പ്ലസ് വണ് സ്കൂള് മാറ്റത്തിന് 25 നകം അപേക്ഷിക്കാം
തിരുവനന്തപുരം: പ്ലസ് വണ് മൂന്നാം സപ്ലിമെന്ററി അലോട്ട്മെന്റിനുശേഷമുള്ള ഒഴിവുകളില് ജില്ല/ജില്ലാന്തര സ്കൂള്/കോമ്പിനേഷന് ട്രാന്സ്ഫര് അലോട്ട്മെന്റ് www.hscap.kerala.gov.inല് പ്രസിദ്ധീകരിച്ചു.
ഏകജാലക സംവിധാനത്തില് മെരിറ്റ് ക്വോട്ടയിലോ സ്പോര്ട്സ് ക്വോട്ടയിലോ ഒന്നാം ഓപ്ഷനിലാണ് പ്രവേശനം നേടിയതെങ്കിലും മാറ്റത്തിന് അപേക്ഷിക്കാം. ജില്ലയ്ക്കകത്തോ/മറ്റ് ജില്ലയിലേക്കോ സ്കൂള് മാറ്റത്തിനോ കോമ്പിനേഷന് മാറ്റത്തോടെയുള്ള സ്കൂള് മാറ്റത്തിനോ നിശ്ചിത മാതൃകയിലുള്ള അപേക്ഷ, അഡ്മിഷന് നേടിയ സ്കൂളില് 25ന് ഉച്ചയ്ക്ക് രണ്ടിനുള്ളില് സമര്പ്പിക്കണം.
വിവിധ അലോട്ട്മെന്റുകളില് അപേക്ഷിച്ചിട്ടും ലഭിക്കാത്തവര്ക്ക് പ്രവേശനം സാധ്യമാകുന്ന വിധം ട്രാന്സ്ഫറിനു ശേഷമുള്ള വേക്കന്സിയും അപേക്ഷാ സമര്പ്പണത്തിന്റെ വിശദാംശങ്ങളും 29 ന് വെബ്സൈറ്റില് പ്രസിദ്ധീകരിക്കും.