Cinema
അയാൾ നമുക്കിടയിലുണ്ട്...
Friday, March 10, 2017 6:58 AM IST
മണികണ്ഠന്‍റെ കടലിരന്പും പോലുള്ള ചിരിക്കു മുന്നിൽ കെ.പി വ്യാസന്‍റെ (വ്യാസൻ എടവനക്കാട്) ആദ്യ സംവിധാന സംരംഭത്തിന്‍റെ പാകപ്പിഴകളത്രയും തിരയെടുത്തു പോകുന്ന കാഴ്ചയാണ് "അയാൾ ജീവിച്ചിരുപ്പുണ്ട്' എന്ന ചിത്രത്തിൽ കാണാൻ കഴിയുക. കു​റ​വു​ക​ൾ ഏ​റെ​യു​ള്ള ചി​ത്ര​ത്തി​ന് ഒ​റ്റ​യ്ക്ക് ജീ​വ​ൻ ന​ൽ​കാ​ൻ മു​രു​ക​ന് (​മ​ണി​ക​ണ്ഠ​ൻ) ​ക​ഴി​ഞ്ഞി​ട​ത്താ​ണ് അ​യാ​ൾ​ക്ക് ജീ​വി​തം തി​രി​ച്ചുകി​ട്ടി​യ​ത്.​ ജീ​വി​ച്ചി​രി​ക്കു​ന്ന അ​യാ​ൾ ആ​രെ​ന്ന ചോ​ദ്യ​വു​മാ​യി തി​യ​റ്റ​റി​ൽ അ​ക​പ്പെ​ട്ട​വ​ർ​ക്ക് ജീ​വി​ത​ത്തെ തു​റ​ന്ന പു​സ്ത​ക​മാ​ക്കി​യ ര​ണ്ടു​പേ​രു​ടെ ജീ​വി​ത ക​ഥ​യാ​യി​രി​ക്കും തി​രി​കെ കി​ട്ടു​ക. അ​തി​നി​ട​യി​ൽ ക​ട​ന്നു കൂ​ടു​ന്ന ചെറിയ ക​ല്ലു​ക​ടി​ക​ളെ ക​ണ്ടി​ല്ലെ​ന്ന് ന​ടി​ച്ചാ​ൽ ഗോ​വ​ൻ തീ​ര​ത്തെ കാ​ഴ്ച​ക​ൾ മാ​ത്ര​മ​ല്ല ജീ​വി​ത​ത്തെ മു​ന്നോ​ട്ട് ഓ​ടി​ക്കാ​നു​ള്ള ചി​ല ന​ല്ല​റി​വു​ക​ൾ കൂ​ടി ചി​ത്രം സ​മ്മാ​നി​ക്കും.



ഒ​റ്റ​യ്ക്ക് ഒ​രു ചി​ത്ര​ത്തി​ന്‍റെ നെ​ടും​തൂ​ണാ​കു​ന്ന​വ​നാ​ണ് നാ​യ​ക​നെ​ങ്കി​ൽ അ​ങ്ങ​നെ ഒ​രു സ്ഥാ​ന​ത്തേ​ക്ക് തോ​ണി തു​ഴ​ഞ്ഞെ​ത്തി​യി​രി​ക്കു​ക​യാ​ണ് മ​ണി​ക​ണ്ഠ​ൻ. വ​രും​കാ​ല​ത്ത് മ​ണി​ക​ണ്ഠ​ൻ നാ​യ​ക​നാ​കു​ന്ന ചി​ത്ര​ത്തി​നാ​യി പ്രേ​ക്ഷ​ക​ർ കാ​ത്തി​രി​ക്കു​മെ​ന്ന​തി​ൽ ത​ർ​ക്ക​മി​ല്ല. അ​തി​ന് പാ​കം വ​രു​ന്ന അ​ഭി​ന​യ മി​ക​വു​കൊ​ണ്ട് ത​ന്‍റെ ര​ണ്ടാം ചി​ത്ര​വും ഗം​ഭീ​ര​മാ​ക്കി​യി​രി​ക്കു​ക​യാ​ണ് മു​രു​ക​നി​ലൂ​ടെ മ​ണി​ക​ണ്ഠ​ൻ. അ​വ​ര​വ​ർ അ​റി​യാ​തെ ത​ന്നെ ര​ണ്ടു​പേ​ർ​ക്കു​ണ്ടാ​കു​ന്ന ന​ല്ല മാ​റ്റ​ങ്ങ​ളെ​യാ​ണ് ചി​ത്രം മു​ന്നോ​ട്ടുവ​യ്ക്കു​ന്ന​ത്.



ഫ്ളാ​ഷ് ബാ​ക്കി​ലൂ​ടെ ക​ഥ​പ​റ​യു​ന്ന ചി​ത്ര​ത്തി​ന്‍റെ തു​ട​ക്കം പ​തി​ഞ്ഞ​താ​ള​ത്തി​ലാ​ണെ​ങ്കി​ലും ക​ഥാ​പാ​ത്ര​ങ്ങ​ളു​ടെ വ​ര​വി​നും പോ​ക്കി​നു​മി​ട​യി​ൽ പ​തി​യെ ഉ​ണ​ർ​വി​ന്‍റെ താ​ളം ക​ണ്ടെ​ത്തു​ക​യാ​ണ്. അ​തു​ണ്ടാ​കു​ന്ന​താ​ക​ട്ടെ ഒ​രാ​ൾ ഇ​തു​വ​രെ ക​ണ്ടി​ട്ടി​ല്ലാ​ത്ത മ​റ്റൊ​രാ​ളെ ക​ണ്ടു​മു​ട്ടു​ന്നി​ട​ത്തു നി​ന്നും. ജോ​ണ്‍ മാ​ത്യു (വി​ജ​യ് ബാ​ബു) എന്ന എ​ഴു​ത്തു​കാ​ര​ന്‍റെ ജീ​വി​ത​ത്തി​ലേ​ക്ക് മു​രു​ക​ൻ ക​ട​ന്നു വ​രു​ന്ന​തോ​ടെ ആ​ഘോ​ഷ​ങ്ങ​ൾ​ക്ക് തു​ട​ക്ക​മാ​കു​ക​യാ​ണ്. ഗോ​വ​ൻ പ​രി​സ​ര​ങ്ങ​ളി​ലൂ​ടെ​യു​ള്ള യാ​ത്ര​യ്ക്ക് ഇ​ട​യി​ൽ ഇ​രു​വ​രും പാ​തി​വ​ഴി​യി​ൽ അ​വ​സാ​നി​പ്പി​ച്ച ചി​ല​തി​ന് തു​ട​ർ​ച്ച ക​ണ്ടെ​ത്തു​ന്ന​തോ​ടെ സി​നി​മ​യും ചൂ​ടുപി​ടി​ക്കു​ന്നു. മ​തി​വ​രു​വോ​ളം ഗോ​വ​ൻ കാ​ഴ്ച​ക​ൾ സ​മ്മാ​നി​ക്കാൻ കാ​മ​റ ച​ലി​പ്പി​ച്ച ഛായാ​ഗ്ര​ഹ​ക​നും കഴിഞ്ഞു.



കൊ​ച്ചി​യി​ൽ നി​ന്നും ഗോ​വ കാ​ണാ​നെ​ത്തി​യ മു​രു​ക​നും ഗോ​വ​ൻ സ​ർ​ക്കാ​രി​ന്‍റെ അ​തി​ഥി​യാ​യെ​ത്തി​യ ജോ​ണും ത​മ്മി​ലു​ള്ള അ​വി​ചാ​രി​ത സൗ​ഹൃ​ദ​ത്തി​ന്‍റെ ര​സ​ക്കൂ​ട്ട് ചി​ത്ര​ത്തി​ന് പ​ക​രുന്ന ഉൗ​ർ​ജം ചെ​റു​ത​ല്ല.​ നായകന്‍റെ നിഷ്കളങ്കത സൂ​ചി​പ്പി​ക്കാ​നാ​യി കാ​ട്ടി​ക്കൂ​ട്ടി​യ ചി​ല രം​ഗ​ങ്ങ​ൾ ചി​ത്ര​ത്തെ പി​ന്നോ​ട്ട് അ​ടി​ക്കു​ന്നു​ണ്ട്. തി​ര​ക്ക​ഥ ര​ച​ന വേ​ള​യി​ൽ ഇ​ത്ത​രം തി​രു​കി ക​യ​റ്റ​ലു​ക​ളെ ഒ​ഴി​ച്ചു നി​ർ​ത്തി​യി​രു​ന്നെ​ങ്കി​ൽ കാ​ന്പു​ള്ള ക​ഥ കൂ​ടു​ത​ൽ ഉൗ​ർ​ജ​സ്വ​ല​മാ​യി അ​വ​ത​രി​പ്പി​ക്കുന്ന ചിത്രമായി അയാൾ ജീവിച്ചിരിപ്പുണ്ട് മാറുമായിരുന്നു.

നി​ഷ്ക​ള​ങ്ക​ത​യു​ടെ നാ​ട​ൻ പ്ര​തീ​ക​മാ​യി മു​രു​ക​നും മോ​ഡേ​ണ്‍ പ്ര​തീ​ക​മാ​യി ജോ​ണും ചി​ത്ര​ത്തി​ൽ മി​ക​ച്ച പ്ര​ക​ട​ന​മാ​ണ് പു​റ​ത്തെ​ടു​ത്തി​രി​ക്കു​ന്ന​ത്. ക​ട​മ​ക​ൾ നി​റ​ഞ്ഞ ജീ​വി​ത പാ​ച്ചി​ലി​നി​ട​യി​ൽ ഇ​ഷ്ട​ങ്ങ​ളും ന​ഷ്ട​ങ്ങ​ളും വ​ന്നു പോ​യിക്കൊ​ണ്ടേ​യി​രി​ക്കു​മെ​ന്നും അ​തി​നി​ട​യി​ലൂ​ടെ​യു​ള്ള യാ​ത്ര​യി​ൽ സ​ന്തോ​ഷം ക​ണ്ടെ​ത്താ​ൻ ശ്ര​മി​ക്ക​ണ​മെ​ന്നു​മാ​ണ് ചി​ത്രം പ​റ​ഞ്ഞു​വ​യ്ക്കു​ന്ന​ത്. ജോ​ണി​ന്‍റെ ഉ​ള്ളി​ൽ ക​ട​ന്നുകൂ​ടി​യ ഭ​യ​ത്തെ മ​ണി​ക​ണ്ഠ​ൻ യാ​ത്ര​യ്ക്കി​ട​യി​ൽ എ​ടു​ത്തു ക​ട​ലി​ലേ​ക്ക് ക​ള​യു​ന്ന​തും എ​ഴു​ത്തി​ന്‍റെ വ​ഴി​യി​ലേ​ക്ക് ജോ​ണ്‍ മ​ട​ങ്ങി വ​രു​ന്ന​തു​മെ​ല്ലാം ഒ​ന്നാ​ന്ത​ര​മാ​യി ത​ന്നെ സം​വി​ധാ​യ​ക​ൻ ചി​ത്രീ​ക​രി​ച്ചി​ട്ടു​ണ്ട്.



അ​ടു​ക്കും ചി​ട്ട​യു​മി​ല്ലാ​ത്ത ഒ​രു​പി​ടി രം​ഗ​ങ്ങ​ൾ ഒ​ഴി​വാ​ക്കി ചെ​ത്തി​മി​നു​ക്കി ര​ണ്ടു​മ​ണി​ക്കൂ​റി​ലേ​ക്ക് ചി​ത്ര​ത്തെ ഒതുക്കിയിരുന്നെങ്കിൽ കൂടുതൽ രസകരമാകുമായിരുന്നു. 2.19 മണിക്കൂറിലേക്ക് ചി​ത്ര​ത്തെ വ​ലി​ച്ചു നീ​ട്ടാ​നാ​യി കാ​ട്ടി​ക്കൂ​ട്ടി​യ അ​ഭ്യാ​സ​ങ്ങ​ളെ​ല്ലാം പാ​ളി​പ്പോയി. ജോ​ണി​ന് എ​ഴു​ത്തി​ന്‍റെ വ​ഴി കാ​ട്ടി​കൊ​ടു​ത്ത് വി​ധി ഇ​രു​വ​രേ​യും പി​രി​ക്കു​ന്നി​ട​ത്താ​ണ് മു​രു​ക​ന്‍റെ ജീ​വി​തം ആ​രം​ഭി​ക്കു​ന്ന​ത്. ആ ​ജീ​വി​തം എ​ങ്ങ​നെ​യാ​ണ് മാ​റി​മ​റി​യു​ന്നു​വെ​ന്ന് നി​ങ്ങ​ൾ തി​യ​റ്റി​ൽ പോ​യി ക​ണ്ട​റി​യു​ക. താ​ര​പ്പൊ​ലി​മ​യി​ല്ലാ​യെ​ന്നേ​യു​ള്ളു ന​ല്ലൊ​രു ക​ഥ​യു​ണ്ട് അ​തി​നൊ​ത്ത ക​ഥാ​പാ​ത്ര​ങ്ങ​ളും. മ​ണി​ക​ണ്ഠ​നും കൂ​ട്ട​രും നി​ങ്ങ​ളെ ര​സി​പ്പി​ക്കു​മെ​ന്ന​തി​ൽ സം​ശ​യ​മി​ല്ല.

(മ​ണി​ക​ണ്ഠ​ന്‍റെ ര​ണ്ടാ​മൂ​ഴ​വും ഗം​ഭീ​രം, പ്ര​തീ​ക്ഷി​ക്കാം ഈ ​ന​ട​നി​ൽ നി​ന്നും ഇ​നി​യു​മേ​റെ.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.