച്ചർ, എംഎസ്ഡബ്ല്യൂ (റെഗുലർ/സപ്ലിമെന്‍ററി/ ഇംപ്രൂവ്മെന്‍റ്) ഏപ്രിൽ 2026 പരീക്ഷകളുടെ ഫലം സർവകലാശാല വെബ്‌സൈറ്റിൽ ലഭ്യമാണ്. പുന:പരിശോധന/സൂക്ഷ്മപരിശോധന, ഫോട്ടോ കോപ്പി എന്നിവയുടെ അപേക്ഷകൾ ഓഗസ്റ്റ് നാലിന് വൈകുന്നേരം അഞ്ചുവരെ ഓൺലൈനായി സ്വീകരിക്കുന്നതാണ്.

ഹാൾ ടിക്കറ്റ്

യഥാക്രമം 2026 ഓഗസ്റ്റ് 17, 18 തിയ്യതികളിൽ ആരംഭിക്കുന്ന, കണ്ണൂർ സർവകലാശാല ആറാം സെമസ്റ്റർ ബി ടെക് ഡിഗ്രി സപ്ലിമെന്‍ററി (മേഴ്‌സി ചാൻസ് -2000 അഡ്മിഷൻ മുതൽ - പാർട്ട് ടൈം ഉൾപ്പെടെ ) മേയ് 2025, ഏഴാം സെമസ്റ്റർ ബി ടെക് ഡിഗ്രി (വൺ ടൈം മേഴ്‌സി ചാൻസ് -2000 അഡ്മിഷൻ മുതൽ - പാർട്ട് ടൈം ഉൾപ്പെടെ ) നവംബർ 2024 പരീക്ഷകൾക്കായി അപേക്ഷ സമർപ്പിച്ച, 2007-2014 അഡ്മിഷൻ വിദ്യാർഥികളുടെ ഹാൾ ടിക്കറ്റുകൾ ഓഗസ്റ്റ് 10 മുതൽ സർവകലാശാലാ വെബ് സൈറ്റിൽ ലഭ്യമാണ് . 2000-2006 അഡ്മിഷൻ വിദ്യാർഥികളുടെ ഹാൾ ടിക്കറ്റുകൾ ഓഗസ്റ്റ് 10 മുതൽ സർവകലാശാലയിൽ നിന്നും നേരിട്ട് കൈപ്പറ്റേണ്ടതാണ്. ആറാം സെമെസ്റ്ററിലെ PT 2K6/2K6 CE 607 CIVIL ENGINEERING DRAWING II എന്ന പേപ്പറിന്‍റെ പരീക്ഷ, ടൈം ടേബിളിൽ സൂചിപ്പിച്ച തിയതിയിൽ കണ്ണൂർ ഗവ. എൻജിനിയറിംഗ് കോളജിൽ നടക്കും.

സീറ്റൊഴിവ്: എംസിഎ പ്രവേശനം -എൻആർഐ

കണ്ണൂർ സർവകലാശാല മാങ്ങാട്ടുപറമ്പ കാമ്പസിലെ ഇൻഫർമേഷൻ ടെക്‌നോളജി പഠന വകുപ്പിൽ നടത്തപ്പെടുന്ന എംസിഎ കോഴ്‌സിൽ എൻആർഐ വിഭാഗത്തിൽ സീറ്റുകൾ ഒഴിവുണ്ട്. പ്രവേശനം ആഗ്രഹിക്കുന്ന വിദ്യാർഥികൾ നിശ്ചിത ഫീസ് അടച്ച് പഠന വകുപ്പിൽ നിന്നും ലഭിക്കുന്ന അപേക്ഷ ഫോറം പൂരിപ്പിച്ച് ആവശ്യമുള്ള രേഖകൾ സഹിതം 27 ന് വൈകുന്നേരം അഞ്ചിന് മുന്പായി പഠന വകുപ്പിൽ സമർപ്പിക്കേണ്ടതാണ്. ഫോൺ: 0497-2784535.

എം ലിബ് ഐഎസ്‌സി

കണ്ണൂർ സർവകലാശാല താവക്കര കാമ്പസിൽ പ്രവർത്തിക്കുന്ന ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിലെ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് കോഴ്സിൽ ഏതാനും സീറ്റുകൾ ഒഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് യോഗ്യത. താത്പര്യ മുള്ളവർ യോഗ്യത തെളിയിക്കുന്ന അസൽ സർട്ടിഫിക്കറ്റുകളുമായി 27 ന് രാവിലെ 11.30 ന് വകുപ്പ് മേധാവിക്ക് മുന്പാകെ ഹാജരാകേണ്ടതാണ്. ഫോൺ: 9744050979

എൽഎൽഎം

കണ്ണൂർ സർവകലാശാലയുടെ സ്കൂൾ ഓഫ് ലീഗൽ സ്റ്റഡീസ് മഞ്ചേശ്വരത്ത് എൽഎൽഎം കോഴ്സിൽ എസ്ടി, ജനറൽ വിഭാഗങ്ങളിൽ സീറ്റ് ഒഴിവുണ്ട്. കുറഞ്ഞത് 50 ശതമാനം മാർക്കോടെ നിയമവിരുദ്ധം നേടിയവരായിരിക്കണം. താത്പര്യമുള്ളവർ അസൽ സർട്ടിഫിക്കറ്റുകളും സർട്ടിഫിക്കറ്റുകളുടെ രണ്ട് പകർപ്പുകളും സഹിതം 27 ന് രാവിലെ10 ന് കാമ്പസിലെ വകുപ്പ് ഓഫീസിൽ നേരിട്ട് ഹാജരാകേണ്ടതാണ്.

സപ്ലിമെന്‍ററി അഡ്‌മിഷൻ' - നാല്‌ വർഷ ബിരുദ/ അഞ്ച് വർഷ ബിരുദാനന്തരബിരുദം

കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള ഗവൺമെന്‍റ്/എയ്ഡഡ്/സെൽഫ് ഫിനാൻസിംഗ് കോളജുകളിലെ നാലുവർഷ ബിരുദ പ്രോഗ്രാമുകളിലേക്കും സർവകലാശാല പഠനവകുപ്പുകളിലെ ഇന്‍റഗ്രേറ്റഡ് ബിരുദാനന്തര ബിരുദ പ്രോഗ്രാമുകളിലേക്കും എസ്‌സി/എസ്ടി വിഭാഗത്തിലുൾപ്പെടെയുള്ള എല്ലാ ഒഴിവുകളിലേക്കുമുള്ള സപ്ലിമെന്‍ററി അഡ്മിഷനിൽ പങ്കെടുക്കുന്നതിന് 24 മുതൽ 29 വരെ അപേക്ഷിക്കാം. വേക്കൻസി ലിസ്റ്റ് സർവകലാശാല അഡ്മിഷൻ വെബ്‌സൈറ്റിൽ ലഭ്യമാണ്.

അപേക്ഷകർ ഓൺലൈനായി സമർപ്പിച്ച അപേക്ഷയിൽ നിലവിൽ ഓപ്‌ഷനുകളൊന്നും ഉണ്ടാവുകയില്ല. പ്രൊഫൈലിൽ ലോഗിൻ ചെയ്ത് 200 രൂപ കറക്ഷൻ ഫീ ഒടുക്കിയതിനു ശേഷം സപ്ലിമെന്‍ററി അഡ്മിഷന് ആവശ്യമായ 15 ഓപ്ഷനുകൾ അപേക്ഷയിൽ ഉൾപ്പെടുത്താവുന്നതാണ്. കറക്ഷൻ ഫീസിനത്തിൽ 200 രൂപ ഒരു തവണ ഒടുക്കിയിട്ടുള്ളവരും, ഇതു വരെ അലോട്ട്മെന്‍റ് ലഭിക്കാത്തവരും, പുതിയതായി രജിസ്റ്റർ ചെയ്യുന്നവരും സപ്ലിമെന്‍ററി അഡ്മിഷന് വേണ്ടി കറക്ഷൻ ഫീ ഒടുക്കേണ്ടതില്ല.

വിവിധ കാരണങ്ങളാൽ അലോട്ട്മെന്‍റിൽ നിന്ന് പുറത്തായവർക്കും, നിലവിൽ പ്രവേശനം ലഭിച്ചവർക്കും, പ്രവേശനം ലഭിക്കാത്തവർക്കും സപ്ലിമെന്‍ററി അഡ്മിഷന് അവസരമുണ്ട്. ഇതുവരെ അപേക്ഷ സമർപ്പിക്കാത്തവർ ഓൺലൈനായി രജിസ്റ്റർ ചെയ്യണം. സപ്ലിമെന്‍ററി അഡ്മിഷനിൽ പങ്കെടുക്കാൻ ആഗ്രഹിക്കുന്ന എല്ലാ വിദ്യാർഥഥികളും പ്രൊഫൈലിൽ ലോഗിൻ ചെയ്ത് നിർബന്ധമായും ഒപ്‌ഷനുകൾ തെരഞ്ഞെടുക്കേണ്ടതുണ്ട്. അല്ലാത്ത പക്ഷം സപ്ലിമെന്‍ററി അഡ്മിഷനിൽ ഉൾപ്പെടുന്നതായിരിക്കില്ല.

സംവരണ വിഭാഗത്തിൽപ്പെട്ടവർ ഇൻഡക്സ് മാർക്കിന്‍റെ അടിസ്ഥാനത്തിൽ ജനറൽ മെറിറ്റ് കാറ്റഗറിയിലേക്ക് മാറാൻ സാധ്യതയുള്ളതിനാൽ ജനറൽ മെറിറ്റ് കാറ്റഗറിയിൽ ഉള്ള ഒഴിവുകളുടെ എണ്ണത്തിൽ കുറവ് വരാൻ സാധ്യതയുണ്ട്.
ജൂലൈ 30 ന് സർവകലാശാല വെബ്സൈറ്റിൽ സപ്ലിമെന്‍ററി റാങ്ക് ലിസ്റ്റ് പ്രസിദ്ധീകരിക്കും.

ജൂലൈ 31 മുതൽ ഓഗസ്റ്റ് ഏഴു വരെ അഡ്മിഷൻ നടക്കുന്നതായിരിക്കും. റാങ്ക് ലിസ്റ്റിൽ ഉൾപ്പെട്ട യോഗ്യരായ വിദ്യാർഥികളെ വേക്കൻസിക്കനുസൃതമായി കോളജ് അധികൃതർ, അപേക്ഷയിൽ നൽകിയ ഫോൺ നമ്പർ മുഖേന ബന്ധപ്പെടുന്നതായിരിക്കും.

ഇതിനകം പ്രവേശനം ലഭിച്ച അപേക്ഷകർ, സപ്ലിമെന്‍ററി അഡ്മിഷൻ ലഭിച്ച കോളജുകളിൽ ഹാജരായി പ്രവേശനം ഉറപ്പുവരുത്തിയതിന് ശേഷം മാത്രമേ മുന്പ് പ്രവേശനം ലഭിച്ച കോളജിൽ നിന്ന് ടിസി വാങ്ങാവു. വിദ്യാർഥികൾ സപ്ലിമെന്‍ററി അഡ്മിഷന് വേണ്ടി അപേക്ഷകൾ അതാത് കോളജുകളിൽ നേരിട്ട് ഹാജരാക്കുകയോ, ഇ മെയിൽ അയയ്ക്കുകയോ ചെയ്യേണ്ടതില്ല.

വശദവിവരങ്ങൾക്ക് 04972766388, 04972715227 എന്ന നമ്പറിലൊ, ugdoa@ kannuruniv.ac.in എന്ന ഈമെയിലിലോ www.admissions.kannuruniversity.ac.in എന്ന വെബ്സൈറ്റ് വഴിയോ ബന്ധപ്പെടാം.