സ്പോര്ട്സ് ക്വോട്ട സ്പെഷല് അലോട്ട്മെന്റ് അഡ്മിഷന്
തിരുവനന്തപുരം: സ്പോര്ട്സ് ക്വോട്ട അഡ്മിഷനായുളള രണ്ടാമത്തെ സ്പെഷൽ അലോട്ട്മെന്റ് ഫലം ഇന്നു രാവിലെ 10ന് പ്രസിദ്ധീകരിക്കും. www.hsc ap.kerala.gov.in ല് Sports Allotment Results എന്ന ലിങ്കിലൂടെ എട്ട് അക്കങ്ങളുളള സ്പോര്ട്സ് അപേക്ഷാ നമ്പരും ജനനതീയതിയും നല്കി ജില്ല സെലക്ട് ചെയ്ത് ഫലം പരിശോധിക്കാം. അലോട്ട്മെന്റ് ലഭിച്ച വിദ്യാര്ഥികള് ലിങ്കില് നിന്നു ലഭിക്കുന്ന രണ്ട് പേജുളള അലോട്ട്മെന്റ് ലൈറ്ററിന്റെ പ്രിന്റൗട്ടെടുത്ത് സ്പോര്ട്സ് കൗണ്സിലില് നിന്നു നല്കിയ സ്കോര്കാര്ഡ്, അസല് സര്ട്ടിഫിക്കറ്റുകള് (യോഗ്യത തെളിയിക്കുന്ന സര്ട്ടിഫിക്കറ്റ്, വിടുതല് സര്ട്ടിഫിക്കറ്റ്, സ്വഭാവ സര്ട്ടിഫിക്കറ്റ്, സ്പോര്ട്സ് മികവു തെളിയിക്കുന്ന സര്ട്ടിഫിക്കറ്റുകള്) സഹിതം അലോട്ട്മെന്റ് ലഭിച്ച സ്കൂളില് പ്രവേശനത്തിനായി ഇന്നു രാവിലെ 10 മുതല് ഹാജരാകണം.
ഒന്നാം അലോട്ട്മെന്റില് താത്കാലിക പ്രവേശനം നേടിയ വിദ്യാര്ഥികള്ക്ക് ഈ അലോട്ട്മെന്റില് ഉയര്ന്ന ഓപ്ഷനില് അലോട്ട്മെന്റ് ലഭിച്ചവര് അതത് സ്കൂളുകളില് ഫീസടച്ച് 26ന് വൈകുന്നേരം അഞ്ചിനുളളില് സ്ഥിര പ്രവേശനം നേടണമെന്ന് ഹയര്സെക്കൻഡറി ഡയറക്ടര് അറിയിച്ചു.