ബിരുദ ഏകജാലകത്തിൽ പട്ടിക ജാതി, പട്ടിക വർഗ രണ്ടാം പ്രത്യേക അലോട്ട്മെന്റിൽ യോഗ്യത നേടിയവർ ഇന്നു വൈകുന്നേരം നാലിനു മണിക്കു മുന്പായി പ്രവേശനം നേടണം.
സർവകലാശാലാ ഏകജാലകം വഴി 2017ൽ ബിരുദ പ്രവേശനത്തിനുള്ള പട്ടിക ജാതി, പട്ടിക വർഗ വിഭാഗത്തിൽപ്പെട്ടവർക്കായുള്ള പ്രത്യേക അലോട്ട്മെന്റ് ലഭിച്ചവർ അലോട്ട്മെന്റ് മെമ്മോയുടെ പ്രിന്റൗട്ട് എടുത്ത് ഓണ്ലൈനായി സർവകലാശാല അക്കൗണ്ടിൽ വരേണ്ട ഫീസടച്ചു ഇന്നു വൈകുന്നേരം നാലിനു മുൻപായി അലോട്ട്മെന്റ് ലഭിച്ച കോളജിൽ യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം ഹാജരായി പ്രവേശനം നേടണം. ഇന്നു വൈകുന്നേരം നാലിനു മുൻപായി ഫീസ് അടക്കാത്തവരുടെയും ഫീസടച്ചശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. പട്ടിക ജാതി, വർഗ വിഭാഗത്തിൽപ്പെട്ടവർക്കായുള്ള രണ്ടാം പ്രത്യേക അലോട്ട്മെന്റിൽ പ്രവേശനത്തിനർഹത നേടിയ അപേക്ഷകർ തങ്ങൾക്ക് അലോട്ട്മെന്റ് ലഭിച്ച കോളജുകളിൽ പ്രവേശനം നേടുന്നപക്ഷം ഓണ്ലൈനായി യൂണിവേഴ്സിറ്റി ഫീസും, ട്യൂഷൻ ഫീസും അടച്ച് പ്രവേശനം നേടണം. മൂൻ അലോട്ട്മെന്റുകളിൽ താത്കാലിക പ്രവേശനമെടുത്ത എസ് സി, എസ്ടി വിഭാഗമുൾപ്പെടെ എല്ലാ അപേക്ഷകരും അലോട്ട്മെന്റ് ലഭിച്ച കോളജുകളിൽ ഇന്നു വൈകുന്നേരം നാലിനു മുൻപായി സ്ഥിര പ്രവേശനം നേടാത്തപക്ഷം അത്തരം അപേക്ഷകരുടെ അലോട്ട്മെന്റ് റദ്ദാക്കും.
പട്ടിക ജാതി, പട്ടിക വർഗ വിഭാഗക്കാർക്കായുള്ള രണ്ടാം പ്രത്യേക അലോട്ട്മെന്റിനു ശേഷം മൂന്നാമതായി നടത്തപ്പെടുന്ന അലോട്ട്മെന്റിലേക്ക് 20, 21 തീയതികളിൽ പുതുതായി ഓപ്ഷൻ രജിസ്ട്രേഷൻ അനുവദിക്കും. മൂന്നാം അലോട്ട്മെന്റിൽ പരിഗണിക്കപ്പെടുന്നതിനായി ഇത്തരം അപേക്ഷകര വീണ്ടും ഓപ്ഷനുകൾ രജിസ്റ്റർ ചെയ്യണം.
ബിപിഎഡ്, ബിഎൽഐ, എസ്സി: ഓണ്ലൈൻ രജിസ്ട്രേഷൻ 24 മുതൽ
സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിൽ ഏകജാലകം വഴിയുള്ള ഒന്നാം വർഷ ബിപിഎഡ്, ബിഎൽഐ, എസ്സി പ്രോഗ്രാമുകളിൽ പ്രവേശനത്തിന് ഓണ്ലൈൻ രജിസ്ട്രേഷൻ 24 മുതൽ ആരംഭിക്കും. സർവകലാശാല നേരിട്ട് ഏകജാലക സംവിധാനത്തിലൂടെ മെറിറ്റ് സീറ്റുകളിലേക്കും, എസ്.സി, എസ്ടി, എസ്ഇബിസി സംവരണ സീറ്റുകളിലേക്കുമുള്ള അലോട്ട്മെന്റ് നടത്തും.
ഓണ്ലൈൻ രജിസ്ട്രേഷൻ വെബ്സൈറ്റിൽ നടത്താം. ’അക്കൗണ്ട് ക്രിയേഷൻ’ എന്ന ലിങ്കിൽ ക്ലിക്ക് ചെയ്ത് അപേക്ഷകന്റെ പേര്, ഇമെയിൽ വിലാസം, ജനനതീയതി, സംവരണ വിഭാഗം എന്നീ വ്യക്തിഗത വിവരങ്ങൾ നൽകി പാസ്വേഡ് സൃഷ്ടിച്ചശേഷം ഓണ്ലൈനായി നിശ്ചിത ആപ്ലിക്കേഷൻ ഫീ അടയ്ക്കണം. അപേക്ഷാ ഫീസ് പൊതുവിഭാഗത്തിന് 1000 രൂപയും എസ്സി, എസ്ടി വിഭാഗത്തിന് 500 രൂപയുമാണ്. ഇത്തരത്തിൽ അപേക്ഷാഫീസ് ഒടുക്കിയാൽ മാത്രമേ അപേക്ഷകന്റെ അക്കൗണ്ട് പ്രവർത്തനക്ഷമമാകുകയുള്ളൂ. അപേക്ഷകന്റെ ആപ്ലിക്കേഷൻ നന്പരായിരിക്കും ലോഗിൻ ഐഡി ഓണ്ലൈനായി ഫീസ് അടച്ചശേഷം അപേക്ഷകന്റെ വ്യക്തിഗത അക്കാദമിക വിവരങ്ങൾ നൽകേണ്ടതും വിശദമായ പരിശോധനകൾക്ക് ശേഷം ആപ്ലിക്കേഷൻ സബ്മിറ്റ് ചെയ്യണം. ഓണ്ലൈൻ രജിസ്ട്രേഷൻ 31 വരെ നടത്താം. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിൽ സമർപ്പിക്കേണ്ടതില്ല.
അലോട്ട്മെന്റ് 31നു നടത്തും. ഓണ്ലൈനായാണ് ഫീസ് അടക്കേണ്ടത്. ഏതു ബാങ്കിന്റെയും ഡെബിറ്റ്/ക്രഡിറ്റ് കാർഡുകളോ, നെറ്റ് ബാങ്കിംഗ് സൗകര്യമോ ഉപയോഗിച്ച് ഫീസ് അടയ്ക്കാം.
മാനേജ്മെന്റ്, കമ്മ്യൂണിറ്റി, സ്പോർട്സ്, കൾച്ചറൽ ക്വോട്ട, വികലാംഗ സംവരണ സീറ്റുകൾ എന്നിവയിലേക്ക് അപേക്ഷിക്കുന്നവർ പ്രവേശനം ആഗ്രഹിക്കുന്ന കോളജുകളിൽ തന്നെ നേരിട്ട് അപേക്ഷ സമർപ്പിക്കണം. ലക്ഷദ്വീപിൽ നിന്നുള്ള അപേക്ഷകർക്കായി ഓരോ കോളജിലും സീറ്റുകൾ സംവരണം ചെയ്തിട്ടുണ്ട്.
ലക്ഷദ്വീപ്നിവാസികളായ പ്രവേശനം ആഗ്രഹിക്കുന്നവർ കോളജുകളിൽ തന്നെ നേരിട്ട് അപേക്ഷ സമർപ്പിക്കണം. എൻആർഐ, വികലാംഗ, സ്പോർട്സ്, കൾച്ചറൽ, സ്റ്റാഫ് േേക്വാട്ട വിഭാഗത്തിന് സംവരണം ചെയ്ത സീറ്റുകളിലേക്ക് അപേക്ഷ സമർപ്പിക്കുന്നവർ പ്രവേശനം ആഗ്രഹിക്കുന്ന കോളജുകളിൽ 25 നകം നേരിട്ട് അപേക്ഷ സമർപ്പിക്കണം. സ്പോർട്സ്, കൾച്ചറൽ, വികലാംഗ സംവരണ സീറ്റുകളിലേക്കും മാനേജ്മെന്റ്, കമ്മ്യൂണിറ്റി ക്വാട്ടാ സീറ്റുകളിലേക്കുമുള്ള പ്രവേശനം സംബന്ധിച്ച സർവകലാശാലാ വിജ്ഞാപനം വെബ്സൈറ്റിൽ പ്രസിദ്ധീകരിച്ചു്. കോളജധികൃതർ വിജ്ഞാപനത്തിലുള്ള തീയതികൾക്കനുസൃതമായിതന്നെ പ്രവേശന നടപടികൾ പൂർത്തീകരിക്കണം. കോളജധികൃതർ തങ്ങളുടെ ഇമെയിൽ ദിവസേന പരിശോധിക്കണം. ഹെൽപ്പ് ലൈൻ നന്പർ : 0481 6555563.
പരീക്ഷാത്തീയതി
അഫിലിയേറ്റഡ് കോളജുകളിലെ ഒന്പതാം സെമസ്റ്റർ ബിഎ എൽഎൽബി (ക്രിമിനോളജി 2015 ന് മുന്പുള്ള അഡ്മിഷൻ റെഗുലർ, 2011 അഡ്മിഷൻ സപ്ലിമെന്ററി) ഡിഗ്രി പരീക്ഷകൾ ഓഗസ്റ്റ് 16 ന് ആരംഭിക്കും. അപേക്ഷകൾ 27 വരെയും, 50 രൂപ പിഴയോടെ 28 വരെയും, 500 രൂപ സൂപ്പർഫൈനോടെ 31 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതം (പരമാവധി 100) സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
പ്രാക്ടിക്കൽ പരീക്ഷ
2017 മേയ്, ജൂണ് മാസങ്ങളിൽ നടത്തിയ നാലാം സെമസ്റ്റർ എംഎസ്സി ഇലക്ട്രോണിക്സ് ഡിഗ്രി പരീക്ഷയുടെ പ്രാക്ടിക്കൽ 25 മുതൽ അതാത് കോളജുകളിൽ നടത്തും.
2017 മേയിൽ നടത്തിയ ഒന്നാം സെമസ്റ്റർ ബിവോക് റിന്യൂവബിൾ എനർജി ഡിഗ്രി പരീക്ഷകളുടെ പ്രാക്ടിക്കൽ 25 മുതൽ 27 വരെ കാലടി ശ്രീ ശങ്കര കോളജിൽ നടത്തും. എറണാകുളം സെന്റ് ആൽബർട്സ് കോളജിലെ സപ്ലിമെന്ററി വിദ്യാർഥികളും ശ്രീ ശങ്കര കോളജിൽത്തന്നെ പരീക്ഷ എഴുതണം. വിശദമായ ടൈംടേബിൾ സർവകലാശാലാ വെബ് സൈറ്റിൽ.
പരീക്ഷാഫലം
2016 ഫെബ്രുവരിയിൽ നടത്തിയ നാലാം സെമസ്റ്റർ ബിഎ ക്രിമിനോളജി എൽഎൽബി (ഓണേഴ്സ്), ബികോം എൽഎൽബി (ഓണേഴ്സ്) എന്നീ ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ 29 വരെ സ്വീകരിക്കും.
2016 ഫെബ്രുവരിയിൽ നടത്തിയ നാലാം സെമസ്റ്റർ പഞ്ചവത്സര ബിബിഎ എൽഎൽബി ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ 29 വരെ സ്വീകരിക്കും.
2017 മാർച്ചിൽ നടത്തിയ ഒന്നാം സെമസ്റ്റർ മാസ്റ്റർ ഓഫ് സയൻസ് ഇൻ ബയോമെഡിക്കൽ ഇൻസ്ട്രുമെന്റേഷൻ (പുതിയ സ്കീം 2016 അഡ്മിഷൻ), മാസ്റ്റർ ഓഫ് അപ്ലൈഡ് സയൻസ് ഇൻ ബയോമെഡിക്കൽ ഇൻസ്ട്രുമെന്റേഷൻ (പഴയ സ്കീം സപ്ലിമെന്ററി) എന്നീ ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കുള്ള അപേക്ഷകൾ 31 വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎ സോഷ്യോളജി (സിഎസ്എസ് റെഗുലർ, സപ്ലിമെന്ററി, ഇംപ്രൂവ്മെന്റ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ 25 വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎ മ്യൂസിക്, വോക്കൽ, വീണ, വയലിൻ, ഭരതനാട്യം, മൃദംഗം (റെഗുലർ, ഇംപ്രൂവ്മെന്റ്, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ ഓഗസ്റ്റ് ഒന്നു വരെ സ്വീകരിക്കും.
2015 ഒക്ടോബറിൽ നടത്തിയ എംഎ ചരിത്രം (പ്രൈവറ്റ് പ്രിവിയസ് ആൻഡ് ഫൈനൽ, മേഴ്സിചാൻസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ 29 വരെ സ്വീകരിക്കും.
സംവരണ സീറ്റൊഴിവ്
സ്കൂൾ ഓഫ് എൻവയോണ്മെന്റൽ സയൻസസിൽ എംഎസ്സി കോഴ്സിന് എൻവയോണ്മെന്റ് സയൻസ് ആൻഡ് ഡിസാസ്റ്റർ മാനേജ്മെന്റ് വിഷയത്തിൽ പട്ടികവർഗ സംവരണത്തിൽ ഒരു സീറ്റൊഴിവുണ്ട്. താത്പര്യമുള്ളവർ 20നു രാവിലെ 11നു എല്ലാ അസൽ സർട്ടിഫിക്കറ്റുകൾ സഹിതം സ്കൂൾ ഡയറക്ടർ മുന്പാകെ ഹാജരാകണം. തെരഞ്ഞെടുക്കപ്പെടുന്നവർ 1250/ രൂപ കോഷൻ ഡെപ്പോസിറ്റായി അടയ്ക്കണം.
സർവകലാശാലാ സ്കൂൾ ഓഫ് സോഷ്യൽ സയൻസസിൽ 2017 18 അധ്യയന വർഷത്തിൽ എംഎ ആന്ത്രോപോളജി പ്രോഗ്രാമിൽ എസ്സി വിഭാഗത്തിനും എസ്ടി വിഭാഗത്തിനും ഒരോ സീറ്റു വീതവും, എംഎ ഹിസ്റ്ററി പ്രോഗ്രാമിന് എസ്ടി വിഭാഗത്തിൽ ഒരു സീറ്റും ഒഴിവുണ്ട്. യോഗ്യതയുള്ളവർ 21നു കോട്ടയം പുല്ലരിക്കുന്നിലുള്ള സ്കൂൾ ഓഫ് സോഷ്യൽ സയൻസസിൽ എല്ലാ അസൽ സർട്ടിഫിക്കറ്റുകളുമായി ഹാജരാകണം. 0481 2392383.
സ്കൂൾ ഓഫ് മാനേജ്മെന്റ് ആൻഡ് ബിസിനസ് സ്റ്റഡീസിൽ 201719 വർഷത്തേയ്ക്കുള്ള എംബിഎ കോഴ്സിൽ എസ്സി വിഭാഗത്തിനും എസ്ടി വിഭാഗത്തിനും അഞ്ചു സീറ്റ് വീതം ഒഴിവുണ്ട്. ബിരുദ യോഗ്യത നേടിയ വിദ്യാർഥികൾ 25 ന് രാവിലെ 9.30 നു അസൽ സർട്ടിഫിക്കറ്റുകൾ സഹിതം സ്കൂൾ ഡയറക്ടർ മുന്പാകെ ഹാജരാകണം. 0481 2732288.