യോഗ്യതാ പരീക്ഷയുടെ മാർക്ക് സമർപ്പിക്കണം
തിരുവനന്തപുരം : കേരളത്തിലെ സർക്കാർ നിയന്ത്രിത സ്വാശ്രയ /സ്വകാര്യ സ്വാശ്രയ എൻജിനിയറിംഗ് കോളജുകളിലെ ഒഴിവുള്ള സീറ്റുകളിൽ പ്രവേശനം നടത്തുന്നതിനായി ഒരു സപ്ലിമെന്ററി എൻജിനിയറിംഗ് റാങ്ക് ലിസ്റ്റ് തയാറാക്കുന്നതിനു പ്രവേശന പരീക്ഷാ കമ്മീഷണറെ ചുമതലപ്പെടുത്തി. യോഗ്യതാ പരീക്ഷയുടെ മാർക്ക് നിശ്ചിത സമയത്തിനകം സമർപ്പിക്കാത്തതിനാൽ എൻജിനിയറിംഗ് റാങ്ക് ലിസ്റ്റിൽ ഉൾപ്പെടാൻ കഴിയാതിരുന്നവർക്ക് പുതുതായി തയാറാക്കുന്ന സപ്ലിമെന്ററി എൻജിനിയറിംഗ് റാങ്ക് ലിസ്റ്റിൽ ഉൾപ്പെടുന്നതിനായി യോഗ്യതാ പരീക്ഷയുടെ മാർക്ക് വിവരങ്ങൾ ഓണ്ലൈനായി സമർപ്പിക്കാം. മാർക്ക് വിവരങ്ങൾക്ക് www.cee.kerala.gov.in എന്ന വെബ്സൈറ്റിൽ 29 മുതൽ ഓഗസ്റ്റ് ഒന്നിനു വൈകുന്നേരം അഞ്ച് വരെ സൗകര്യം ലഭ്യമാക്കും.