കണ്ണൂർ സർവകലാശാല താവക്കര കാന്പസിൽ ഒരു വർഷത്തേക്ക് കരാർ അടിസ്ഥാനത്തിൽ ടെലി ഫോൺ സൂപ്പർവൈസറെ നിയമിക്കുന്നതിനുള്ള വാക്ക് ഇൻ ഇന്‍റർവ്യൂ ഇന്നു രാവിലെ 11 ന് താവക്കര സർവകലാശാല ആസ്ഥാന കാര്യാലയത്തിൽ നടക്കും .
വിദ്യാഭ്യാസ യോഗ്യത : 1.പ്രീഡിഗ്രി/പ്ലസ്ടു/തത്തുല്യയോഗ്യത. 2.ഡിപ്ലോമ ഇൻ ടെലികമ്യൂണി ക്കേഷൻ. 3. ഇന്‍റർനെറ്റ്/ഇമെയിൽ സർട്ടിഫിക്കറ്റ് എക്സാമിനേഷൻ പാസ്. 4. അഞ്ചുവർഷം പ്രവൃത്തി പരിചയം (EPBX and FAX പരിപാലനത്തിലും ആൻഡ് ഓപ്പറേറ്റിംഗിലും).
അപേക്ഷകരുടെ പ്രായം 01.01.2026 ന് 50 വയസിൽ കവിയാൻ പാടില്ല.പ്രതിമാസ വേതനം 16000 രൂപ. തത്പരരായ ഉദ്യോഗാർഥികൾ പ്രായം, വിദ്യാഭ്യാസ യോഗ്യത, പ്രവർത്തി പരിചയം എന്നിവ തെളിയിക്കുന്നതിനുള്ള രേഖകളുടെ അസലും പകർപ്പും സഹിതം അന്നേ ദിവസം രാവിലെ 9.30 ന് സർട്ടിഫിക്കറ്റ്‌ പരിശോധനയ്ക്കും തുടർന്നുള്ള ഇന്‍റർവ്യൂവിനും ഹാജരാക്കേണ്ടതാണ്. വിശദ വിവരങ്ങൾ സർവകലാശാല വെബ്‌സൈറ്റിൽ ലഭ്യമാണ് (www.kannuruniversity.ac.in)

പരീക്ഷാ വിജ്ഞാപനം

കണ്ണൂർ: 22.04.2026 ന് ആരംഭിക്കുന്ന ആറാം സെമസ്റ്റർ പ്രൈവറ്റ് രജിസ്ട്രേഷൻ ബിരുദ (റെഗുലർ/ സപ്ലിമെൻററി/ ഇംപ്രൂവ്മെൻറ്) ഏപ്രിൽ 2026 പരീക്ഷകൾക്ക് 24.03.2026 മുതൽ 30.03.2026 വരെ പിഴയില്ലാതെയും 01.04.2026 വരെ പിഴയോടു കൂടിയും അപേക്ഷ സമർപ്പിക്കാം. പരീക്ഷ വിജ്ഞാപനം സർവകലാശാല വെബ് സൈറ്റിൽ ലഭ്യമാണ്.

അഫിലിയേറ്റഡ് കോളജുകളിലെ 06.04.2026 ന് ആരംഭിക്കുന്ന
നാലാം സെമസ്റ്റർ ഇൻറഗ്രേറ്റഡ് എം.എസ്.സി ഇൻ കംപ്യുട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇൻറലിജൻസ് ആൻഡ് മെഷീൻ ലേണിംഗ് (റെഗുലർ/ സപ്ലിമെൻററി/ ഇംപ്രുവ് മെൻറ്) ഏപ്രിൽ 2026 പരീക്ഷകൾക്ക് 12.03.2026 മുതൽ 16.03.2026 വരെ പിഴയില്ലാതെയും 18.03.2026 വരെ പിഴയോടുകൂടിയും അപേക്ഷ സമർപ്പിക്കാം. പരീക്ഷ വിജ്ഞാപനം സർവകലാശാല വെബ് സൈറ്റിൽ ലഭ്യമാണ്.

പരീക്ഷാ ടൈംടേബിൾ

11.03.2026 ന് ആരംഭിക്കുന്ന ഒന്നാം സെമസ്റ്റർ പിജി ഡിപ്ലോമ ഇൻ യോഗ എഡ്യൂക്കേഷൻ നവംബർ 2025 പരീക്ഷകളുടെ ടൈംടേബിൾ സർവകലാശാല വെബ് സൈറ്റിൽ പ്രസിദ്ധീകരിച്ചു.

ഹാൾ ടിക്കറ്റ്

സർവകലാശാല പഠനവകുപ്പുകളിലെ ഒന്നാം സെമസ്റ്റർ (സിബിസിഎസ്എസ് - 2023 അഡ്മിഷൻ മുതൽ ), മൂന്നാം സെമസ്റ്റർ (സിബിസിഎസ്എസ് - 2023 അഡ്മിഷൻ മുതൽ) എംഎ/എംഎസ്‌സി/ എംബിഎ/എംസിഎ/എംപിഇഎസ്‌ /എം ലിബ്‌ ഐഎസ്‌സി /എൽഎൽഎം സപ്ലിമെന്‍ററി ജനുവരി 2026 പരീക്ഷകളുടെ ഹാൾ ടിക്കറ്റ് (പ്രവിഷണൽ), നോമിനൽ റോൾ എന്നിവ സർവകലാ ശാല വെബ്‌സൈറ്റിൽ ലഭ്യമാണ്.

പരീക്ഷാ വിജ്ഞാപനം

പാലയാട് സ്കൂൾ ഓഫ് ലീഗൽ സ്റ്റഡീസിലെ നാലാം സെമസ്റ്റർ ബിഎ എൽഎൽബി (റെഗുലർ /സപ്ലിമെന്‍ററി ) മേയ് 2026 പരീക്ഷകൾക്ക് 12 മുതൽ 17 വരെ പിഴയില്ലാതെയും 19 വരെ പിഴയോടു കൂടിയും അപേക്ഷിക്കാം

മാങ്ങാട്ട് പറമ്പ സ്കൂൾ ഓഫ് ഫിസിക്കൽ എഡ്യൂക്കേഷൻ ആൻഡ് സ്പോർട്സ് സയൻസിലെ ഒന്നാം സെമസ്റ്റർ പിജി ഡിപ്ലോമ ഇൻ യോഗ എഡ്യൂക്കേഷൻ , നവംബർ 2025 പരീക്ഷകൾക്ക് ഇന്നു വരെ പിഴയില്ലാതെയും നാളെ വരെ പിഴയോടു കൂടിയും അപേക്ഷിക്കാം പരീക്ഷാ വിജ്ഞാപനങ്ങൾ സർവകലാശാല വെബ്‌സൈറ്റിൽ ലഭ്യമാണ്.

ടൈം ടേബിൾ

അഫിലിയേറ്റഡ് കോളജുകളിലെയും സെന്‍ററുകളിലെയും നാലാം സെമസ്റ്റർ ബിഎഡ് (റെഗുലർ / സപ്ലിമെന്‍ററി /ഇംപ്രൂവ്മെന്‍റ് ) ഏപ്രിൽ 2026, രണ്ടാം വർഷ അഫ്സൽ ഉൽ ഉലമ പ്രിലിമിനറി (റെഗുലർ / സപ്ലിമെന്‍ററി /ഇംപ്രൂവ്മെന്‍റ്- പ്രൈവറ്റ് രജിസ്ട്രേഷൻ ഉൾപ്പെടെ) ഏപ്രിൽ 2026 പരീക്ഷകളുടെ ടൈം ടേബിൾ സർവകലാശാല വെബ്‌സൈറ്റിൽ പ്രസിദ്ധീകരിച്ചു.