വി​വാ​ഹം സ്വ​ര്‍​ഗ​ത്തി​ല്‍ എ​ന്നൊ​ക്കെ പ​ല​രും പ​റ​യും. എ​ന്നാ​ല്‍ വി​വാ​ഹം ആ​ശു​പ​ത്രി​യി​ല്‍ എ​ന്ന​ത് അ​ധി​കം​പേ​ര്‍ പ​റ​യാ​റി​ല്ല. ഇ​ത്ത​ര​ത്തി​ല്‍ വേ​റി​ട്ട ഇ​ട​ങ്ങ​ളി​ല്‍ ക​ല്യാ​ണ​ങ്ങ​ള്‍ ന​ട​ക്കു​ന്ന​ത് ഏ​തെ​ങ്കി​ലും ഒ​ഴി​വാ​ക്കാ​ന്‍ ക​ഴി​യാ​ത്ത സാ​ഹ​ച​ര്യ​ത്തി​ല്‍ മാ​ത്ര​മാ​യി​രി​ക്കു​മ​ല്ലൊ.

അ​ത്ത​ര​മൊ​രു സം​ഭ​വം അ​ടു​ത്തി​ടെ ഉ​ത്ത​ര്‍​പ്ര​ദേ​ശി​ല്‍ ഉ​ണ്ടാ​യി. ഇ​ക്ക​ഴി​ഞ്ഞ ന​വം​ബ​ര്‍ 27ന് ​ഡ​ല്‍​ഹി സ്വ​ദേ​ശി​യാ​യ അ​വ​നീ​ഷ് കു​മാ​റി​ന്‍റെ​യും അ​നു​രാ​ധ​യു​ടെ​യും വി​വാ​ഹം അ​വ​രു​ടെ വേ​ണ്ട​പ്പെ​ട്ട​വ​ര്‍ നി​ശ്ച​യി​ച്ചി​രു​ന്നു.

എ​ന്നാ​ല്‍ ദൗ​ര്‍​ഭാ​ഗ്യ​വ​ശാ​ല്‍ 25ന് ​വ​ര​ന് പ​നി​പി​ടി​ച്ചു. കൂ​ടു​ത​ല്‍ പ​രി​ശാ​ധി​ച്ച​പ്പോ​ള്‍ ഡെ​ങ്കി​പ്പ​നി ആ​ണി​തെ​ന്ന് സ്ഥി​രീ​ക​രി​ച്ചു.രോ​ഗം മൂ​ര്‍​ച്ഛി​ച്ച അ​വ​നീ​ഷി​നെ ഗാ​സി​യാ​ബാ​ദി​ലെ മാ​ക്‌​സ് വൈ​ശാ​ലി ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.

അ​വ​നീ​ഷി​നെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​തി​നെ തു​ട​ര്‍​ന്ന് വി​വാ​ഹം മാ​റ്റി​വ​യ്ക്കാ​ന്‍ വ​ര​ന്‍റെ വീ​ട്ടു​കാ​ര്‍ ആ​ദ്യം തീ​രു​മാ​നി​ച്ചു. അതിനിടെ ചി​കി​ത്സ​യി​ല്‍ ക​ഴി​ഞ്ഞ അ​വ​നീ​ഷി​നെ കാ​ണാ​ന്‍ അ​നു​രാ​ധ​യു​ടെ കു​ടും​ബം ആ​ശു​പ​ത്രി​യി​ല്‍ എ​ത്തി. നി​ശ്ച​യി​ച്ച മു​ഹൂ​ര്‍​ത്ത​ത്തി​ല്‍​ത​ന്നെ വി​വാ​ഹം ന​ട​ത്ത​ണ​മെ​ന്ന ആ​ഗ്ര​ഹം അ​വ​ര്‍ പ​ങ്കു​വ​ച്ചു.

ഇ​തോ​ടെ വി​വാ​ഹം എ​ങ്ങ​നെ ന​ട​ത്താം എ​ന്ന കാ​ര്യം ഇ​രു​കൂ​ട്ട​രും ചി​ന്തി​ച്ചു. ഒ​ടു​വി​ല്‍ ആ​ശു​പ​ത്രി​യി​ല്‍​ത്ത​ന്നെ ക​ല്യാ​ണം ന​ട​ത്താ​ന്‍ അ​വ​ര്‍ തീ​രു​മാ​നി​ച്ചു.

ഇ​ക്കാ​ര്യം അ​വ​ര്‍ ഡോ​ക്ട​ര്‍​മാ​രു​മാ​യും സം​സാ​രി​ച്ചു. ഒ​ടു​വി​ല്‍ ആ​ശു​പ​ത്രി അ​ധി​കൃ​ത​രു​ടെ സ​മ്മ​ത​ത്തോ​ടെ ഈ ​വി​വാ​ഹം ന​ട​ന്നു. ല​ളി​ത​മാ​യ ച​ട​ങ്ങി​ല്‍ ഏ​റ്റ​വും വേ​ണ്ട​പ്പെ​ട്ട 10പേ​ര്‍ മാ​ത്ര​മാ​ണ് പ​ങ്കെ​ടു​ത്ത​ത്.

അ​വ​നീ​ഷ് ആ​രോ​ഗ്യനി​ല പു​രോ​ഗ​തി പ്രാ​പി​ച്ച ശേ​ഷം എ​ല്ലാ​വ​രെ​യും വി​ളി​ച്ച് ഒ​രു വി​വാ​ഹ​പ്പാ​ര്‍​ട്ടി ന​ട​ത്താ​നാ​ണ് ഇ​വ​രു​ടെ വീ​ട്ടു​കാ​രു​ടെ തീ​രു​മാ​നം. ഈ ​വി​വാ​ഹം സമൂ​ഹ മാ​ധ്യ​മ​ങ്ങ​ളി​ലും ച​ര്‍​ച്ച​യാ​യി. നി​ര​വ​ധി​പേ​ര്‍ ഇ​രു​വ​ര്‍​ക്കും ആ​ശം​സ​ക​ള്‍ അ​റി​യി​ച്ചു രം​ഗ​ത്തെ​ത്തി.