വെല്ലൂരിൽ എംഎസ്സി നഴ്സിംഗ്
വെല്ലൂരിലെ ക്രിസ്ത്യൻ മെഡിക്കൽ കോളജിൽ രണ്ടു വർഷത്തെ എംഎസ്സി നഴ്സിംഗ്, പോസ്റ്റ് ബേസിക് ബിഎസ്സി നഴ്സിംഗ്, ഒരു വർഷത്തെ പോസ്റ്റ് ബേസിക് ഡിപ്ലോമ ഇൻ നഴ്സിംഗ്, ഫെലോഷിപ് കോഴ്സുകൾക്ക് അപേക്ഷിക്കാം.
യോഗ്യത
എംഎംഎസ്സി നഴ്സിംഗ്: 55 ശതമാനം മാർക്കോടെ ബിഎസ്സി നഴ്സിംഗ് പാസായവർക്ക് അപേക്ഷിക്കാം. ഒരു വർഷത്തെ പ്രവർത്തി പരിചയം ഉണ്ടായിരിക്കണം.രണ്ടു സ്പെഷാലിറ്റിയിലേക്കു വരെ അപേക്ഷിക്കാം.
പോസ്റ്റ് ബേസിക് ബിഎസ്സി നഴിസിംഗ്: 1986നു മുന്പു പ്ലസ്ടു പാസാകുകയും ജനറൽ നഴ്സിംഗിൽ ഡിപ്ലോമ നേടുകയും ചെയ്തവർക്ക് അപേക്ഷിക്കാം.
പോസ്റ്റ് ബേസിക് ബിഎസ്സിനഴ്സിംഗ്: ജനറൽ നഴ്സിംഗിൽ ഡിപ്ലോമ നേടുകയും 2018 സെപ്റ്റംബർ ഒന്നിനു മുന്പ് ഒരു വർഷത്തെ പ്രവൃത്തി പരിചയം ഉണ്ടായിരിക്കുകയും വേണം.
ഫെലോഷിപ്: ബിഎസ്സി നഴ്സിംഗ് പാസായി 2018 സെപ്റ്റംബർ ഒന്നിനു മുന്പ് ഒരു വർഷത്തെ പ്രവൃത്തി പരിചയം നേടുകയും ചെയ്തവരായിരിക്കണം അപേക്ഷകർ.
ജനുവരി 15നകം ഓണ്ലൈനായി അപേക്ഷിക്കണം. അഡ്മിനിസ്ട്രേറ്റീവ്, രജിസ്ട്രേഷൻ ഫീസുകൾ അപേക്ഷയോടൊപ്പം നൽകണം. ഫെബ്രുവരി 23നു നടത്തുന്ന കംപ്യൂട്ടർ അധിഷ്ഠിത പ്രവേശന പരീക്ഷയുടെയും തുടർന്നു നടക്കുന്ന അഭിമുഖത്തിന്റെയും അടിസ്ഥാനത്തിലാണ് അഡ്മിഷൻ.
സ്പോണ്സർഷിപ് വിഭാഗത്തിലുള്ളവർ ജനുവരി 19നകം അതു സംബന്ധിച്ച സർട്ടിഫിക്കറ്റ് നൽകണം.വെല്ലൂർ ക്രിസ്ത്യൻ മെഡിക്കൽ കോളജ് അസോസിയേഷനിൽ അംഗത്വമുള്ള ക്രിസ്ത്യൻ സംഘടനകൾക്കും അഗങ്ങൾക്കും വിദ്യാർഥികളെ സ്പോണ്സർ ചെയ്യാം.
(ഉദാ. സിഎസ്ഐയുടെ ഉത്തര, മധ്യ, ദക്ഷിണ കേരള മഹാഇടവകകൾ, മാർത്തോമാ സിറിയൻ ചർച്ച്, മലങ്കര യാക്കോബായ സിറിയൻ ഓർത്തഡോക്സ് ചർച്ച്, മലങ്കര ഓർത്തഡോക്സ് സിറിയൻ ചർച്ച് എന്നിവ).വിവരങ്ങൾക്ക്: admi ssi ons.cmcvellore. ac.in.