കണ്ണൂർ: കണ്ണൂർ സർവകലാശാല അക്കാദമിക് കൗൺസിൽ തെരഞ്ഞെടുപ്പിനോടനുബന്ധിച്ച് ബിരുദാനന്തര ബിരുദ വിദ്യാർഥികളിൽ നിന്ന് ഫാക്കൽറ്റി അടിസ്ഥാനത്തിൽ തെരഞ്ഞെടുപ്പ് നടത്തുന്നതിനുള്ള അന്തിമ വോട്ടർ പട്ടിക പ്രസിദ്ധീകരിച്ചു. വോട്ടർ പട്ടിക സർവകലാശാല വെബ്‌സൈറ്റിൽ (www.kannuruniversity.in) ലഭ്യമാണ് .

 പ്രായോഗിക പരീക്ഷകൾ

കണ്ണൂർ: രണ്ട്, നാല് സെമസ്റ്റർ ഹോട്ടൽ മാനേജ്‌മെന്‍റ് ആൻഡ് കാറ്ററിംഗ് സയൻസ് (സപ്ലിമെന്‍ററി ) ഏപ്രിൽ 2026 പ്രായോഗിക പരീക്ഷകൾ നാളെ തലശേരി കേരള ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്‍റിൽ നടക്കും. നാലാം സെമസ്റ്റർ ബോട്ടണി (സപ്ലിമെന്‍ററി ) ഏപ്രിൽ 2026 പ്രായോഗിക പരീക്ഷകൾ ജൂൺ എട്ടിന് പയ്യന്നൂർ കോളജിൽ നടക്കും. വിശദമായ ടൈം ടേബിൾ സർവകലാശാല വെബ്‌സൈറ്റിൽ ലഭ്യമാണ്.

ഓപ്പൺ ഡിഫൻസ് തീയതി 29ന്

കണ്ണൂർ: കണ്ണൂർ സർവകലാശാലയിൽ മാത്തമാറ്റിക്സ് വിഷയത്തിൽ ഗവേഷണം നടത്തുന്ന കെ.എസ്. ശാമ തന്‍റെ പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള ഓപ്പൺ ഡിഫൻസ് 29ന് രാവിലെ 11ന് വീഡിയോ കോൺഫറൻസിംഗിലൂടെ നടക്കും.
പ്രസ്തുത പ്രബന്ധം ഓപ്പൺ ഡിഫൻസ് സെമിനാറിന് മൂന്നു ദിവസം മുമ്പ് മുതൽ കണ്ണൂർ സർവകലാശാലയുടെ മാങ്ങാട്ടുപറമ്പ് കാമ്പസ് ലൈബ്രറിയിൽ പരിശോധനയ്ക്ക് ലഭ്യമായിരിക്കും.