ഗെയ്ക്‌വാദ് മാപ്പു പറഞ്ഞില്ല; ഡൽഹിക്കുള്ള യാത്ര കാറിൽ : Deepika.com National News |

Click here for detailed news of all items

ഗെയ്ക്‌വാദ് മാപ്പു പറഞ്ഞില്ല; ഡൽഹിക്കുള്ള യാത്ര കാറിൽ

Wednesday, March 29, 2017 12:45 PM IST

ഉസ്മനാബാദ്: എയർ ഇന്ത്യ ഡ്യൂട്ടി മാനേജരെ ചെരുപ്പിന് അടിച്ച് വിവാദത്തിലായ ശിവസേന എംപി രവീന്ദ്ര ഗെയ്ക്‌വാദ് ലോക്സഭാ സമ്മേളനത്തിൽ സംബന്ധിക്കാൻ ഡൽഹിയിലെത്തിയത് കാറിൽ. എയർ ഇന്ത്യ അടക്കമുള്ള വ്യോമയാന കന്പനികൾ ഗെയ്ക്‌വാദിനു ടിക്കറ്റ് നൽകാതിരുന്നതോടെയാണു ശിവസേന എംപി കാറിൽ ഡൽഹിയിലേക്കു തിരിച്ചത്. ഡൽഹിയിൽ കാറിൽ എത്തിയ എംപി ഇന്നലെ ലോക്സഭാ സമ്മേളനത്തിൽ പങ്കെടുത്തില്ലെന്ന് അദ്ദേഹത്തോട് അടുത്ത വൃത്തങ്ങൾ അറിയിച്ചു.

ഡ്യൂട്ടി മാനേജരെ മർദ്ദിച്ചതിൽ ഇതുവരെ മാപ്പു പറയാൻ ഗെയ്ക്‌വാദ് കൂട്ടാക്കിയിട്ടില്ല. പ്രധാനമന്ത്രി നരേന്ദ്ര മോദിയെ ആക്ഷേപിക്കുകയും കുറ്റപ്പെടുത്തുകയും ചെയ്തതിനാലാണു താൻ എയർ ഇന്ത്യ ഡ്യൂട്ടി മാനേജരെ മർദ്ദിച്ചതെന്നാണ് ശിവസേന എംപിയുടെ നിലപാട്.

ഹൈദരാബാദിൽനിന്നു ഡൽഹിക്കുള്ള എയർ ഇന്ത്യ 551 വിമാനത്തിൽ ഇന്നലെ ടിക്കറ്റ് ബുക്ക് ചെയ്തെങ്കിലും എയർ ഇന്ത്യ അതു ക്യാൻസൽ ചെയ്തു. ഇതേത്തുടർന്നാണ് ഗെയ്ക്‌വാദ് കാറിൽ ഡൽഹിക്കു തിരിച്ചത്. കഴിഞ്ഞ ദിവസം മുംബൈയിൽനിന്നു ഡൽഹിക്കുള്ള എയർ ഇന്ത്യ 806 വിമാനത്തിലും ടിക്കറ്റ് ബുക്ക് ചെയ്തെങ്കിലും ഗെയ്ക്‌വാദിന് അത് അനുവദിച്ചു നല്കിയിരുന്നില്ല.

മുംബൈയിൽനിന്നു പുറപ്പെട്ട് ഇന്നലെ ഡൽഹിയിൽ എത്തുന്ന രാജധാനി എക്സ്പ്രസ് ട്രെയിനിന്‍റെ എ 3 കോച്ചിൽ ഗെയ്ക്‌വാദ് ടിക്കറ്റ് ബുക്ക് ചെയ്തിരുന്നു. എന്നാൽ, പിന്നീട് അതു വേണ്ടെന്നുവച്ച് യാത്ര കാറിൽ ആക്കുകയായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.