ഇഗ്നോ എംബിഎ പ്രവേശനത്തിന് ഇപ്പോൾ അപേക്ഷിക്കാം
ഇന്ദിരാഗാന്ധി നാഷണൽ ഓപ്പണ് യുണിവേഴ്സ്റ്റിയുടെ (ഇഗ്നോ) ജൂലൈയിൽ ആരംഭിക്കുന്ന എംബിഎ പ്രോഗ്രാമിലേക്ക് 2016 ഒക്ടോബറിലും 2017 ഫെബ്രുവരിയിലും ഇഗ്നോ നടത്തിയ ഓപ്പണ്മാറ്റ് പ്രവേശന പരീക്ഷ പാസായവർക്ക് അപേക്ഷിക്കാം.
പൂരിപ്പിച്ച അപേക്ഷാ ഫോം (ഫോറം2), ഒന്നാം സെമസ്റ്റർ ഫീസ് (ഇഗ്നോയുടെ പേരിലെടുത്ത തിരുവനന്തപുരത്ത് മാറാവുന്ന ഡിമാന്ഡ് ഡ്രാഫ്റ്റ്), ഓപ്പണ്മാറ്റ് റിസൽട്ട് കാർഡ്, യോഗ്യത, പ്രവൃത്തിപരിചയം, സംവരണാനുകൂല്യം മുതലായവ തെളിയിക്കാൻ വേണ്ട സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം 31 നകം തിരുവനന്തപുരം മേഖലാ കേന്ദ്രത്തിൽ സമർപ്പിക്കണം.
ഇഗ്നോയുടെ ജൂലൈ 2017 ൽ ആരംഭിക്കുന്ന അക്കഡെമിക് സെഷനിലേക്കുള്ള വിവിധ പ്രോഗ്രാമുകൾക്കും അഡ്മിഷൻ ആരംഭിച്ചിട്ടുണ്ട്. അപേക്ഷകൾ ഓണ്ലൈനായാണ് സമർപ്പിക്കേണ്ടത്.വിശദവിവരങ്ങൾ onlineadmission.ignou.ac.in ൽ ലഭ്യമാണ്.
വിവരങ്ങൾക്കു ഡയറക്ടർ, ഇഗ്നോ റീജണൽ സെന്റർ, രാജധാനി കോംപ്ലക്സ്, പി. ആർ.എസ്. ഹോസ്പിറ്റലിന് എതിർവശം, കിള്ളിപ്പാലം, കരമന പി.ഒ. തിരുവനന്തപുരം 695002 എന്ന വിലാസത്തിൽ സമീപിക്കാവുന്നതാണ്. ഫോണ് 0471 2344113, 2344120.
ഇമെയിൽ rctrivan drum @ignou.ac.in.
എച്ച്ഡിസി ആൻഡ് ബിഎം കോഴ്സ്
സംസ്ഥാന സഹകരണ യൂണിയന്റെ ആഭിമുഖ്യത്തിൽ 2017 ഓഗസ്റ്റിൽ ആരംഭിക്കുന്ന ഹയർ ഡിപ്ലോമ ഇൻ കോഓപ്പറേഷൻ ആൻഡ് ബിസിനസ് മാനേജ്മെന്റ് കോഴ്സിലേക്ക് അപേക്ഷ ക്ഷണിച്ചു. അപേക്ഷാഫോം താഴെപ്പറയുന്ന സഹകരണ പരിശീലന കോളജുകളിൽ ലഭിക്കും.
സഹകരണ പരിശീലന കോളജ് കുറവൻകോണം, കവടിയാർ പി.ഒ, തിരുവനന്തപുരം (ഫോണ് : 0471 2436689), കൊട്ടാരക്കര, അവണൂർ പി.ഒ (0474 2454787), ദീപിക ജംഗ്ഷൻ, ചേർത്തല (0478 2813070), എൻഎസ്എസ് കരയോഗ മന്ദിരം, ആറന്മുള (0468 2278140), തിരുനക്കര, കോട്ടയം (0481 2582852), മീനച്ചൽ കോംപ്ലക്സ്, മാർക്കറ്റ് ജംഗ്ഷൻ, പാലാ (0482 2213107), നോർത്ത് പറവൂർ, എറണാകുളം (0484 2447866), അയ്യന്തോൾ, തൃശൂർ (0487 2389402), വിക്ടോറിയ കോളജ് റോഡ്, പാലക്കാട് (0491 2522946), തിരൂർ സഹകരണ ഭവൻ, മാവുംകുന്ന്, തിരൂർ, മലപ്പുറം (0494 2423929), തളി, കോഴിക്കോട് (0495 2306460), മണ്ണയാട്, തലശേരി (0490 2354065), കോട്ടാച്ചേരി കോഓപ്പറേറ്റീവ് ബാങ്ക് ബിൽഡിംഗ്, കോട്ടാച്ചേരി, കാഞ്ഞങ്ങാട് (0467 2217330) എന്നിവിടങ്ങളിൽ ലഭിക്കും.
അപേക്ഷാഫോം 100 രൂപയ്ക്കു നേരിട്ടും മണിയോർഡർ മുഖേന130 രൂപയ്ക്കും പട്ടികജാതി/വർഗ വിഭാഗക്കാർക്ക് 50 രൂപയ്ക്കും മണിയോർഡർ മുഖേന 80 രൂപയ്ക്കും അതത് സഹകരണ പരിശീലന കോളജ് പ്രിൻസിപ്പൽമാരിൽ നിന്നു ലഭിക്കും. മണിയോർഡർ ജൂണ് 23 വരെ സ്വീകരിക്കും.
പൂരിപ്പിച്ച അപേക്ഷകൾ പ്രിൻസിപ്പൽമാർക്ക് ജൂണ് 30 വൈകുന്നേരം അഞ്ചിനകം ലഭിക്കണം.