Cinema
യാ​ഥാ​ർ​ഥ്യ​ങ്ങ​ളി​ലേ​ക്ക് വി​ര​ൽ ചൂ​ണ്ടു​ന്ന ജൂ​തക​ഥ...!
Saturday, August 19, 2017 9:12 PM IST
തി​യ​റ്റ​റി​ലേ​ക്ക് ആ​ളെ ക​യ​റ്റാ​ൻ മാ​ർ​ക്ക​റ്റിം​ഗ് ത​ന്ത്ര​ങ്ങ​ളോ പ​ഞ്ച് ഡ​യ​ലോ​ഗു​ക​ളോ ഒ​ന്നും "ക​റു​ത്ത ജൂ​ത​ൻ' എന്ന ചിത്രത്തിന്‍റെ റി​ലീ​സിം​ഗി​ന് മു​ന്പ് ക​ണ്ടി​ല്ല. പ​ക​രം കു​റി​ക്ക് കൊ​ള്ളു​ന്ന ര​ണ്ടു വാ​ച​ക​ങ്ങ​ൾ പോ​സ്റ്റ​റു​ക​ളി​ൽ മു​ഴ​ച്ചു നി​ന്നു- "ഇ​ത് ച​രി​ത്രം തി​ര​സ്ക​രി​ച്ച​വ​രു​ടെ ക​ഥ... ഇ​ത് നി​ങ്ങ​ൾ തി​ര​സ്ക​രി​ച്ചാ​ൽ, ഇ​തി​ന്‍റെ നി​ർ​മാ​താ​വി​ന്‍റെ ച​രി​ത്രം ഇ​ല്ലാ​താ​കും..!'. ക​റു​ത്ത ജൂ​ത​ൻ കാ​ണാ​ൻ ക​യ​റി​യ തി​യ​റ്റ​റി​ൽ വി​ര​ലി​ൽ എ​ണ്ണാ​വു​ന്ന ആ​ൾ​ക്കാ​രെ മാ​ത്രം ക​ണ്ട​തോ​ടെ നി​ർ​മാ​താ​വി​ന്‍റെ മു​ൻ​ധാ​ര​ണ ശ​രി​യാ​ണെ​ന്ന് ഉ​റ​പ്പി​ച്ചു. ജൂ​തന്മാരെ മ​റ​ന്ന​പോ​ലെ, അ​വ​രു​ടെ ച​രി​ത്രം കേ​ൾ​ക്കാ​നും കാ​ണാ​നും ആ​ർ​ക്കും ഇ​പ്പോ​ൾ താ​ത്പ​ര്യ​മി​ല്ലാ​ത്ത പോ​ലെ. പ​ക്ഷേ, ഈ ​ച​രി​ത്രം ഓ​രോ​രു​ത്ത​രും അ​റി​യേ​ണ്ട​താ​ണ്. എ​പ്പോ​ൾ വേ​ണ​മെ​ങ്കി​ലും വ​ന്നുചേ​രാ​വു​ന്ന ഒ​റ്റ​പ്പെ​ട​ലെ​ന്ന അ​വ​സ്ഥ​യെ പ്ര​തി​രോ​ധി​ക്കാ​നെ​ങ്കി​ലും അ​ത് നി​ങ്ങ​ൾ​ക്ക് ഉ​പ​ക​രി​ച്ചേ​ക്കാം.



2016-ലെ ​സം​സ്ഥാ​ന ച​ല​ച്ചി​ത്ര അ​വാ​ർ​ഡ് പ്ര​ഖ്യാ​പി​ക്കു​ന്ന വേ​ള​യി​ൽ ഈ ​ജൂ​ത​നെ തേ​ടി ഒ​രു അ​വാ​ർ​ഡ് എ​ത്തി. മി​ക​ച്ച ക​ഥ​യ്ക്കു​ള്ള സം​സ്ഥാ​ന സ​ർ​ക്കാ​രി​ന്‍റെ പുരസ്കാരം. ഈ ​ചി​ത്ര​ത്തി​നാ​യി ക​ഥ​യും തി​ര​ക്ക​ഥ​യു​മൊ​രു​ക്കി​യ​ത് പ്രേ​ക്ഷ​ക​രെ എ​ത്ര​യോ ത​വ​ണ കു​ടു​കു​ടാ ചി​രി​പ്പി​ച്ചി​ട്ടു​ള്ള സ​ലിം കു​മാ​റാ​ണ്. സം​വി​ധാ​ന കു​പ്പാ​യ​വും ചി​ത്ര​ത്തി​ലെ പ്ര​ധാ​ന ന​ട​നാ​യും പ്രൊ​ഡ്യൂ​സ​ർ​മാ​രി​ൽ ഒ​രാ​ളാ​യും രം​ഗ​ത്തെ​ത്തി ക​റു​ത്ത ജൂ​ത​നെ ബി​ഗ് സ്ക്രീ​നി​ലേ​ക്ക് സ്ഥാ​നക്ക​യ​റ്റം ന​ൽ​കി​യ​തും സ​ലിം കു​മാ​ർ ത​ന്നെ.

തു​ട​ക്കം ചി​ല അ​ങ്ക​ലാ​പ്പു​ക​ൾ ആ​ർ​ക്കാ​യാ​ലും ഉ​ണ്ടാ​കും. അ​ത് ജൂ​തന്മാരെ കു​റി​ച്ചു​ള്ള അ​റി​വി​ല്ലാ​യ്മ​യി​ൽ നി​ന്നു​ണ്ടാ​കു​ന്ന​താ​ണ്. പോ​കപ്പോകെ ജൂ​തന്മാരെക്കുറി​ച്ച് ലേ​ശ​മെ​ല്ലാം മ​ന​സി​ലാ​യി തു​ട​ങ്ങു​ന്ന​തോ​ടെ ക​ഥ​യി​ലേ​ക്ക് താ​നെ വരും. മ​ല​ബാ​ർ ജു​തന്മാരെ​യാ​ണ് ക​റു​ത്ത ജൂ​തന്മാർ എ​ന്നു വി​ളി​ക്കു​ന്ന​ത്. ജൂ​തന്മാരു​ടെ ക​ല്ല​റ​ക​ൾ തേ​ടി​യു​ള്ള ആ​റോ​ണ്‍ എ​ല്യാ​ഹു​വി​ന്‍റെ യാ​ത്ര​യും പി​ന്നീ​ട് ഉ​ണ്ടാ​കു​ന്ന സം​ഭ​വ​ങ്ങ​ളു​മാ​ണ് ഒ​ന്നാം പ​കു​തി​യി​ൽ കാ​ണാ​ൻ ക​ഴി​യു​ക. ആ​റോ​ണ്‍ എ​ല്യാ​ഹു​മാ​യി വി​വി​ധ ഗെ​റ്റ​പ്പു​ക​ളി​ലാ​ണ് സ​ലിം കു​മാ​ർ ചി​ത്ര​ത്തി​ൽ പ്ര​ത്യ​ക്ഷ​പ്പെ​ടു​ന്ന​ത്.



ഒ​രു കാ​ല​ത്ത് പ്ര​താ​പി​ക​ളാ​യി കേ​ര​ള​ത്തി​ൽ വാ​ണി​രു​ന്ന ജൂ​തന്മാർ ഇ​സ്രയേലി​ലേ​ക്ക് കൂ​ട്ട​ത്തോ​ടെ പലാ​യ​നം ചെ​യ്ത​പ്പോ​ൾ അ​വ​ർ​ക്കൊ​പ്പം എ​ത്താ​നാ​വാ​തെ ഒ​റ്റ​പ്പെ​ട്ടു പോ​കു​ന്ന ജൂ​ത​നാ​ണ് ആ​റോ​ണ്‍ എ​ല്യാ​ഹി. ത​ന്‍റേതാ​യി ഉ​ണ്ടാ​യി​രു​ന്ന​തെ​ല്ലാം ക​ണ്ണി​ൽക​ണ്ട​വ​ർ അ​പ​ഹ​രി​ച്ച​പ്പോ​ൾ ഒ​റ്റ​പ്പെ​ട്ടു പോ​യ ആൾ. വ​ർ​ഷ​ങ്ങ​ളു​ടെ ക​ട​ന്നുപോ​ക്കി​നി​ട​യി​ൽ സ്വാ​ർ​ഥതാ​ത്പ​ര്യ​ങ്ങ​ൾ​ക്കാ​യി ആ​റോ​ണി​നെ ത​ള്ളിപ്പറ​യു​ന്ന​വ​രെ ചി​ത്ര​ത്തി​ൽ കാ​ണാ​നാ​വും. "എ​നി​ക്ക് നി​ങ്ങ​ൾ പോ​സ്റ്റ് ഓ​ഫീ​സാ​ക്കി മാ​റ്റി​യ വീ​ടു മാ​ത്രം വി​ട്ടുത​ന്നാ​ൽ മ​തി, മ​റ്റൊ​ന്നും വേ​ണ്ട' എന്ന് അ​ധി​കാ​രി​ക​ളോ​ട് പ​റ​യു​ന്ന ആ​റോ​ണി​ന്‍റെ നി​സ​ഹാ​യാവ​സ്ഥ സ​ലിം കു​മാ​റി​ലെ ന​ട​ൻ ഒ​ന്നാം പ​കു​തി​യി​ൽ തന്മയ​ത്വ​ത്തോ​ടെ അ​വ​ത​രി​പ്പി​ച്ചി​ട്ടു​ണ്ട്.



ര​ണ്ടാം പ​കു​തി​യി​ൽ താ​ൻ ത​ന്നെ​യാ​ണ് ആ​റോ​ണ്‍ എ​ല്യാ​ഹി​യെ​ന്ന തെ​ളി​യി​ക്കാ​നു​ള്ള പ​ങ്ക​പ്പാ​ടാ​ണ് കാ​ണാ​ൻ ക​ഴി​യു​ക. ഒ​രു സ​മ​യ​ത്ത് ആ​റോ​ണി​ന് കോ​ട​തി​യി​ൽ പോ​ലും ര​ക്ഷ​യി​ല്ലാ​തെ വ​രു​ന്ന​തോ​ടെ ക​ഥ സം​ഘ​ർ​ഷ​ഭ​രി​ത​മാ​യ രം​ഗ​ങ്ങ​ളി​ലേ​ക്ക് വ​ഴി​മാ​റു​ന്നു. ആ​റോ​ണി​നെക്കുറി​ച്ചു​ള്ള നാ​ട്ടു​കാ​രു​ടെ അ​ഭി​പ്രാ​യ​വും നാ​ട്ടു​കാ​രെ കു​റി​ച്ചു​ള്ള ആ​റോ​ണി​ന്‍റെ അ​ഭി​പ്രാ​യ​വു​മെ​ല്ലാം ചി​ത്ര​ത്തി​ൽ ക​ട​ന്നു വ​രു​ന്നു​ണ്ട്. മ​നു​ഷ്യ​പ്പ​റ്റി​ല്ലാ​തെ മു​ന്നേ​റു​ന്ന ഇ​ന്ന​ത്തെ സ​മൂ​ഹ​ത്തി​ന്‍റെ നേ​ർ​ചി​ത്രം തു​റ​ന്നു കാ​ട്ടാ​ൻ ത​ന്‍റെ ചി​ത്ര​ത്തി​ലൂ​ടെ സം​വി​ധാ​യ​ക​ൻ ശ്ര​മി​ച്ചി​ട്ടു​ണ്ട്. സ​ത്യം അ​റി​യാ​മാ​യി​രു​ന്നി​ട്ടും മി​ണ്ടാ​തി​രി​ക്കു​ന്ന​തും മു​ഖ​ത്തു നോ​ക്കി ക​ള്ളം പ​റ​യാ​നു​മു​ള്ള ഇ​ന്ന​ത്തെ സ​മൂ​ഹ​ത്തി​ന്‍റെ തൊ​ലി​ക്ക​ട്ടി​യും ചി​ത്ര​ത്തി​ൽ കാ​ണാ​നാ​വും.

ലേ​ശം പോ​ലും ക​ല്ലു​ക​ടി തോ​ന്നാ​ത്ത വി​ധം മൂ​ന്നു ഗെ​റ്റ​പ്പു​ക​ളി​ലാ​യി സ​ലിം കു​മാ​റി​നെ ബി​ഗ് സ്ക്രീ​നി​ലേ​ക്ക് എ​ത്തി​ച്ച​ത് പ​ട്ട​ണം റ​ഷീ​ദാ​ണ്. ആ ​രൂ​പ​മാ​റ്റ​ങ്ങ​ൾ​ക്ക് അ​നു​സ​രി​ച്ച് ശ​രീ​രഭാ​ഷ​യി​ൽ കൂ​ടി സ​ലിം കു​മാ​ർ ശ്ര​ദ്ധി​ച്ച​തോ​ടെ ആ​റോ​ണ്‍ പ്രേക്ഷക മനസിലേയ്ക്ക് ആഴ്ന്നിറങ്ങും. മാ​ള​യി​ലെ പ​രി​സ​ര പ്ര​ദേ​ശ​ങ്ങ​ളെ സ്ക്രീ​നി​ൽ പ​ക​ർ​ത്തി കാ​ല​ഘ​ട്ട​ത്തി​ന്‍റെ മാ​റ്റ​ങ്ങ​ളെ കൃ​ത്യ​മാ​യി ഒ​പ്പി​യെ​ടു​ത്ത​ത് ഛായാ​ഗ്രാ​ഹ​ക​ൻ ശ്രീ​ജി​ത്ത് വി​ജ​യ​നാ​ണ്. ന​ടി ഉ​ഷ, ശി​വ​ജി ഗു​രു​വാ​യൂ​ർ, സു​ബീ​ഷ് സു​ധി, ര​മേ​ഷ് പി​ഷാ​ര​ടി എ​ന്നി​വ​രും നി​ർ​ണാ​യ​ക വേ​ഷ​ങ്ങ​ളി​ലെ​ത്തു​ന്നു​ണ്ട്. ക​റു​ത്ത ജൂ​ത​ൻ അ​ല്പം ഗൗ​ര​വ​മു​ള്ള വി​ഷ​യ​മാ​ണ് മു​ന്നോ​ട്ടു വ​യ്ക്കു​ന്ന​ത്. അ​തു​കൊ​ണ്ട് ത​ന്നെ ചരിത്രം അറിയാൻ ഓരോരുത്തരും കണ്ടിരിക്കേണ്ട ചിത്രമാണ് കറുത്ത ജൂതൻ

(ഇതുവര പറയാത്ത കഥായാണിത്. സ​ലിം കു​മാ​റി​ലെ ച​രി​ത്രാന്വേ​ഷ​ക​ൻ ക​ണ്ടെ​ത്തി​യ ക​ഥ.)

വി. ശ്രീകാന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.