ചക്കരപ്പറമ്പ് വാഹനാപകടം: കെഎസ്ആർടിസി ഡ്രൈവർക്ക് സസ്പെൻഷൻ |

Click here for detailed news of all items

ചക്കരപ്പറമ്പ് വാഹനാപകടം: കെഎസ്ആർടിസി ഡ്രൈവർക്ക് സസ്പെൻഷൻ

Wednesday, May 15, 2024 7:59 PM IST

കൊച്ചി: രണ്ട് ബൈക്ക് യാത്രക്കാരുടെ മരണത്തിന് ഇടയാക്കിയ ചക്കരപ്പറമ്പ് വാഹനാപകടത്തിൽ കെഎസ്ആർടിസി ഡ്രൈവറെ സസ്പെൻഡ് ചെയ്തു. അപകടമുണ്ടാക്കിയ സ്കാനിയ ബസിലെ ഡ്രൈവർ തിരുവനന്തപുരം സെൻട്രൽ യൂണിറ്റിലെ കെ.എ.അനിലിനെയാണ് അന്വേഷണ വിധേയമായി സസ്പെൻഡ് ചെയ്തത്.

കഴിഞ്ഞ 10ന് എറണാകുളം ചക്കരപ്പറമ്പിലായിരുന്നു അപകടം. കൊല്ലൂർനിന്നു തിരുവനന്തപുരത്തേക്ക് പോവുകയായിരുന്ന കെഎസ്ആർടിസിയുടെ സ്കാനിയ ബസ് ബൈക്കിലിടിച്ചാണ് അപകടമുണ്ടായത്.

അപകടമുണ്ടാക്കിയ ബസിന് മുന്നിലായിരുന്നു ബൈക്ക്. സ്കാനിയ ബസ് പിന്നിലിടിച്ചതോടെ മുന്നിൽ പോയ കെഎസ്ആർടിസി ഓർഡിനറി ബസിനടിയിലേക്ക് ബൈക്ക് ഇടിച്ചു കയറുകയായിരുന്നു. ബൈക്കിലുണ്ടായിരുന്ന രണ്ടു യാത്രികരും സംഭവ സ്ഥലത്ത് തന്നെ മരിച്ചു.

അപകടത്തിന് പിന്നാലെ പ്രഖ്യാപിച്ച അന്വേഷണത്തിന് ശേഷമാണ് ഡ്രൈവർക്കെതിരേ നടപടിയെടുത്തത്. ഡ്രൈവർമാരുടെ വീഴ്ചകൊണ്ടോ അശ്രദ്ധകൊണ്ടോ അപകടം സംഭവിച്ചാൽ പിരിച്ചു വിടുന്നത് ഉൾപ്പെടെയുള്ള കടുത്ത നടപടികൾ സ്വീകരിക്കുമെന്ന് കെഎസ്ആർടിസി വ്യക്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.