എ​ഡി​എ​ക്സ് ഫ്ളോ​റ​ൻ​സ്: ഇ​താ​ണ് ഭൂ​മി​യി​ലെ ന​ര​കം!
ഐ​എ​സ് ഭീ​ക​ര​രെ​ക്കു​റി​ച്ച് ന​മ്മ​ളൊ​രു​പാ​ടു കേ​ട്ടി​ട്ടു​ണ്ട്. അ​വ​രി​ൽ​പ്പെ​ട്ട ര​ണ്ടു​പേ​ർ ഇ​പ്പോ​ൾ ഭ​യ​ന്നി​രി​ക്കു​ക​യാ​ണ്. മ​റ്റൊ​ന്നു​മ​ല്ല, അ​മേ​രി​ക്ക​യി​ലെ ഒ​രു ജ​യി​ലി​ൽ അ​ട​യ്ക്ക​പ്പെ​ടു​മോ എ​ന്ന പേ​ടി. അ​ങ്ങ​നെ സം​ഭ​വി​ച്ചാ​ൽ അ​ത് ജീ​വി​ത​ത്തി​ൽ സം​ഭ​വി​ക്കാ​വു​ന്ന ഏ​റ്റ​വും വ​ലി​യ ദു​ര​ന്ത​മാ​കു​മെ​ന്നാ​ണ് അ​വ​ർ ക​രു​തു​ന്ന​ത്.

ദി​വ​സ​ത്തി​ൽ 23 മ​ണി​ക്കൂ​റും ജ​ന​ലു​ക​ളി​ല്ലാ​ത്ത സെ​ല്ലു​ക​ളി​ൽ ഏ​കാ​ന്ത​മാ​യി ക​ഴി​യേ​ണ്ടി​വ​രു​ന്ന ത​ട​വു​കാ​ർ. കി​ട​ക്കാ​ൻ കോ​ണ്‍​ക്രീ​റ്റ് പാ​ളി​ക​ളി​ൽ വി​രി​പ്പ്, ജ​യി​ലി​നു ചു​റ്റും ക​ത്തി​വാ​റു​ക​ൾ​കൊ​ണ്ടു​ള്ള വേ​ലി, കാ​വ​ൽ നാ​യ്ക്ക​ൾ​ക്കൊ​പ്പം റോ​ന്തു ചു​റ്റു​ന്ന പാ​റാ​വു​കാ​ർ... കു​റ്റ​വാ​ളി​ക​ൾ​ക്ക് ഈ ​ജ​യി​ൽ ഒ​രു പേ​ടി​സ്വ​പ്നം ആ​യി​ല്ലെ​ങ്കി​ലേ അദ്ഭുത​മു​ള്ളൂ.

ലോ​ക​ത്തെ കൊ​ടും​കു​റ്റ​വാ​ളി​ക​ളി​ലെ മു​ൻ​നി​ര​ക്കാ​രു​ടെ കി​ട​പ്പ് ഈ ​ജ​യി​ലി​ലാ​ണ്. അ​വ​രി​ൽ മ​യ​ക്കു​മ​രു​ന്നു രാ​ജാ​വ് എ​ൽ ചാ​പ്പോ​യു​ണ്ട്.., വി​ദ്വേ​ഷ പ്ര​ചാ​ര​ക​നാ​യ അ​ബു ഹം​സ​യു​ണ്ട്.., ഷൂ ​ബോം​ബ​ർ എ​ന്നു കു​പ്ര​സി​ദ്ധ​നാ​യ റി​ച്ചാ​ർ​ഡ് റീ​ഡു​ണ്ട്... ഈ ​നി​ര നീ​ളും.

ഏ​റെ ര​സ​ക​ര​മാ​യ ഒ​രു​കാ​ര്യ​മു​ണ്ട്- 1980ക​ളു​ടെ അ​വ​സാ​നം ഈ ​ജ​യി​ൽ സ്ഥാ​പി​ച്ച​തു​മു​ത​ൽ ഇ​ന്നു​വ​രെ ഒ​രു​ത്ത​നും അ​വി​ടെ​നി​ന്നു ര​ക്ഷ​പ്പെ​ട്ടി​ട്ടി​ല്ല! ജ​യി​ൽ എ​ന്ന നി​ല​യ്ക്കു മാ​ത്ര​മ​ല്ല, ലോ​ക​ത്തെ ഏ​റ്റ​വും സു​ര​ക്ഷി​ത​മാ​യ കെ​ട്ടി​ട സ​മു​ച്ച​യ​ങ്ങ​ളി​ൽ ഒ​ന്നു​മാ​ണ് എ​ഡി​എ​ക്സ് ഫ്ളോ​റ​ൻ​സ്. അ​ൽ​കാ​ട്രാ​സ് ഓ​ഫ് ദ ​റോ​ക്കീ​സ് എ​ന്നും ഈ ​ജ​യി​ലി​നു പേ​രു​ണ്ട്. അഡ്മിനിസ്ട്രേറ്റിവ് മാക്സിമം എന്നതാണ് എഡിഎക്സിന്‍റെ പൂർണരൂപം.



ജോ​ർ​ജും റിം​ഗോ​യും

ഐ​എ​സി​ലെ കു​പ്ര​സി​ദ്ധ​രാ​ണ് ബീ​റ്റി​ൽ​സ് എ​ന്ന​റി​യ​പ്പെ​ട്ട സംഘത്തിലെ എ​ൽ ഷ​ഫീ എ​ൽ​ഷേ​യ്ഖും അ​ല​ക്സാ​ൻ​ഡ കോ​ട്ടേ​യും. ഇ​വ​ർ യ​ഥാ​ക്ര​മം ജോ​ർ​ജ്, റിം​ഗോ എ​ന്ന പേ​രു​ക​ളി​ലാ​ണ് ലോ​ക​ത്തി​നു മു​ന്നി​ൽ പ്ര​ത്യ​ക്ഷ​പ്പെ​ട്ടി​രു​ന്ന​ത്. 27 കൊ​ല​പാ​ത​ക​ങ്ങ​ൾ​ക്കു പി​ന്നി​ൽ ഇ​വ​രു​ടെ ക​ര​ങ്ങ​ളു​ണ്ടെ​ന്നാ​ണ് ക​ണ​ക്കാ​ക്ക​പ്പെ​ടു​ന്ന​ത്. കൊ​ല്ല​പ്പെ​ട്ട​വ​രി​ൽ ഒ​രു അ​മേ​രി​ക്ക​ൻ പ​ത്ര​പ്ര​വ​ർ​ത്ത​ക​നു​മു​ണ്ട്.

ബ്രി​ട്ട​നി​ലാ​ണ് ഇ​വ​ർ ഇ​പ്പോ​ൾ ക​ഴി​യു​ന്ന​ത്. ക​രാ​ർ പ്ര​കാ​രം ഏ​തു നി​മി​ഷ​വും അ​മേ​രി​ക്ക​യി​ലേ​ക്കു നാ​ടു​ക​ട​ത്ത​പ്പെ​ടാം. അ​മേ​രി​ക്ക​യി​ൽ​നി​ന്ന് ഇ​വ​ർ​ക്ക് മ​ര​ണ​ശി​ക്ഷ ന​ൽ​കി​ല്ല എ​ന്ന ഉ​റ​പ്പു ല​ഭി​ച്ചി​ട്ടു​ണ്ട്. അ​ങ്ങ​നെ​വ​ന്നാ​ൽ ജ​യി​ൽ ത​ന്നെ​യാ​വും ഇ​രു​വ​രെ​യും കാ​ത്തി​രി​ക്കു​ന്ന​ത്. അ​തു​കൊ​ണ്ടു​ത​ന്നെ​യാ​ണ് ഇ​വ​ർ സൂ​പ്പ​ർ​മാ​ക്സ് ജ​യി​ലി​നെ ഭ​യ​പ്പെ​ടു​ന്ന​തും. ര​ണ്ടു​പേ​രും ഒ​രേ സ്വ​ര​ത്തി​ലാ​ണ് എ​ഡി​എ​ക്സ് ഫ്ളോ​റ​ൻ​സി​നെ​ക്കു​റി​ച്ചു​ള്ള ഭീ​തി തു​റ​ന്നു​പ​റ​യു​ന്ന​ത്.

ക​ഠി​നം കാ​രാ​ഗൃ​ഹം

എ​ഡി​എ​ക്സ് ഫ്ളോ​റ​ൻ​സി​ന്‍റെ ഏ​ക​ദേ​ശ​രൂ​പം നാം ​തു​ട​ക്ക​ത്തി​ൽ ക​ണ്ടു. സെ​ല്ലു​ക​ളി​ലേ​ക്ക് ഭ​ക്ഷ​ണം ന​ൽ​കാ​ൻ വാ​തി​ലു​ക​ളി​ൽ തുറക്കാവുന്ന ചെ​റി​യ ദ്വാ​ര​ങ്ങ​ളു​ണ്ട്. ആ​ഴ്ച​യി​ൽ മൂ​ന്നു​ത​വ​ണ മാ​ത്രം കു​ളി​ക്കാ​നേ ത​ട​വു​പു​ള്ളി​ക​ൾ​ക്ക് അ​നു​മ​തി​യു​ള്ളൂ. ഒ​രു ചെ​റി​യ ടെ​ലി​വി​ഷ​ൻ സെ​റ്റ് ന​ൽ​കി​യി​ട്ടു​ണ്ടെ​ങ്കി​ലും അ​തി​ൽ എ​ന്തു കാ​ണ​ണ​മെ​ന്നും എ​പ്പോ​ൾ കാ​ണ​ണ​മെ​ന്നും അ​ധി​കൃ​ത​രാ​ണ് തീ​രു​മാ​നി​ക്കു​ക.



പ​ല സെ​ല്ലു​ക​ളി​ലും ഒ​രു ത​രി വെ​ളി​ച്ചം​പോ​ലും ഉ​ണ്ടാ​വി​ല്ല. കാ​ഴ്ച​യു​ണ്ടാ​യി​ട്ടും അ​ന്ധ​നെ​പ്പോ​ലെ ജീ​വി​ക്കേ​ണ്ടി​വ​രു​ന്ന അ​വ​സ്ഥ! ഭൂ​മി​യി​ലെ ന​ര​കം എ​ന്നു വി​ശേ​ഷി​പ്പി​ക്ക​പ്പെ​ടു​ന്ന​തി​ൽ ഒ​ട്ടും അ​ത്ഭു​ത​മി​ല്ലെ​ന്നു ചു​രു​ക്കം.

ദി​വ​സം ഒ​രു മ​ണി​ക്കൂ​ർ നേ​ര​ത്തേ​ക്ക് സെ​ല്ലി​ൽ​നി​ന്നു പു​റ​ത്തി​റ​ങ്ങാം. എ​ന്നാ​ൽ അ​ത് മ​റ്റൊ​രു കൂ​ട്ടി​ലേ​ക്കാ​ണ്. വൃ​ത്താ​കൃ​തി​യി​ലു​ള്ള ഒ​ര​റ. വ​ട്ട​ത്തി​ൽ ന​ട​ന്നാ​ൽ ക​ഷ്ടി​ച്ച് 31 ചു​വ​ടു​ക​ൾ വ​യ്ക്കാം. പു​ൾ-​അ​പ് ബാ​റു​ക​ളു​ണ്ടാ​വും, അ​താ​ണ് റി​ക്രി​യേ​ഷ​ൻ.

മി​ക്ക​വ​ർ​ക്കും ഈ ​കാ​രാ​ഗൃ​ഹ​വാ​സം ക​ടു​ത്ത മാ​ന​സി​ക പ്ര​ശ്ന​ങ്ങ​ളാ​ണ് സ​മ്മാ​നി​ച്ചി​രി​ക്കു​ന്ന​ത്. പ​ല​രും പ​ല​മ​ട​ങ്ങ് ജീ​വ​പ​ര്യ​ന്തം ശി​ക്ഷ​യ്ക്കു വി​ധി​ക്ക​പ്പെ​ട്ട​വ​രാ​ണ് എ​ന്ന​തി​നാ​ൽ ഭൂ​രി​ഭാ​ഗം​പേ​ർ​ക്കും ഇ​വി​ടെ​നി​ന്നു പു​റ​ത്തി​റ​ങ്ങി ഒ​രു ജീ​വി​ത​മു​ണ്ടാ​വി​ല്ലെ​ന്നു​റ​പ്പ്.

തയാറാക്കിയത്: വി.ആർ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.