ഖരഗ്പൂർ ഐഐടിയിൽ ബൗദ്ധിക സ്വത്തവകാശത്തിൽ എൽഎൽബി
ഖരഗ്പൂർ ഐഐടിയുടെ കീഴിലുള്ള രാജീവ് ഗാന്ധി സ്കൂൾ ഓഫ് ഇന്‍റലക്ച്വൽ പ്രോപ്പർട്ടി ലോ നടത്തുന്ന ത്രിവത്സര എൽഎൽബി കോഴിസിനും ദ്വിവത്സര എൽഎൽഎം കോഴ്സിനും അപേക്ഷിക്കാം.
എൽഎൽബി
സയൻസ്, ടെക്‌നോളജി, മാനേജ്മെന്‍റ്, ലോ എന്നിവ സമന്വയിപ്പിച്ചുകൊണ്ടുള്ള പാഠ്യ പദ്ധതിയാണു തയാറാക്കിരിക്കുന്നത്. ഇന്ത്യയിൽ ഇത്തരത്തിലുള്ള പ്രഥമ സംരംഭമാണ് ഈ കോഴ്‌സ്.
ഫ്സ്റ്റ് ക്ലാസ് ബിടെക് അല്ലെങ്കിൽ എംബിബിഎസ് ബിരുദം അല്ലങ്കിൽ സയൻസിലോ ഫാർമസിയിലോ ഫസ്റ്റ് ക്ലാസ് ബിരുദാനന്തര ബിരുദം അല്ലങ്കിൽ ഫസ്റ്റ് ക്ലാസ് എംബിഎ പാസായവർക്ക് അപേക്ഷിക്കാം. 2500 രൂപയാണ് അപേക്ഷാ ഫീസ്. പട്ടികജാതി വർഗക്കാർക്ക് 1250 രൂപ. മാർച്ച് 28 വരെ ഓണ്‍ലൈനായി അപേക്ഷ സമർപ്പിക്കാം. ഏപ്രിൽ 29നു നടത്തുന്ന അഖിലേന്ത്യാ പ്രവേശന പരീക്ഷ, ഗ്രൂപ് ഡിസ്കഷൻ, ഇൻറർവ്യു വഴിയാണ് അഡ്മിഷൻ.
ഡൽഹി, ബംഗളൂരു, കോൽക്കത്ത, മുംബൈ, വിശാഖപട്ടണം, ഹൈദരാബാദ്, റായ്പൂർ എന്നിവിടങ്ങളിലാണ് പരീക്ഷാ കേന്ദ്രങ്ങൾ. ഇംഗ്ലീഷ് (60 മാർക്ക്), ലോജിക്കൽ റീസണിംഗ് (20 മാർക്ക്), മാത്തമറ്റിക്കൽ എബിലിറ്റി (15മാർക്ക്), ബേസിക് സയൻസ് (35 മാർക്ക്), ലീഗൽ ആപ്റ്റിറ്റ്യൂഡ് (70 മാർക്ക്) എന്നിങ്ങനെയാണു പരീക്ഷയുടെ ഘടന.
എൽഎൽഎം
കോർപറേറ്റ് ലോ, കോംപറ്റീഷൻ ലോ, ഇന്‍റലക്ച്വൽ പ്രോപ്പർട്ടി. കോണ്സ്റ്റിറ്റ്യൂഷണൽ ലോ, ടാക്സേഷൻ, ക്രിമിനൽ ലോ ആൻഡ് ജസ്റ്റീസ്, ഇന്‍റർനാഷണൽ ലോ എന്നിങ്ങനെ വൈവിധ്യമാർന്ന മേഖലകൾക്ക് ഊന്നൽ നൽകുന്നതാണു കോഴ്സിന്റെ ഘടന. ഫ്സ്റ്റ് ക്ലാസോടെ പഞ്ചവത്സര എൽഎൽബി പാസായവർക്കും സയൻസിലോ ഹ്യുമാനിറ്റീസിലോ കോമേഴ്സിലോ ബിരുദവും ഫസ്റ്റ് ക്ലാസോടെ ത്രിവത്സര എൽഎൽബി കോഴ്സും പാസായവർക്ക് അപേക്ഷിക്കാം. ഓണ്‍ലൈനായി വേണം അപേക്ഷിക്കാൻ.
2500 രൂപയാണ് അപേക്ഷാ ഫീസ്. പട്ടികജാതി വർഗക്കാർക്ക് 1250 രൂപ. മാർച്ച് 28 വരെ ഓണ്‍ലൈനായി അപേക്ഷ സമർപ്പിക്കാം. ഏപ്രിൽ 29നു ഓണ്‍ലൈനായി നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. നിയമ അഭിരുചി അളക്കുന്നതിനുള്ള 120 മാർക്കിന്‍റെ ചോദ്യങ്ങളാണ് ഉൾപ്പെടുത്തിയിരിക്കുന്നത്.
ഡൽഹി, ബംഗളൂരു, കോൽക്കത്ത, മുംബൈ, വിശാഖപട്ടണം, ഹൈദരാബാദ്, റായ്പൂർ എന്നിവിടങ്ങളിലാണ് പരീക്ഷാ കേന്ദ്രങ്ങൾ.
വിലാസം: ഡീൻ, രാജീവ് ഗാന്ധി സ്കൂൾ ഓഫ് ഇൻറലക്ച്വൽ പ്രോപ്പർട്ടി ലോ, ഐഐടി ഖരഗ്പൂർ, ഖരഗ്പൂർ 721302. ഫോണ്: +91 3222 282237. www.rgsoipl.iitkgp.ernet.in.