ഒന്നാം വർഷ ബിരുദ പ്രവേശനം :എസ്സി/എസ്ടി സ്പോട്ട് അലോട്ട്മെന്റ് 24 നും 26 നും
201819ലെ ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്സി/എസ്ടി സീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. ആലപ്പുഴ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ ആലപ്പുഴ എസ്ഡി കോളജിലും തിരുവനന്തപുരം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ സർവകലാശാല സെനറ്റ് ഹാളിലും 26 ന് ഹാജരാകേണ്ടതാണ്. കൊല്ലം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ കൊല്ലം മുളങ്കടകം യുഐടി സെന്ററിലും അടൂർ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ അടൂർ സെന്റ് സിറിൾസ് കോളജിലും 24 ന് ഹാജരാകേണ്ടതാണ്.
രാവിലെ ഒന്പതു മുതൽ 11 വരെ എസ്സി/എസ്ടി വിദ്യാർഥികൾ ഓണ്ലൈൻ അപേക്ഷയുടെ പ്രിന്റ് ഔട്ട് സഹിതം ഹാജരായി റിപ്പോർട്ട് ചെയ്യണം. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടിസിവാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർഥികളുടെ കൈവശം യോഗ്യതയും ജാതിയും തെളിയിക്കുന്ന അസൽ സർട്ടിഫിക്കറ്റുകൾ ഉണ്ടായിരിക്കണം. കോളജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. രജിസ്ട്രേഷൻ സമയം കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. ഓരോ മേഖലയിലും ഉൾപ്പെടുത്തിയിരിക്കുന്ന കോളജുകളുടേയും അതത് കോളജുകളിൽ ഒഴിവുള്ള സീറ്റുകളുടെയും വിശദവിവരം സർവകലാശാല വെബ്സൈറ്റിൽ പ്രസിദ്ധീകരിക്കും.
രജിസ്ട്രേഷൻ സമയത്ത് റിപ്പോർട്ട് ചെയ്യുന്ന വിദ്യാർഥികളിൽ നിന്നും സർവകലാശാല തയാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക. ഓണ്ലൈൻ രജിസ്ട്രേഷൻ ഇല്ലാത്തവരെ, ഓണ്ലൈൻ അപേക്ഷ സമർപ്പിച്ചിട്ടുള്ള എല്ലാവരേയും പരിഗണിച്ചതിന് ശേഷം മാത്രമേ അലോട്ട്മെന്റിൽ പരിഗണിക്കുകയുള്ളൂ.
അലോട്ട്മെന്റ് ലഭിച്ചാൽ ഉടൻ തന്നെ അടയ്ക്കേണ്ടതായ പ്രവേശന ഫീസ് (840/ രൂപ) കൈയിൽ കരുതേണ്ടതാണ്. ഓണ്ലൈൻ രജിസ്ട്രേഷൻ ഇല്ലാത്ത വിദ്യാർഥികൾക്ക് അഡ്മിഷൻ ലഭിക്കുകയാണെങ്കിൽ രജിസ്ട്രേഷൻ ഫീസായ 350 രൂപയും അടയ്ക്കേണ്ടതാണ്. ഇതിനായി കൂടുതൽ സമയം അനുവദിക്കുന്നതല്ല. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ കോളജിൽ നിന്നും ലഭിച്ച തിരിച്ചറിയൽ കാർഡ്, ഓണ്ലൈൻ അപേക്ഷയുടെ പ്രിന്റൗട്ട് എന്നിവ നിർബന്ധമായും ഹാജരാക്കേണ്ടതാണ്. പ്രവേശന ഫീസായ 840 രൂപ മുൻപ് അടച്ചിട്ടുള്ള വിദ്യാർഥികൾ വീണ്ടും ഈ തുക അടയ്ക്കേണ്ടതില്ല. തുക ഒടുക്കിയ രസീതിന്റെ പകർപ്പ് നിശ്ചയമായും കൈവശം സൂക്ഷിക്കേണ്ട താണ്.
യുഐടി/സ്വാശ്രയ കോളജുകളിലെ പ്രവേശനം
കേരള സർവകലാശാലയോട് അഫിലിയേറ്റ് ചെയ്തിട്ടുള്ള യുഐടി/സ്വാശ്രയ കോളജുകളിൽ പ്രവേശനം ആഗ്രഹിക്കുന്ന വിദ്യാർഥികൾ ഓപ്ഷനായി (കോളജും കോഴ്സും)നൽകിയിട്ടുള്ള യുഐടി/സ്വാശ്രയ കോളജുകളിൽ ഓണ്ലൈൻ അപേക്ഷയുടെ പ്രിന്റൗട്ട് ഇന്നു മുതൽ 24നകം സമർപ്പിക്കേണ്ടതാണ്. 24 വരെ ലഭിക്കുന്ന അപേക്ഷകൾ പരിഗണിച്ച് സർവകലാശാല റാങ്ക് പട്ടിക തയാറാക്കും. ഇത്തരത്തിൽ തയാറാക്കപ്പെടുന്ന റാങ്ക് പട്ടികയുടെ അടിസ്ഥാനത്തിൽ ബന്ധപ്പെട്ട കോളജുകളിൽ 31 വരെ പ്രവേശനം നടക്കും. സർവകലാശാലയിലേക്ക് അപേക്ഷകൾ അയയ്ക്കേണ്ടതില്ല.
സിഎൽഐഎസ്സി മേഴ്സി ചാൻസ് പരീക്ഷ
തുടർ വിദ്യാഭ്യാസ വ്യപന കേന്ദ്രം നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് (ഓൾഡ് സ്കീം) മേഴ്സി ചാൻസ് പരീക്ഷയ്ക്ക് ഓഗസ്റ്റ് 10 വരെയും പിഴയോടെ ഓഗസ്റ്റ് 29 വരെയും അപേക്ഷിക്കാം. അപേക്ഷകർ മുന്പ് എഴുതിയ പരീക്ഷയുടെ മാർക്ക് ലിസ്റ്റ് കൂടെ സമർപ്പിക്കണം.
പരീക്ഷാഫലം
ഏപ്രിലിൽ നടത്തിയ ബാച്ച്ലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ്) ആറാം സെമസ്റ്റർ റഗുലർ ആൻഡ് സപ്ലിമെന്ററി പരീക്ഷാഫലം വെബ്സൈറ്റിൽ.
വിദൂര വിദ്യാഭ്യാസ വിഭാഗം മേയിൽ നടത്തിയ ഒന്നാം സെമസ്റ്റർ എംബിഎ സപ്ലിമെന്ററി, ഏപ്രിലിൽ നടത്തിയ മൂന്നാം സെമസ്റ്റർ എംബിഎ സപ്ലിമെന്ററി പരീക്ഷാഫലങ്ങൾ വെബ്സൈറ്റിൽ.
മാർച്ചിൽനടത്തിയ ഒന്നും മൂന്നും സെമസ്റ്റർ ബിഎഡ് സ്പെഷൽ എഡ്യൂക്കേഷൻ (ഐഡി) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് നാലു വരെ അപേക്ഷിക്കാം. വിശദമായ ഫലം വെബ്സൈറ്റിൽ.
എൽഎൽബി; ടൈംടേബിൾ
രണ്ടാം സെമസ്റ്റർ (ത്രിവത്സരം) ആൻഡ് ആറാം സെമസ്റ്റർ (പഞ്ചവത്സരം) (2011 12 അഡ്മിഷന് മുൻപുളളത്) എൽഎൽബി പരീക്ഷകൾ ഓഗസ്റ്റ് എട്ടിന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
പ്രാക്ടിക്കൽ പരീക്ഷ
ജനുവരിയിൽ നടത്തിയ ഒന്നാം സെമസ്റ്റർ ബിപിഎ വോക്കൽ പരീക്ഷയുടെ പ്രാക്ടിക്കൽ പരീക്ഷകൾ 23 മുതൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ.
സന്പർക്ക ക്ലാസ്
ഇന്ന് വിദൂര വിദ്യാഭ്യാസ കേന്ദ്രം കൊല്ലം, പാളയം, കാര്യവട്ടം എന്നീ കേന്ദ്രങ്ങളിൽ സന്പർക്ക ക്ലാസ് ഉണ്ട യിരിക്കുന്നതല്ല. നാളത്തെ ക്ലാസിനു മാറ്റമില്ല.
ഹാൾ ടിക്കറ്റ്
വിദൂര വിദ്യാഭ്യാസ വിഭാഗം 25 ന് ആരംഭിക്കുന്ന രണ്ടാം വർഷ മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ (എംഎച്ച്എ) സപ്ലിമെന്ററി പരീക്ഷയുടെ ഹാൾ ടിക്കറ്റുകൾ വിദൂര വിദ്യാഭ്യാസ കേന്ദ്രത്തിൽ നിന്ന് കൈപ്പറ്റേണ്ടതാണ്.
പരീക്ഷ
സിഎസ്എസ് പഠനവകുപ്പുകളിൽ 18നും 20 നും നടത്താനിരുന്ന രണ്ടാം സെമസ്റ്റർ ബിരുദാനന്തരബിരുദ പരീക്ഷകൾ യഥാക്രമം ഓഗസ്റ്റ് മൂന്നിന്രാവിലെ 9.30 നും ഓഗസ്റ്റ് ആറിന് രാവിലെ 10 നും നടക്കും.
എംബിഎ അഭിമുഖ പരീക്ഷ
എംബിഎ പ്രവേശനത്തിനായുള്ള മൂന്നാംഘട്ട സംഘചർച്ചയും അഭിമുഖവും 23 നും 24 നും ഐഎംകെ കാര്യവട്ടത്തും 23 ന് യുഐഎം അടൂരിലും 24 ന് യുഐഎം ആലപ്പുഴയിലും നടക്കുന്നതാണ്. എംബിഎ (ഈവനിംഗ്) പ്രവേശനത്തിനായുളള അഭിമുഖം, സംഘചർച്ച എന്നിവ 25 ന് ഐഎംകെ കാര്യവട്ടത്ത് നടക്കുന്നതാണ്.