അപേക്ഷാ തീയതി നീട്ടി
ഒന്നാം സെമസ്റ്റർ യുജി (സിബിസിഎസ്എസ് റെഗുലർ 2017 അഡ്മിഷൻ, 2013 മുതൽ 2016 വരെ അഡ്മിഷൻ സപ്ലിമെന്ററി) പരീക്ഷകളുടെ അപേക്ഷകൾ ജനുവരി ആറു വരെയും 50 രൂപ പിഴയോടെ ഒന്പതു വരെയും 500 രൂപ സൂപ്പർഫൈനോടെ 11 വരെയും സ്വീകരിക്കും. 20132014 അഡ്മിഷൻ സപ്ലിമെന്ററി അപേക്ഷകൾ സർവകലാശാലാ ഓഫീസിൽ നേരിട്ടും 2015, 2016, 2017 അഡ്മിഷൻകാരുടെ അപേക്ഷകൾ കോളജ് പോർട്ടലിലൂടെ ഓണ്ലൈനായും സമർപ്പിക്കണം്.
പരീക്ഷാഫലം
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി കംപ്യൂട്ടർ സയൻസ് (റെഗുലർ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി ആറു വരെ അപേക്ഷിക്കാം.
2017 മേയിൽ നടത്തിയ നാലാം സെമസ്റ്റർ എംഎ ചരിത്രം റെഗുലർ, ഇംപ്രൂവ്മെന്റ്, സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. ചങ്ങനാശേരി അസംപ്ഷൻ കോളജിലെ സുജ വർഗീസ്, ആലുവ യുസി കോളജിലെ രാധികാ ലാൽ, നെടുങ്കണ്ടം എംഇഎസ് കോളജിലെ അഞ്ജു വിജയൻ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി ആറു വരെ അപേക്ഷിക്കാം.