അഫിലിയേറ്റഡ് കോളജുകളിലെയും സെന്‍ററുകളിലെയും രണ്ടാം സെമസ്റ്റർ എംബിഎ (ഏപ്രിൽ 2026), എംസിഎ (മേയ് 2026) പരീക്ഷകളുടെ ടൈം ടേബിൾ സർവകലാശാല വെബ്‌സൈറ്റിൽ പ്രസിദ്ധീക രിച്ചു

മേഴ്സി ചാൻസ് പരീക്ഷ

2014 മുതൽ 2018 വരെ വർഷങ്ങളിൽ അഫിലിയേറ്റഡ് കോളജുകളിൽ ബിരുദ പ്രോഗ്രാമിന് പ്രവേശനം നേടി വിജയകരമായി പ്രോഗ്രാം പൂർത്തിയാക്കാൻ സാധിക്കാതിരുന്ന വിദ്യാർഥികൾക്ക് വേണ്ടിയുള്ള രണ്ട് , നാല്‌ , ആറ് സെമസ്റ്റർ ബിരുദ മേഴ്‌സി ചാൻസ് പരീക്ഷകൾക്ക് ജൂൺ 15 മുതൽ ജൂൺ 30 വരെ പിഴയില്ലാതെയും ജൂലൈ രണ്ടു വരെ പിഴയോടു കൂടിയും രജിസ്റ്റർ ചെയ്യാവുന്നതാണ്. മേഴ്സി ചാൻസ് പരീക്ഷകൾക്ക് അപേക്ഷിക്കുന്ന വിദ്യാർഥികൾ അപേക്ഷയോടൊപ്പം റീ രജിസ്ട്രേഷൻ നടത്തുന്നതി നുള്ള നിശ്ചിത മാതൃകയിലുള്ള അപേക്ഷ, ഫീസ് അടച്ച രസീത് സഹിതം സമർപ്പിക്കേണ്ടതാണ്. പരീക്ഷാ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്.

 എംഎ ഇക്കണോമിക്സ് പ്രവേശനം 2026

കണ്ണൂർ സർവകലാശാലയുടെ മാങ്ങാട്ടുപറമ്പ കാമ്പസിലെ ഇക്കണോമിക്സ് വിഭാഗത്തിൽ എംഎ ഇക്കണോമിക്സ് പ്രവേശനത്തിന് അപേക്ഷകൾ ക്ഷണിക്കുന്നു. പരമ്പരാഗത കോഴ്സുകൾക്കു അതീതമായി പ്രോജക്ടുകളും ഇന്‍റേൺഷിപ്പുകളും, കൂടാതെ നൈപുണ്യ വികസനത്തിനായുള്ള നൂതന കോഴ്‌സുകൾ എന്നിവ സിലബസിന്‍റെ ഭാഗമായി ഉൾപ്പെടുത്തിയിരിക്കുന്നു. അംഗീകൃത സർവകലാശാലയിൽ നിന്ന് 50 ശതമാനം മാർക്കിൽ കുറയാതെയുള്ള ബിരുദമാണ്‌ അടിസ്ഥാന യോഗ്യത. അപേക്ഷിക്കാനുള്ള അവസാന തീയതി ജൂൺ 13, വൈകുന്നേരം അഞ്ചു വരെ.

അപേക്ഷ ക്ഷണിച്ചു

കണ്ണൂര്‍ സര്‍വകലാശാല മാങ്ങാട്ടുപറമ്പ് കാമ്പസിലെ സാമ്പത്തിക ശാസ്ത്രവകുപ്പിൽ പഞ്ചവത്സര ഇന്‍റഗ്രേറ്റഡ് ബിരുദാനന്തര ബിരുദ കോഴ്സിന് (Social science with specialization in Economics) അപേക്ഷിക്കാം. ഏതെങ്കിലും വിഷയത്തിൽ പ്ലസ് ടു പാസായവർക്ക് അപേക്ഷിക്കാ ം.
പ്രവേശനം ലഭിച്ചവർക്ക് മൂന്നുവർഷം പഠിച്ചാൽ ബിഎ സാമ്പത്തിക ശാസ്ത്ര ബിരുദവും നാലുവർഷം പൂർത്തീകരിച്ചാൽ ബിഎ ഹോണേഴ്സ് ബിരുദവും അല്ലെങ്കിൽ ബിഎ ഓണേഴ്സ് വിത്ത് റിസർച്ച് ബിരുദവും അഞ്ചുവർഷം പൂർത്തീകരിക്കുന്നവർക്ക് സാമ്പത്തിക ശാസ്ത്രത്തിൽ പഞ്ചവത്സര ഇന്‍റഗ്രേറ്റഡ് ബിരുദാനന്തര ബിരുദവും ലഭിക്കും.
കോർപറേറ്റ് സോഷ്യൽ റെസ്പോൺസിബിലിറ്റി, മണി ബാങ്കിംഗ് ആൻഡ് ഫിൻടെക്, ഇക്കണോ മിക്സ് ഫോർ കോംപറ്റിറ്റീവ് എക്സാമിനേഷൻ, ഇക്കണോമിക്സ് ഫോർ സ്റ്റാർട്ടപ്പ്സ് ആൻഡ് എന്‍റർപ്രണർഷിപ്പ്, ഹോസ്പിറ്റൽ ഇക്കണോമിക്സ്, ഇക്കണോമിക് ജേർണലിസം, ഡിജിറ്റൽ മാർക്കറ്റിംഗ്, സോഷ്യൽ സയൻസ് റിസർച്ചിലെ ജിഐഎസ് ആൻഡ് റിമോട്ട് സെൻസിംഗ്, ആർട്ടിഫിഷ്യൽ ഇന്‍റലിജൻസ്, ഇക്കണോമെട്രിക്സ് എന്നിങ്ങനെ ഒട്ടേറെ വിഷയങ്ങൾ വിവിധ സെമസ്റ്ററുകളിലായി പഠനവിഷയങ്ങളാണ്.
ഈ കോഴ്സിന് ജൂൺ 15 വരെ അപേക്ഷിക്കാം. സംശയ നിവാരണത്തിനായി ഫോൺ മുഖാന്തരം ( 9400337417, 7994297528 ) ബന്ധപ്പെടാം. വശദവവരങ്ങൾ സർവകലാശാല വെബ് സൈറ്റിൽ ( admission.kannuruniversity.ac.in )

പ്രൈവറ്റ് രജിസ്ട്രേഷൻ മൂന്നാം സെമസ്റ്റർ ബിസിഎ പരീക്ഷകൾ

പ്രൈവറ്റ് രജിസ്ട്രേഷൻ മൂന്നാം സെമസ്റ്റർ ബിസിഎ (2024 അഡ്മിഷൻ -എഫ്‌വൈയുജിപി പാറ്റേൺ) പ്രോഗ്രാമിന്‍റെ, മുമ്പ് നടത്താതെ മാറ്റിയ മൂന്ന് പേപ്പറുകളുടെ പരീക്ഷ ജൂൺ 10, 12, 15 തീയതികളിലായി തോട്ടട ശ്രീനാരായണ ഗുരു കോളജ് ഓഫ് അഡ്വാൻസ്ഡ് സ്റ്റഡീസിൽ നടത്താൻ നിശ്ചയിച്ചു. പ്രസ്തുത പരീക്ഷാ രജിസ്ട്രേഷൻ നടത്തിയ വിദ്യാർഥികൾ ഹാൾ ടിക്കറ്റ് ഡൗൺലോഡ് ചെയ്യേണ്ടതാണ്