കൊച്ചിൻ ഷിപ്യാർഡിൽ മറൈൻ എൻജിനിയറിംഗ് ട്രെയിനിംഗ് കോഴ്സ്
രാജ്യത്തെ പ്രമുഖ കപ്പൽ നിർമാണ ശാലയായ കൊച്ചിൻ ഷിപ്യാർഡിന്റെ പ്രധാന പരിശീലന പരിപാടിയാണ് ഒരു വർഷത്തെ മറൈൻ എൻജിനിയറിംഗ് ട്രെയിനിംഗ് കോഴ്സ്. ഡയറക്ടർ ജനറൽ ഓഫ് ഷിപ്പിംഗിന്റെ അംഗീകാരമുള്ള കോഴ്സിലേക്ക് വർഷത്തിൽ രണ്ടു തവണ പ്രവേശനം നൽകുന്നു.
ജനുവരിയിലും ഓഗസ്റ്റിലുമാണു കോഴ്സ് ആരംഭിക്കുന്നത്. ജനുവരിയിൽ 108 വിദ്യാർഥികൾക്കും ഓഗസ്റ്റിൽ 32 വിദ്യാർഥികൾക്കും അഡ്മിഷൻ നൽകും. ജനുവരി ബാച്ചിലേക്ക് നവംബർ 15നകവും ഓഗസ്റ്റ് ബാച്ചിലേക്ക് ജൂലൈ ഒന്നിനകവും അപേക്ഷിക്കണം. ഇതിൽ ജനുവരി ബാച്ചിലേക്കാണ് ഇപ്പോൾ അപേക്ഷിക്കാവുന്നത്.
കോഴ്സ് ഫീസ് മൂന്നു ലക്ഷം രൂപ. പെണ്കുട്ടികൾക്ക് 2,20,000 രൂപ മതി.
കോഴ്സിന് മെക്കാനിക്കൽ, നേവൽ ആർക്കിടെക്ചർ കോഴ്സുകളിൽ 50 ശതമാനം മാർക്കോടെ ബിടെക് പാസായവർക്ക് അപേക്ഷിക്കാം. പ്ലസ്ടു തലത്തിൽ ഇംഗ്ലീഷിന് 50 ശതമാനം മാർക്കും നേടിയിരിക്കണം.
അപേക്ഷകർക്ക് 2018 ജനുവരി ഒന്നിന് 28 വയസ് കവിയരുത്. അപേക്ഷ സമർപ്പിക്കേണ്ട അവസാന തീയതി നവംബർ 15.
മർച്ചന്റ് ഷിപ്പുകളിൽ ജൂണിയർ മറൈൻ എൻജിനിയറായി നിയമനം ലഭിക്കുന്നതിനുള്ള യോഗ്യതയാണു മറൈൻ എൻജിനിയറിംഗ് ട്രെയിനിംഗ് കോഴ്സ്.
ഷിപ്പിംഗ് കന്പനികൾ സ്പോണ്സർ ചെയ്യുന്നവർക്കാണു മുൻഗണന. സ്പോണ്സർമാരില്ലാത്തവരുടെ വിഭാഗത്തിലേക്ക് യോഗ്യതാ പരീക്ഷയിലെ മാർക്കിന്റെ അടിസ്ഥാനത്തിലാണു തെരഞ്ഞെടുപ്പ്.
കൂടുതൽ വിവരങ്ങൾക്ക്: ഹെഡ് ഓഫ് ഡിപ്പാർട്ട്മെന്റ്, മറൈൻ എൻജിനിയറിംഗ് ട്രെയിനിംഗ് ഇൻസ്റ്റിറ്റ്യൂട്ട്, കൊച്ചിൻ ഷിപ്യാർഡ്, കൊച്ചി682 015.ഫോണ്: 04842501437/2501223, 0934929961 2. www.cochinsh ipyard.com.