അത്‌ലറ്റിക്കോ, ബൊറൂസിയ ക്വാർട്ടറിൽ : Deepika.com Sports News |

Click here for detailed news of all items

അത്‌ലറ്റിക്കോ, ബൊറൂസിയ ക്വാർട്ടറിൽ

Friday, March 15, 2024 3:25 AM IST

മാഡ്രിഡ്/ഡോർട്ട്മുണ്ട്: യുവേഫ ചാന്പ്യൻസ് ലീഗ് ക്വാർട്ടർ ഫൈനൽ ടിക്കറ്റെടുത്ത് ജർമൻ ക്ലബ് ബൊറൂസിയ ഡോർട്ട്മുണ്ടും സ്പാനിഷ് ക്ലബ് അത്‌ലറ്റിക്കോ മാഡ്രിഡും.

രണ്ടാംപാദ പ്രീക്വാർട്ടറിൽ ഡോർട്ട്മുണ്ട് 2-0ന് പിഎസ് വി ഐന്തോവനെ കീഴടക്കി. ആദ്യപാദത്തിൽ 1-1 സമനിലയായിരുന്നു. ഇതോടെ ഇരുപാദങ്ങളിലുമായി 2-1ന്‍റെ ജയത്തോടെയാണ് ഡോർട്ട്മുണ്ട് ക്വാർട്ടറിൽ പ്രവേശിച്ചത്.

ഇറ്റാലിയൻ ക്ലബ് ഇന്‍റർ മിലാനെ പെനാൽറ്റി ഷൂട്ടൗട്ടിലൂടെ കീഴടക്കിയാണ് അത്‌ലറ്റിക്കോയുടെ ക്വാർട്ടർ പ്രവേശം. ആദ്യപാദത്തിൽ ഇന്‍റർ മലാൻ 1-0നും രണ്ടാംപാദത്തിൽ അത്‌ലറ്റിക്കോ 2-1നും ജയിച്ചതോടെയാണ് ഷൂട്ടൗട്ട് വേണ്ടിവന്നത്.

അധികസമയത്തേക്ക് മത്സരം നീണ്ടെങ്കിലും ഇരുപാദങ്ങളിലുമായുള്ള 2-2 സമനിലപ്പൂട്ട് പൊട്ടിക്കാനായില്ല. ഷൂട്ടൗട്ടിൽ ഇന്‍റർ മിലാന്‍റെ ലൗതാരൊ മാർട്ടിനെസ്, ഡാവി ക്ലാസെൻ, അലക്സിസ് സാഞ്ചസ് എന്നിവർക്കു ലക്ഷ്യം കാണാനായില്ല.

ക്ലാസെന്‍റെയും സാഞ്ചസിന്‍റെയും കിക്ക് തടഞ്ഞ അത്‌ലറ്റിക്കോ ഗോളി യാൻ ഒബ്ലാക്ക് സൂപ്പർ ഹീറോ പര്യവേഷം സ്വന്തമാക്കി. 3-2ന്‍റെ ജയത്തോടെ അത്‌ലറ്റിക്കോ ക്വാർട്ടറിലേക്ക് മുന്നേറി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.