കണ്ണൂർ സർവകലാശാലയുടെ ആറ്, ഏഴ് സെമസ്റ്റർ ബിടെക് മേഴ്‌സി ചാൻസ്, രണ്ടാം സെമസ്റ്റർ പിജി ഡിസിപി (റെഗുലർ/സപ്ലിമെന്‍ററി ) മേയ് 2026 പരീക്ഷകളുടെ ടൈം ടേബിൾ സർവകലാശാല വെബ്‌സൈറ്റിൽ പ്രസിദ്ധീകരിച്ചു .

പരീക്ഷാ ഫലം

മൂന്നാം സെമസ്റ്റർ പ്രൈവറ്റ് രജിസ്ട്രേഷൻ എംഎ/എംകോം ഡിഗ്രി (റെഗുലർ/സപ്ലിമെന്‍ററി ) നവംബർ 2025 പരീക്ഷാ ഫലം സർവകലാശാല വെബ്‌സൈറ്റിൽ ലഭ്യമാണ്. പുന:പരിശോധന, ഫോട്ടോകോപ്പി, സൂക്ഷ്മ പരിശോധന എന്നിവയ്ക്കുള്ള അപേക്ഷകൾ 29 വരെ സ്വീകരിക്കുന്നതാണ്.

പുനർമൂല്യനിർണയ ഫലം

പാലയാട് ഡോ. ജാനകി അമ്മാൾ കാമ്പസിൽ നടത്തപ്പെട്ട പത്താം സെമസ്റ്റർ ബിഎ എൽഎൽബി (റെഗുലർ/സപ്ലിമെന്‍ററി) ബിരുദം മേയ് 2026 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.

എംബിഎ എസ്‌സി, എസ്ടി സംവരണ സീറ്റിൽ പ്രവേശനം

കണ്ണൂർ സർവകലാശാലയുടെ കീഴിലുള്ള താവക്കര മാനേജ്മെൻറ് സ്റ്റഡീസ് ഡിപ്പാർട്ട്മെൻറിലും, സിഎംഎസ് മാങ്ങാട്ടുപറമ്പ സെൻററിലും എംബിഎ സെൻറർ നീലേശ്വരത്തും എംബിഎ കോഴ്സിന് (2026-27 പ്രവേശനം) ഏതാനും എസ്‌സി, എസ്ടി സംവരണ സീറ്റുകൾ ഒഴിവുണ്ട്. കെ മാറ്റ്, സി മാറ്റ്, കാറ്റ് എന്നീ യോഗ്യതയുള്ളവർ 22 ന് രാവിലെ11 ന് കണ്ണൂർ, താവക്കര കാമ്പസിലെ മാനേജ്മെൻറ് സ്റ്റഡീസിൽ എത്തിച്ചേരേണ്ടതാണ്.

എംഎസ്‌സി ഫിസിക്സിൽ

കണ്ണൂർ, മഹാത്മാ ഗാന്ധി സർവകലാശാലകൾ സംയുക്തമായി നടത്തുന്ന എംഎസ്‌സി ഫിസിക്സ് (നാനോ സയൻസ് ആൻഡ് നാനോ ടെക്നോളോജി) കോഴ്സിൽ പയ്യന്നൂർ സ്വാമി ആനന്ദതീർഥി കാമ്പസിൽ ഏതാനും സീറ്റുകൾ ഒഴിവുണ്ട്. യോഗ്യത: ബിഎസ്‌സി ഫിസിക്സ്/ബിഎസ്‌സി ഓണേഴ്‌സ് ഫിസിക്സ് ബിരുദം. അപേക്ഷകർ യോഗ്യത സർട്ടിഫിക്കറ്റുകളുമായി 20 ന് രാവിലെ
10.30 ന് പഠന വകുപ്പിൽ വകുപ്പ് തലവന് മുന്പാകെ ഹാജരാകണം. ഫോൺ: 9447649820, 04972806401.

എംഎ മ്യൂസിക്

കണ്ണൂർ സർവകലാശാല മ്യൂസിക് ഡിപ്പാർട്ട്മെന്‍റിലെ എംഎ മ്യൂസിക് പ്രോഗ്രാം 2026-28 വർഷത്തേക്കുള്ള പ്രവേശനത്തിന് ഏതാനും സീറ്റുകൾ ഒഴിവുണ്ട്. അപേക്ഷകർ യോഗ്യത സർട്ടിഫിക്കറ്റുകളുമായി 21 ന് രാവിലെ 11.30 ന് വകുപ്പ് മേധാവി മുന്പാകെ ഹാജരാകാവുന്നതാണ്. ഫോൺ: 9562042439.

എംഎസ്‌സി എൻവിയോൺമെൻറൽ സയൻസ്

കണ്ണൂർ സർവകലാശാല മാങ്ങാട്ടുപറമ്പ കാമ്പസിലെ പരിസ്ഥിതി പഠന വകുപ്പിൽ എംഎസ്‌സി എൻവയോൺമെന്‍റൽ സയൻസ് പ്രോഗ്രാമിന് ഏതാനും സീറ്റുകൾ ഒഴിവുണ്ട്. താത്പര്യമുള്ളവർ അസൽ സർട്ടിഫിക്കറ്റുകൾ സഹിതം 22 ന് രാവിലെ 10.30ന് പഠന വകുപ്പിൽ ഹാജരാകണം. ഫോൺ: 9946349800, 9995950671.

 കണ്ണൂർ സർവകലാശാല യൂണിയൻ തെരഞ്ഞെടുപ്പ്

കണ്ണൂർ: സർവകലാശാല യൂണിയൻ 2025-26, ഭാരവാഹികളുടെ തെരഞ്ഞെടുപ്പ് ഓഗസ്റ്റ്14ന് താവക്കര സർവകലാശാല ആസ്ഥാനത്ത് നടക്കും. ഇതിനായുള്ള തെരഞ്ഞെടുപ്പ് വിജ്ഞാപനം ജൂലൈ 31 ന് നിലവിൽ വരും. പ്രാഥമിക വോട്ടർ പട്ടിക ഓഗസ്റ്റ് ഒന്നിന് രാവിലെ 11 നും അന്തിമ വോട്ടർ പട്ടിക ഒാഗസ്റ്റ് നാലിന് വൈകുന്നേരം നാലിനും പ്രസിദ്ധീകരിക്കും.
നാമനിർദേശ പത്രിക സമർപ്പിക്കുന്നതിനുള്ള അവസാന തീയതി ഓഗസ്റ്റ് അഞ്ചിന് ഉച്ചയ്ക്ക് 12 നും പിൻവലിക്കാനുള്ള അവസാന തീയതി ഓഗസ്റ്റ് ഏഴിന് രാവിലെ 11 നും ആണ്. അന്തിമ നാമനിർദേശ പട്ടിക ഏഴിന് വൈകുന്നേരം 4.30ന് പ്രസിദ്ധീകരിക്കും.