കണ്ണൂർ: കേരളത്തിന് അകത്തും പുറത്തുമായി സ്ഥിതി ചെയ്യുന്ന സർവകലാശാലകളിൽ നിലവിൽ പഠനം തുടരുന്ന മൂന്ന്, അഞ്ച് സെമസ്റ്റർ വിദ്യാഥികൾക്ക് കണ്ണൂർ സർവകലാശാല പഠന വകുപ്പുകളി ലേക്കും സർവകലാശാലയ്ക്ക് കീഴിലുള്ള അഫിലിയേറ്റഡ് കോളജുകളിലേക്കും മൂന്ന്, അഞ്ച് സെമസ്റ്ററുകളിൽ സർവകലാശാല മാറ്റം ആഗ്രഹിക്കുന്നുണ്ടെങ്കിൽ10 നുള്ളിൽ കണ്ണൂർ സർവകലാ ശാല രജിസ്‌ട്രാർ മുന്പാകെ അപേക്ഷ  സമർപ്പിക്കാവുന്നതാണ് .മൂന്നാം സെമസ്റ്റർ ആണെങ്കിൽ ഒന്നും, രണ്ടും സെമസ്റ്ററുകൾ വിജയകരമായി പൂർത്തീകരിക്കണം. അഞ്ചാം സെമസ്റ്റർ ആണെങ്കിൽ മൂന്നും, നാലും സെമെസ്റ്ററുകൾ വിജയകരമായി പൂർത്തീകരിക്കണം. മാർക്ക് ലിസ്റ്റിന്‍റെ സ്വയം സാക്ഷ്യപെടുത്തിയ പകർപ്പ് , അതാത് സർവകലാശാല രജിസ്ട്രാർ  സാക്ഷ്യപെടുത്തിയ സിലബസിന്‍റെ പകർപ്പ്, കേരളത്തിനകത്തെ സർവകലാശാല മാറ്റമാണെങ്കിൽ  ഫീ ഇനത്തിൽ 600 രൂപയും, കേരളത്തിന് പുറത്തെ  സർവകലാശാല മാറ്റമാണെങ്കിൽ ഫീ ഇനത്തിൽ  1000 രൂപയും സർവകലാശാല ഫിനാൻസ് ഓഫീസറുടെ പേരിൽ ഒടുക്കിയ രശീതി എന്നിവ  അപേക്ഷ യോടൊപ്പം  ഉള്ളടക്കം ചെയ്യേണ്ടതാണ്. റാഗിംഗ് തുടങ്ങിയ മോശം പ്രവണതകളിൽ വിദ്യാർഥി ഉൾപെട്ടിട്ടില്ല എന്ന് കോളജ് പ്രിൻസിപ്പൽ/ ടീച്ചിംഗ് ഡിപ്പാർട്ടമെന്‍റ് തലവൻ നല്കുന്ന സാക്ഷ്യപത്രം കൂടി  അപേക്ഷയോടൊപ്പം ഉള്ളടക്കം ചെയ്യണം. ഫോൺ: 0497-2715-227.


പ്രൈവറ്റ് രജിസ്ട്രേഷൻ അഡീഷണൽ ഓപ്ഷണൽ കോ-ഓപ്പറേഷൻ സർട്ടിഫിക്കറ്റ് കോഴ്‌സ് അസൈൻമെന്‍റ് സമർപ്പണം 

കണ്ണൂർ സർവകലാശാല പ്രൈവറ്റ് രജിസ്ട്രേഷൻ അഡീഷണൽ ഓപ്ഷണൽ കോ-ഓപ്പറേഷൻ സർട്ടിഫിക്കറ്റ് കോഴ്‌സ് (റെഗുലർ - 2025 പ്രവേശനം/സപ്ലിമെന്‍ററി -2022, 2023, 2024 പ്രവേശനം), ഏപ്രിൽ 2026 സെഷൻ, ഇന്‍റേണൽ ഇവാല്വേഷൻ അസൈൻമെന്‍റ് ചോദ്യങ്ങളും കവറിംഗ് ഷീറ്റും മാർഗനിർദേശങ്ങളും, സർവകലാശാല വെബ് സൈറ്റിൽ, Academics - Private Registration - Assignment ലിങ്കിൽ ലഭ്യമാണ്. ഈ ലിങ്ക് വഴി ഓൺ‌ലൈൻ ആയി ഫീസ് അടച്ചതിനുശേഷം ലഭിക്കുന്ന കവറിംഗ് ഷീറ്റ് ഡൗൺലോഡ് ചെയ്ത് അസൈൻമെന്‍റിനൊപ്പം സമർപ്പിക്കേണ്ടതാണ്.അസൈൻമെന്‍റ് അനുബന്ധ രേഖകൾ സഹിതം 24.09.2026 ന് വൈകുന്നേരം നാലിനകം  സർവകലാ ശാല താവക്കര കാസിലെ സ്റ്റുഡന്‍റ്സ് അമിനിറ്റി സെന്‍ററിലെ സ്കൂൾ ഓഫ് ലൈഫ് ലോംഗ് ലേണിംഗ് ഡയറക്ടറുടെ ഓഫിസിൽ സമർപ്പിക്കണം.അസൈൻമെന്‍റ് സമർപ്പിക്കുന്നവർ നിർബന്ധമായും അഡീഷണൽ ഓപ്ഷണൽ കോ-ഓപ്പറേഷൻ സർട്ടിഫിക്കറ്റ് കോഴ്‌സ് (പ്രൈവറ്റ് രജിസ്ട്രേഷൻ-റെഗുലർ- 2025 പ്രവേശനം/സപ്ലിമെന്‍ററി - 2022, 2023, 2024 പ്രവേശനം), ഏപ്രിൽ 2026 സെഷൻ പരീക്ഷയിലെ അതാത് പേപ്പറുകൾക്ക്, രജിസ്റ്റർ ചെയ്തവ രായിരിക്കണം. 
        

എഫ്‌വൈഐഎംപി ജ്യോഗ്രഫിയിൽ  സീറ്റ് ഒഴിവ്

കണ്ണൂർ സർവകലാശാല ഭൂമിശാസ്ത്ര വകുപ്പിൽ അഞ്ചു വർഷ ഏകീകൃത ബിരുദാനന്തര ബിരുദ പ്രോഗ്രാമായ ജ്യോഗ്രഫിയിൽ (എഫ്‌വൈഐഎംപി ഇൻ ജോഗ്രഫി ) പട്ടിക ജാതി/പട്ടിക വർഗ വിഭാഗത്തിൽ ഒഴിവുള്ള ഏതാനും സീറ്റിലേക്ക്  മൂന്നിന് സ്പോട് അഡ്മിഷൻ നടക്കുന്നു. യോഗ്യരായ വർ അസൽ പ്രമാണങ്ങൾ സഹിതം പ്രസ്തുത ദിവസം പകൽ 11 ന് പയ്യന്നൂർ സ്വാമി ആനന്ദതീർഥ കാമ്പസിൽ പ്രവർത്തിക്കുന്ന വകുപ്പിൽ  ഹാജരാകണം. Ph:9447085046      

എംഎസ്‌സി ജ്യോഗ്രഫിയിൽ  സീറ്റ് ഒഴിവ്

കണ്ണൂർ സർവകലാശാല ഭൂമിശാസ്ത്ര വകുപ്പിൽ എംഎസ്‌സി ജോഗ്രഫി പ്രോഗ്രാമിൽ  ഒഴിവുള്ള ഏതാനും സീറ്റിലേക്ക് മൂന്നിന് സ്പോട് അഡ്മിഷൻ നടക്കുന്നു. യോഗ്യരായവർ അസൽ പ്രമാണ ങ്ങൾ സഹിതം പ്രസ്തുത ദിവസം പകൽ11 ന് പയ്യന്നൂർ സ്വാമി ആനന്ദതീർഥ കാമ്പസിൽ പ്രവർത്തി ക്കുന്ന വകുപ്പിൽ ഹാജരാകണം. Ph: 9447085046    
ആന്ത്രോപോളജി പഞ്ചവത്സര ഇന്‍റഗ്രേറ്റഡ് കോഴ്സിന് സീറ്റൊഴിവ്

കണ്ണൂർ സർവകലാശാലയുടെ പാലയാട് ഡോ. ജാനകി അമ്മാൾ കാമ്പസിൽ ആന്ത്രോപോളജി പഞ്ചവത്സര ഇന്‍റഗ്രേറ്റഡ് കോഴ്സിന് എസ്‌സി സീറ്റുകൾ ഒഴിവുണ്ട്. യോഗ്യരായവർ മൂന്നിന് രാവിലെ 10:30 ന് വകുപ്പ് തലവൻ മുമ്പാകെ അസൽ സർട്ടിഫികറ്റുകൾ സഹിതം ഹാജരാവണം. ഫോൺ: 7306130450.

പ്ലസ്ടു വിദ്യാർഥികൾക്കു ഫിസിക്സ്, കെമിസ്ട്രി തത്സമയ പ്രവേശനം

പയ്യന്നൂർ കാമ്പസിലെ ഫിസിക്സ്, കെമിസ്ട്രി പഠന വകുപ്പുകൾ നടത്തുന്ന അഞ്ചുവർഷ ഇന്‍റഗ്രേറ്റഡ് ബിരുദ പ്രോഗ്രാമിൽ ഒഴിവുള്ള ഏതാനും സീറ്റുകളിലേക്ക് തത്സമയ പ്രവേശനം നടത്തുന്നു. പ്ലസ്ടു സയൻസ് (കുറഞ്ഞത് 50 ശതമാനം മാർക്ക്) യോഗ്യത ഉള്ളവർമൂന്നിന്11 ന് കണ്ണൂർ സർവകലാശാലയുടെ പയ്യന്നൂർ കാമ്പസിൽ എത്തേണ്ടതാണ്. ഫോൺ: 04972806401, 9497720572.

എംഎസ്‌സി ഫിസിക്സ് തത്സമയ പ്രവേശനം 

പയ്യന്നൂർ കാമ്പസിലെ ഫിസിക്സ് പഠനവകുപ്പിൽ എംഎസ്‌സി ഫിസിക്സ് കോഴ്സിൽ ഒഴിവുള്ള സീറ്റുകളിലേക്ക് തത്സമയ പ്രവേശനം നടത്തുന്നു. യോഗ്യരായവർ മൂന്നിന് രാവിലെ 11 ന് കണ്ണൂർ സർവകലാശാലയുടെ പയ്യന്നൂർ കാമ്പസിൽ എത്തേണ്ടതാണ്. ഫോൺ: 04972806401, 9497720572.

മേട്രൺ ഒഴിവ്‌ 

കണ്ണൂർ: സർവകലാശാലയിൽ വിവിധ കeമ്പസുകളിൽ, എംപ്ലോയ്‌മെന്‍റ് എക്സ്ചേഞ്ച് മുഖേന മേട്രൺ തസ്തികയിലേക്കുള്ള നിയമനത്തിനായി 12.03.2026 ന് യോഗ്യതാ രേഖകളുടെ പരിശോധന പൂർത്തീകരിച്ച ഉദ്യോഗാർഥികളുടെ അഭിമുഖം ഓഗസ്റ്റ്10 ന് താവക്കര ആസ്ഥാന കാര്യാലയത്തിൽ നടത്തുന്നതാണ്. പ്രസ്തുത ഉദ്യോഗാർഥികൾ അസൽ സർട്ടിഫിക്കറ്റുകൾ സഹിതം രാവിലെ 9.30 ന് മ അഭിമുഖത്തിന് ഹാജരാകേണ്ടതാണ്.

ഓവർസിയർ ഗ്രേഡ് II ഒഴിവ്‌

കണ്ണൂർ: സർവകലാശാലയിൽ ഓവർസിയർ ഗ്രേഡ് II (സിവിൽ) തസ്തികയിലേക്ക് എംപ്ലോയ്‌മെന്‍റ് എക്സ്ചേഞ്ച് മുഖേനയുള്ള നിയമനത്തിനായി 13.03.2026 ന് യോഗ്യതാ രേഖകളുടെ പരിശോധന പൂർത്തീകരിച്ച ഉദ്യോഗാർഥികളുടെ അഭിമുഖം 11.08.2026 ന് താവക്കര ആസ്ഥാന കാര്യാലയത്തിൽ നടത്തുന്നതാണ്. പ്രസ്തുത ഉദ്യോഗാർഥികൾ അസൽ സർട്ടിഫിക്കറ്റുകൾ സഹിതം ഉച്ചയ്ക്ക് ഒന്നിന്  അഭിമുഖത്തിന് ഹാജരാകേണ്ടതാണ്.

സ്പോട്ട് അഡ്മിഷൻ

കണ്ണൂർ സർവകലാശാലയുടെ കീഴിലുള്ള എംബിഎ സെന്‍റർ നീലേശ്വരത്ത് എംബിഎ കോഴ്സിന് (2026-27 പ്രവേശനം) നിലവിലുള്ള എല്ലാ ഒഴിവിലേക്കും സ്പോട്ട് അഡ്മിഷൻ നടത്തുന്നു. കെ മാറ്റ്  ആവശ്യമില്ല. യോഗ്യതയുള്ളവർ എല്ലാ രേഖകളുമടക്കം മൂന്നിന് രാവിലെ 10.30 ന് കണ്ണൂർ, താവക്കര കാമ്പസിലെ മാനേജ്മെൻറ് സ്റ്റഡീസിൽ എത്തിച്ചേരേണ്ടതാണ്.