കാലിക്കട്ട് സർവകലാശാലാ അഫിലിയേറ്റഡ് കോളജുകളിലെ 2026 - 2027 അധ്യയന വർഷത്തെ അഞ്ചു വർഷ ഇന്‍റഗ്രേറ്റഡ് പിജി പ്രോഗ്രാം പ്രവേശനത്തിനുള്ള ട്രയല്‍ അലോട്ട്മെന്‍റ് പ്രസിദീകരിച്ചു. പ്രവേശന വിഭാഗം വെബ്സൈറ്റിൽ പരിശോധിക്കാം. ജൂൺ 19ന് വൈകുന്നേരം നാലുവരെ തിരുത്തൽ സൗകര്യം (മൊബൈല്‍ നമ്പർ, ഇ-മെയില്‍ ഐഡി ഒഴികെ) ലഭ്യമാകും. കൂടുതൽ വിവരങ്ങൾ വെബ്‌സൈറ്റിൽ https://admission.uoc.ac.in/. ഫോണ്‍: 0494 2407152, 2407016, 2407017, 2660600

 പ്രോജക്ട് (മൈനർ) മൂല്യനിർണയം

ആറാം സെമസ്റ്റർ ഇന്‍റഗ്രേറ്റഡ് എംഎ പൊളിറ്റിക്സ് ആൻഡ് ഇന്‍റർനാഷണൽ റിലേഷൻസ് (2023 പ്രവേശനം) ഏപ്രിൽ 2026 പ്രോജക്ട് (മൈനർ) മൂല്യനിർണയം ജൂൺ 23, 24 തീയതികളിൽ തവനൂർ ഗവ.ആർട്സ് ആൻഡ് സയൻസ് കോളജിലും ജൂൺ 26ന് കോഴിക്കോട് പ്രൊവിഡൻസ് വിമൻസ് കോളജിലും നടക്കും.

പരീക്ഷാഫലം

വിദൂര വിഭാഗം മൂന്നാം സെമസ്റ്റർ എംഎ ഇക്കണോമിക്സ് (2020 പ്രവേശനം) സെപ്റ്റംബർ 2024 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ജൂലൈ ഒന്ന് വരെ അപേക്ഷിക്കാം.

 സൂക്ഷ്മപരിശോധനാഫലം

രണ്ടാം സെമസ്റ്റർ എൽഎൽഎം (2021 മുതൽ 2024 വരെ പ്രവേശനം) ഡിസംബർ 2025 റഗുലർ / സപ്ലിമെന്‍ററി പരീക്ഷകളുടെ സൂക്ഷ്മപരിശോധനാഫലം പ്രസിദീകരിച്ചു.