ബാങ്ക് ടെസ്റ്റ്: സർവകലാശാലയിൽ സൗജന്യ പരിശീലനം ആരംഭിച്ചു
തേഞ്ഞിപ്പലം: ബാങ്ക് നിയമന മത്സരപരീക്ഷകൾക്കായി കാലിക്കട്ട് സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ പരിശീലന പരിപാടി ആരംഭിച്ചു. പരീക്ഷാ കണ്ട്രോളർ ഡോ.വി.വി. ജോർജുകുട്ടി ഉദ്ഘാടനം ചെയ്തു. 28 ദിവസത്തെ സൗജന്യ പരിശീലന പരിപാടിയിൽ സോഫ്റ്റ് സ്കിൽ ട്രെയിനിംഗും ഉൾപ്പെടുത്തിയിട്ടുണ്ട്. ഗൈഡൻസ് ബ്യൂറോ ചീഫ് ഡോ.സി.സി. ഹരിലാൽ അധ്യക്ഷനായിരുന്നു. മലപ്പുറം ജില്ലാ എംപ്ലോയ്മെന്റ് ഓഫീസർ എ. അബ്ദുസമദ്, മുൻ ഉപമേഖലാ എംപ്ലോയ്മെന്റ് ഓഫീസർ എ.കെ. ജനാർദ്ദനൻ, ബ്യൂറോ ഡെപ്യൂട്ടി ചീഫ് എൻ.വി. സമീറ, ടി.എൻ.ശ്രീകേഷ് എന്നിവർ പ്രസംഗിച്ചു.