കെജിഎഫ് ചാപ്റ്റര്‍ 1 പോലെ തന്നെ ഇന്ത്യന്‍ സിനിമാലോകത്ത് തരംഗം സൃഷ്ടിച്ചിരിക്കുകയാണ് കെജിഎഫ് ചാപ്റ്റര്‍ 2. സിനിമയിലെ ഡയലോഗുകളും വലിയ പ്രേക്ഷകപ്രീതി നേടിക്കഴിഞ്ഞു. 'വയലന്‍സ് വയലന്‍സ് വയലന്‍സ്, ഐ ഡോണ്ട് ലൈക് ഇറ്റ്, ഐ അവോയ്ഡ്, ബട് വയലന്‍സ് ലൈക്‌സ് മീ, ഐ കാണ്ട് അവോയ്ഡ്'- ചിത്രത്തില്‍ റോക്കിഭായി'യുടെ ഈ ഡയലോഗ് വൈറലാണ്.
ഇപ്പോഴിതാ ഒരു റോക്കിഭായ് ആരാധകന്‍ തന്‍റെ വിവാഹ കാര്‍ഡിലും ഈ ഡയലോഗിന്‍റെ രീതിയിൽ ഒരു വാചകം ചേർത്തിരിക്കുകയാണ്. മേയ് 13ന് കര്‍ണാടകയിലെ ബെലഗാവിയില്‍ വെച്ച് നടക്കുന്ന ചന്ദ്രശേഖര്‍- ശ്വേത എന്നിവരുടെ വിവാഹത്തിന്‍റെ ക്ഷണക്കത്താണ് റോക്കി ബായിയുടെ ഡയലോഗുകള്‍ കൊണ്ട് ശ്രദ്ധേയമായത്. 'വിവാഹം, വിവാഹം, വിവാഹം, എനിക്ക് ഇഷ്ടമല്ല, ഞാന്‍ ഒഴിവാക്കുന്നു, പക്ഷേ എന്‍റെ ബന്ധുക്കള്‍ വിവാഹം ഇഷ്ടപ്പെടുന്നു, എനിക്ക് ഒഴിവാക്കാന്‍ കഴിയില്ല'- എന്നാണ് ക്ഷണകത്തിൽ എഴുതിയിരിക്കുന്നത്.
കന്നഡ സിനിമ ലോകത്തെ ആഗോള തലത്തില്‍ എത്തിച്ച കെജിഎഫ് 2 കന്നഡ, ഹിന്ദി, മലയാളം, തമിഴ്, തെലുങ്ക് എന്നീ അഞ്ചു ഭാഷകളിലായാണ് റിലീസ് ചെയ്തത്. റീലിസ് ചെയ്ത് ഒരാഴ്ചകൊണ്ട് 700 കോടിരൂപയാണ് ചിത്രം നേടിയിരിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.