എൻജിനിയറിംഗ്/ആർക്കിടെക്ചർ/ഫാർമസി: മൂന്നാംഘട്ട അലോട്ട്മെന്റ് ലിസ്റ്റ് പ്രസിദ്ധീകരിച്ചു
തിരുവനന്തപുരം: പ്രഫഷണൽ ഡിഗ്രി കോഴ്സുകളിലേക്കുള്ള മൂന്നാംഘട്ട അലോട്ട്മെന്റിൽ എൻജിനിയറിംഗ്, ആർക്കിടെക്ചർ, ഫാർമസി കോഴ്സുകളിലേക്കുള്ള അലോട്ട്മെന്റ് ലഭിച്ച ശേഷം നിശ്ചിത സമയത്തിനകം കോളജുകളിൽ പ്രവേശനം നേടിയവരുടെ കോളജ് തിരിച്ചുള്ള ലിസ്റ്റ് വെബ്സൈറ്റിൽ പ്രസിദ്ധീകരിച്ചിട്ടുണ്ട്.
അഡ്മിഷൻ വിവരങ്ങൾ വിദ്യാർഥികളുടെ പ്രൊഫൈൽ പേജിലും ദൃശ്യമാണ്. വിദ്യാർഥികൾ മേൽപറഞ്ഞ ലിസ്റ്റ്/പ്രൊഫൈൽ പരിശോധിച്ച് അഡ്മിഷൻ സംബന്ധിച്ച വിവരങ്ങൾ ശരിയാണെന്നു ബോധ്യപ്പെടണം. ഇതു സംബന്ധിച്ച് ഏതെങ്കിലും പരാതികൾ ഉള്ളവർ ഇന്നു വൈകുന്നേരം അഞ്ചിനു മുമ്പായി പ്രവേശന പരീക്ഷാ കമ്മീഷണറുടെ കാര്യാലയത്തിൽ ഇമെയിൽ മുഖാന്തിരം അറിയിക്കേണ്ടതാണ്.
സ്വകാര്യ സ്വാശ്രയ എൻജിനിയറിംഗ്/ആർകിടെക്ചർ കോളജുകളിലേക്കും സ്വാശ്രയ ഫാർമസി കോളജുകളിലേക്കുമുള്ള പ്രവേശന നടപടികൾ ഇതോടുകൂടി പൂർത്തിയായിട്ടുണ്ട്.