Cinema
ചി​ക്ക​ൻ കോ​ക്കാ​ച്ചി​ക്ക് രു​ചി അ​ത്ര പോ​ര...!
Friday, June 9, 2017 5:09 AM IST
ഒ​രു​പ​റ്റം ചെ​റു​പ്പ​ക്കാ​രു​ടെ സി​നി​മ മോ​ഹ​ങ്ങ​ളി​ലേ​ക്കു​ള്ള എ​ടു​ത്തു​ചാ​ട്ടം മാ​ത്ര​മാ​ണ് "ചി​ക്ക​ൻ കോ​ക്കാ​ച്ചി'. ഷോ​ർ​ട്ട് ഫി​ലി​മി​ന് പാ​ക​മാ​യ ക​ഥ​യ്ക്ക് ത​ല​യും വാ​ലും വ​ച്ച് വ​ലി​ച്ചു നീ​ട്ടാ​ൻ സം​വി​ധാ​യ​ക​നും നാ​യ​ക​നു​മാ​യ അ​നു​ര​ഞ്ജ​ൻ പ്രേം​ജി പി​ടി​പ്പ​ത് പ​ണി​യെ​ടു​ത്തി​ട്ടു​ണ്ട്.​ പ​ക്ഷേ, എ​ല്ലാം​കൂ​ടി ഒ​ത്തി​ല്ലാ​ന്നു മാ​ത്രം.​

എന്നാൽ, അടുത്തകാലത്ത് കോ​മ​ഡി ലേ​ബ​ലി​ൽ ഇ​റ​ങ്ങി ച​ളി വാ​രി​വി​ത​റി​പ്പോ​യ താ​ര​പ​രി​വേ​ഷ​ങ്ങ​ളു​ള്ള ചി​ത്ര​ങ്ങ​ളു​മാ​യി ത​ട്ടി​ക്കു​ന്പോ​ൾ ചി​ക്ക​ൻ കോ​ക്കാ​ച്ചി അ​ത്ര​മോ​ശ​മാ​ണെ​ന്ന് പ​റ​യാ​ൻ പ​റ്റി​ല്ല.​ ചി​ക്ക​ൻ കോ​ക്കാ​ച്ചി ഹോ​ട്ട​ലു​ക​ളി​ൽ കി​ട്ടു​ന്ന ഒ​രു വി​ഭ​വം മാ​ത്ര​മാ​ണ്.​ ചി​ത്ര​ത്തി​ന് എന്തിനാണ് ഈ പേരി​ട്ട​തെ​ന്നു ചോ​ദി​ച്ചാ​ൽ "ആ അറിയില്ല' എന്ന് മാ​ത്ര​മേ പ​റ​യാ​ൻ പ​റ്റു. ​ന​ല്ല കി​ടു​ക്കാ​ച്ചി പേ​രാ​യ​ത് കൊ​ണ്ടു ത​ന്നെ പ​ല​രു​ടെ​യും മ​ന​സി​ലു​ട​ക്കു​മെ​ന്നു​ള്ള സം​വി​ധാ​യ​ക​ന്‍റെ ക​ണ​ക്കു​കൂ​ട്ട​ലി​ൽ നി​ന്നാ​ണ് ഈ ​പേ​ര് ഉ​ദ​യം കൊ​ണ്ട​തെ​ന്ന് സംശയിക്കേണ്ടിയിരിക്കുന്നു.



യു​ ട്യൂ​ബി​ൽ ഇ​റക്കിയ ഷോ​ർ​ട്ട് ഫി​ലി​മി​നെ സിനിമയാക്കിയപ്പോൾ വ​ലി​ച്ചുനീ​ട്ടാ​നാ​ണ് സം​വി​ധാ​യ​ക​ൻ ശ്ര​മി​ച്ച​ത്. ​യൂ ട്യൂ​ബ് ഹി​റ്റാ​യ ഷോ​ർ​ട്ട് ഫി​ലിം പ​ക്ഷേ, ബി​ഗ്സ​ക്രീ​നി​ലേ​ക്കെ​ത്തി​യ​പ്പോ​ൾ അ​ടി​മു​ടി മാ​റ്റ​ങ്ങ​ൾ ഉ​ണ്ടാ​യെ​ന്നു മാ​ത്രം.​ ആ ​മാ​റ്റ​ങ്ങ​ൾക്ക് ക്ലീ​ഷ​യു​ടെ മേ​ലാ​പ്പാ​ണ് സം​വി​ധാ​യ​ക​ൻ അ​ണി​യി​ച്ചി​രി​ക്കു​ന്ന​ത്.

ഗ്രാ​മ​പ്ര​ദേ​ശ​ത്ത് ജീ​വി​ക്കു​ന്ന ക​ല്ലു​വി​ന്‍റെ (​അ​നു​ര​ഞ്ജ​ൻ പ്രേം​ജി) ക​ഥ​യാ​ണ് ചി​ത്രം പ​റ​യു​ന്ന​ത്.​ അ​ല​സ​നും സ​ര​സ​നു​മാ​യ ക​ല്ലു നാ​ട്ടി​ൽ കാ​ട്ടി​ക്കൂ​ട്ടു​ന്ന നേ​രം​പോ​ക്കു​ക​ളി​ൽ നി​ന്നാ​ണ് ക​ഥ​യു​ടെ തു​ട​ക്കം. ഒ​രു പു​തു​മ​യും അ​വ​കാ​ശ​പ്പെ​ടാ​നി​ല്ലാ​ത്ത തു​ട​ക്ക​ത്തി​ൽ അ​ണി​നി​ര​ക്കു​ന്ന പു​തു​മു​ഖ​ങ്ങ​ളു​ടെ പ്ര​ക​ട​ന​വും ശ​രാ​ശ​രി​യി​ൽ ഒ​തു​ങ്ങി.​ സ്കി​റ്റ് കോ​മ​ഡി പോ​ലു​ള്ള ചി​ല ന​ന്പ​റു​ക​ൾ ആ​ദ്യ പ​കു​തി​യെ വി​ര​സ​ത​യി​ലേ​ക്ക് ത​ള്ളി​യി​ടു​ന്നു​ണ്ട്.



അ​നു​ര​ഞ്ജ​ൻ പ്രേം​ജി​യു​ടെ പ്ര​ക​ട​ന​വും ആ​ദ്യ പ​കു​തി​യി​ൽ പി​ടി​ച്ചി​രു​ത്താ​ൻ പാ​ക​ത്തി​നു​ള്ള​ത​ല്ല. നാ​ട്ടി​ൻ​പു​റ​ത്തു നി​ന്നും ക​ല്ലു​വി​നെ ന​ഗ​ര​ത്തി​ലേ​ക്ക് പി​ടി​ച്ചി​ടു​ന്ന​തോ​ടെ അ​തു​വ​രെ ഇ​ഴ​ഞ്ഞു നീ​ങ്ങി​യ ചി​ത്ര​ത്തി​ന്‍റെ വേ​ഗം കൂ​ടാ​ൻ തു​ട​ങ്ങി.​ സം​വി​ധാ​യ​ക​ൻ കൂ​ടി​യാ​യ നാ​യ​ക​ന​ട​ന്‍റെ ത​ര​ക്കേ​ടി​ല്ലാ​ത്ത പ്ര​ക​ട​ന​ത്തി​ന് ര​ണ്ടാം പ​കു​തി സാ​ക്ഷ്യം വ​ഹി​ക്കു​ന്നു​ണ്ട്.​ കോ​മ​ഡി​യു​ടെ ട്രാ​ക്കി​ലൂ​ടെ ഓ​ടു​ന്ന ചി​ത്രം സു​ധി കോ​പ്പ, ബി​ജുകു​ട്ട​ൻ, ധ​ർ​മ​ജ​ൻ തു​ട​ങ്ങി​യ​വ​രു​ടെ ക​ട​ന്നു വ​ര​വോ​ടെ വേ​റൊ​രു ലെ​വ​ലി​ലേ​ക്ക് പോ​കു​ന്ന​തും കാ​ണാ​ൻ സാ​ധി​ക്കും. പി​ന്നീ​ട് അ​ങ്ങോ​ട്ട് ചി​രി​മേ​ളം ത​ന്നെ​യാ​ണ് കാ​ണാ​ൻ സാ​ധി​ക്കു​ക. തു​ട​ക്ക​ത്തി​ൽ മി​ക​ച്ച ഫ്രെ​യി​മു​ക​ൾ ഒരുക്കിയ ഛായാഗ്രാഹകൻ ശ്രീകാന്ത് ഈശ്വറിന് ചിത്രത്തിലൂടനീളം അത് തുടരാൻ കഴിഞ്ഞില്ല.



അ​ല​സ​ത​യു​ടെ പി​ടി​വി​ട്ട് ചെ​റി​യ ചെ​റി​യ ജോ​ലി​ക​ൾ ചെ​യ്ത് തു​ട​ങ്ങു​ന്ന ക​ല്ലു​വി​ന്‍റെ കോ​മ​ഡി ട്രാ​ക്ക് ചാ​ർ​ളി​ചാ​പ്ലി​ന്‍റെ മാ​ന​റി​സ​ങ്ങ​ളെ പി​ൻ​തു​ട​ർ​ന്നു കൊ​ണ്ടു​ള്ള​താ​യി​രു​ന്നു. പെ​ർ​ഫ​ക്ഷ​ൻ ഒ​ന്നു​മി​ല്ലെ​ങ്കി​ലും ക​ല്ലു ര​ണ്ടാം പ​കു​തി​യി​ൽ ചി​രി​ക്കാ​നു​ള്ള വ​ക​യെ​ല്ലാം സ​മ്മാ​നി​ക്കു​ന്നു​ണ്ട്.​ നാ​യി​ക​യ്ക്ക് വേ​ണ്ടി​യൊ​രു നാ​യി​ക ചി​ക്ക​ൻ കോ​ക്കാ​ച്ചി​യി​ലുമുണ്ട്. ​ക​ല്ലു​വി​ന്‍റെ അ​ച്ഛ​നാ​യി എ​ത്തിയ ഇ​ന്ദ്ര​ൻ​സ് ഭേ​ദ​പ്പെ​ട്ട പ്ര​ക​ട​ന​മാ​ണ് പു​റ​ത്തെ​ടു​ത്തി​രി​ക്കു​ന്ന​ത്.



ക​ല്ലു​വി​ന്‍റെ ഹോ​ട്ട​ലി​ലെ ജോ​ലി​യും ചി​ക്ക​ൻ കോ​ക്കാ​ച്ചി അ​ടി​ച്ചു മാ​റ്റു​ന്ന പ​തി​വു​മെ​ല്ലാം ര​സ​ക​ര​മാ​യി ത​ന്നെ​യാ​ണ് ചി​ത്രീ​ക​രി​ച്ചി​രി​ക്കു​ന്ന​ത്. ന​ടു​ക്ക​ണ്ടം മാ​ത്രം വൃ​ത്തി​യാ​ക്കി തു​ട​ക്ക​വും ഒ​ടു​ക്ക​വും കു​ള​മാ​ക്കി ചി​ത്ര​ത്തി​ന്‍റെ ബാ​ല​ൻ​സിം​ഗ് സം​വി​ധാ​യ​ക​ൻ കളഞ്ഞുകുളിക്കുകയായിരുന്നു. ര​ണ്ടു​ മ​ണി​ക്കൂ​റി​ന​ടു​ത്തേ​ക്ക് ചി​ത്ര​ത്തെ പി​ടി​ച്ചു വ​ലി​ച്ചു കൊ​ണ്ടു​പോ​കു​ക​യാ​ണ് സം​വി​ധാ​യ​ക​ൻ. സാ​ഹ​ച​ര്യ​ങ്ങ​ൾ​ക്ക് ഇ​ണ​ങ്ങും വി​ധം ത​ര​ക്കേ​ടി​ല്ലാ​ത്ത പ​ശ്ചാ​ത്ത​ല സം​ഗീ​ത​മാ​ണ് ജാ​സി ഗി​ഫ്റ്റ് ഒ​രു​ക്കി​യി​രി​ക്കു​ന്ന​ത്.



തു​ട​ക്ക​ക്കാ​രു​ടെ എ​ല്ലാ പ​ത​ർ​ച്ച​യും തെ​ളി​ഞ്ഞു കാ​ണാ​വു​ന്ന ചി​ത്ര​ത്തി​ൽ കോ​മ​ഡി ട്രാ​ക്ക് ക​ട​ത്തി​വി​ട്ട് പ്രേ​ക്ഷ​ക​രെ തൃ​പ്തി​പ്പെ​ടു​ത്താ​നാ​ണ് സം​വി​ധാ​യ​ക​ൻ ശ്ര​മി​ച്ച​ത്. സം​ഭ​വം കൊ​ള്ളാം പ​ക്ഷേ, ഈ ​വ​ലി​ച്ചു​നീ​ട്ട​ൽ പ്ര​ക്രി​യ വ​രും സി​നി​മ​ക​ളി​ലും സം​വി​ധാ​യ​ക​ൻ ആ​വ​ർ​ത്തി​ച്ചാ​ൽ വ​ലി​യ ദു​ര​ന്ത​മാ​യി​രി​ക്കും കാത്തിരിക്കുന്നത്. ഈ ​ചി​ക്ക​ൻ കോ​ക്കാ​ച്ചി​യു​ടെ രു​ചി അ​റി​യാ​ൻ ഉൗ​ഴം നോ​ക്കി​യി​രി​ക്കു​ന്ന​വ​രോ​ട്... ടേ​സ്റ്റൊ​ക്കെ​യു​ണ്ട് പ​ക്ഷേ, ചേ​രു​വ​ക​ളൊ​ന്നും അ​ത്ര​യ്ക്ക് അ​ങ്ങോ​ട്ട് ചേ​ർ​ന്നി​ല്ലാ​യെ​ന്നു മാ​ത്രം.

(കൊ​ള്ളാം, ത​ര​ക്കേ​ടി​ല്ല.. ഒ​രു​വി​ധ​ത്തി​ൽ സം​ഭ​വ​ങ്ങ​ളെ​ല്ലാം ഒ​പ്പി​ച്ചുവ​ച്ചി​ട്ടു​ണ്ട്.)


വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.