രണ്ടാം വർഷ ബിഫാം പരീക്ഷകൾ ജൂണ് 16 ന് ആരംഭിക്കും
രണ്ടാം വർഷ ബിഫാം (2015 അഡ്മിഷൻ റെഗുലർ, 2015നു മുന്പുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകൾ ജൂണ് 16 ന് ആരംഭിക്കും. അപേക്ഷകൾ 30 വരെയും, 50 രൂപ പിഴയോടെ 31 വരെയും, 500 രൂപ സൂപ്പർഫൈനോടെ ജൂണ് രണ്ടു വരെയും സ്വീകരിക്കും. റെഗുലർ വിദ്യാർഥികൾ 100 രൂപയും, വീണ്ടുമെഴുതുന്നവർ പേപ്പറൊന്നിനു 20 രൂപ വീതവും (പരമാവധി 100 രൂപ) സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
രണ്ടാം സെമസ്റ്റർ ബിഎഡ് സ്പെഷൽ എഡ്യൂക്കേഷൻ ലേണിംഗ് ഡിസെബിലിറ്റി ആൻഡ് ഇന്റലക്ച്വൽ ഡിസെബിലിറ്റി (ക്രഡിറ്റ് ആൻഡ് സെമസ്റ്റർ റെഗുലർ, സപ്ലിമെന്ററി) ഡിഗ്രി പരീക്ഷകൾ ജൂണ് 14ന് ആരംഭിക്കും. അപേക്ഷകൾ ജൂണ് ഒന്നു വരെയും, 50 രൂപ പിഴയോടെ രണ്ടു വരെയും, 500 രൂപ സൂപ്പർഫൈനോടെ അഞ്ചു വരെയും സ്വീകരിക്കും. റെഗുലർ വിദ്യാർഥികൾ 100 രൂപയും, വീണ്ടുമെഴുതുന്നവർ പേപ്പറൊന്നിനു 20 രൂപ വീതവും സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
പരീക്ഷമാറ്റി
ജൂണ് ആറിന് നടത്താൻ നിശ്ചയിച്ചിരുന്ന നാലാം സെമസ്റ്റർ ബിഎ, ബികോം (സിബിസിഎസ്എസ്പ്രൈവറ്റ് രജിസ്ട്രേഷൻ) ഡിഗ്രി പരീക്ഷകൾ ജൂണ് 26 മുതൽ നടത്തുന്നതിനായി പുതുക്കി നിശ്ചയിച്ചു. വിശദമായ ടൈംടേബിൾ പിന്നീട്.
പ്രാക്ടിക്കൽപരീക്ഷ
2017 മാർച്ചിൽ നടത്തിയ മോഡൽ ഒന്ന്, രണ്ട് നാലാം സെമസ്റ്റർ ബിഎസ്സി ഫിസിക്സ് ഇഇഎം, ഇൻസ്ട്രുമെന്റേഷൻ (സിബിസിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കൽ ജൂണ് ഏഴു മുതൽ അതാത് കോളജുകളിൽ നടത്തും.
വിദ്യാർഥികൾ അസൽ ഹാൾ ടിക്കറ്റുമായി പരീക്ഷയ്ക്ക് ഹാജരാകണം. എറണാകുളം സെന്റ് തേരേസാസ് കോളജ്, മഹാരാജാസ് കോളജ് എന്നീ കോളജുകളിലെ സപ്ലിമെന്ററി വിദ്യാർഥികൾ എറണാകുളം സെന്റ് ആൽബർട്സ് കോളജിലും, ചങ്ങനാശേരി എസ്ബി കോളജിലെ സപ്ലിമെന്ററി വിദ്യാർഥികൾ ചങ്ങനാശേരി എൻഎസ്എസ് കോളജിലും പരീക്ഷയ്ക്ക് ഹാജരാകണം. വിശദമായ ടൈംടേബിൾ സർവകലാശാലാ വെബ്സൈറ്റിൽ .
തൃപ്പൂണിത്തുറ ആർഎൽവി കോളജിൽ 2017 മാർച്ചിൽ നടത്തിയ ഒന്നാം വർഷ ബിഎഫ്എ (റെഗുലർ, സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കൽ ജൂണ് അഞ്ചു മുതൽ 13 വരെയും, ഫൈനൽ ഇയർ (റെഗുലർ, സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കൽ ജൂണ് 14 മുതൽ ജൂലൈ ഏഴു വരെയും നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാഫലം
2015 ഒക്ടോബറിൽ നടത്തിയ അവസാന വർഷ എംഎസ്സി ബോട്ടണി (മേഴ്സി ചാൻസ്2001 ന് മുന്പുള്ള അഡ്മിഷൻ) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ ജൂണ് 15 വരെ സ്വീകരിക്കും.
2016 ഓഗസ്റ്റ്, സെപ്റ്റംബർ മാസങ്ങളിൽ നടത്തിയ രണ്ടാം സെമസ്റ്റർ എംഎസ്സി ജിയോളജി (റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ ജൂണ് ആറു വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്സി ജിയോളജി (റെഗുലർ, സപ്ലിമെന്ററി, ഇംപ്രൂവ്മെന്റ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ ജൂണ് ആറു വരെ സ്വീകരിക്കും.
സ്കൂൾ ഓഫ് ബയോസയൻസസിൽ 2017 ജനുവരി മാസത്തിൽ നടത്തിയ മൂന്നാം സെമസ്റ്റർ എംഎസ്സി ബയോകെമിസ്ട്രി, മൈക്രോബയോളജി, ബയോടെക്നോളജി ആൻഡ് ബയോഫിസിക്സ് (റെഗുലർ, റീഅപ്പിയറൻസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
സ്കൂൾ ഓഫ് കംപ്യൂട്ടർ സയൻസിൽ 2017 മാർച്ചിൽ നടത്തിയ മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
പിഎച്ച്ഡി കോഴ്സ് വർക്ക് ഫലം
സ്കൂൾ ഓഫ് ഇന്ത്യൻ ലീഗൽ തോട്ട് 2016 സെപ്റ്റംബറിൽ നടത്തിയ പിഎച്ച്ഡി കോഴ്സ് വർക്ക് (സിഎസ്എസ്) പരീക്ഷാ ഫലം പ്രസിദ്ധീകരിച്ചു.
അപേക്ഷ ക്ഷണിച്ചു
കോളജ് ഡെവലപ്പ്മെന്റ് കൗണ്സിൽ ഡയറക്ടർ, സ്റ്റുഡന്റ് സർവീസ് ഡയറക്ടർ, നാഷണൽ സർവീസ് സ്കീം പ്രോഗ്രാം കോഓർഡിനേറ്റർ എന്നീ തസ്തികകളിൽ നിയമനത്തിന് അന്യത്ര സേവന നിബന്ധനകൾക്കും വ്യവസ്ഥകൾക്കും (ഡെപ്യൂട്ടേഷൻ) വിധേയമായി യൂണിവേഴ്സിറ്റി, കോളജുകളിൽ അധ്യാപകരായി ജോലി ചെയ്യുന്ന യോഗ്യരായ ഉദ്യോഗാർഥികൾക്ക് അപേക്ഷിക്കാം.
യൂണിവേഴ്സിറ്റിയുടെ കീഴിലുള്ള സർക്കാർ, എയ്ഡഡ് കോളജുകളിലെ അധ്യാപകർ യൂണിവേഴ്സിറ്റി സറ്റാറ്റ്യൂട്ട് 1997 അധ്യായം 45 ഖണ്ഡം 20(4) പ്രകാരം അപേക്ഷിക്കണം.
അപേക്ഷയുടെ മുൻകൂർ പകർപ്പും തൊഴിൽ ദായകനിൽ നിന്നുള്ള നിരാക്ഷേപപത്രവും സമർപ്പിക്കണം.
യോഗ്യത, പ്രായം, അപേക്ഷാഫീസ് തുടങ്ങിയ വിശദവിവരങ്ങളും, അപേക്ഷാഫോമും വെബ്സൈറ്റിൽ ലഭ്യമാണ്.
പൂരിപ്പിച്ച അപേക്ഷകൾ ആവശ്യമായ രേഖകൾ സഹിതം രജിസ്ട്രാർ, എംജി സർവകലാശാല, പ്രിയദർശിനി ഹിൽസ്, കോട്ടയം686560 എന്ന വിലാസത്തിൽ 31 ന് മുൻപായി സമർപ്പിക്കണം.