ജനസംഖ്യാപഠനത്തിൽ മാസ്റ്റേഴ്സ് പ്രോഗ്രാമുകൾ
ജനസംഖ്യാശാസ്ത്ര പഠനത്തിനു നേതൃത്വം നൽകുന്ന രാജ്യത്തെ പ്രമുഖ സ്ഥാപനമാണ് ഇന്റർനാഷണൽ ഇൻസ്റ്റിറ്റ്യൂട്ട് ഓഫ് പോപ്പുലേഷൻ സ്റ്റഡീസ് (ഐഐപിഎസ്). ടാറ്റാ ട്രസ്റ്റും ഇന്ത്യാ ഗവണ്മെന്റും ഐക്യരാഷ്ട്രസഭയും സംയുക്തമായി ആരംഭിച്ചതാണ് ഇൻസ്റ്റിറ്റ്യൂട്ട്. ഏഷ്യയിലെയും പസഫിക് മേഖലയിലെയും ജനസംഖ്യാ പഠനമായിരുന്നു ലക്ഷ്യം. 1985ൽ ഐഐപിഎസ് എന്ന പേരു മാറ്റത്തോടെ കല്പിത സർവകലാശാലാ പദവി നേടി.
ഇൻസ്റ്റിറ്റ്യൂട്ട് നടത്തുന്ന കോഴ്സുകളും അപേക്ഷിക്കാനുള്ള യോഗ്യതയും ചുവടെ.
എംഎ/ എഎസ്സി പോപ്പുലേഷൻ സ്റ്റഡീസ്: മാത്തമാറ്റിക്സ് അല്ലങ്കിൽ സ്റ്റാറ്റിസ്റ്റിക്സ് ഒരു വിഷയമായി പഠിച്ച് സോഷ്യൽ സയൻസിൽ കുറഞ്ഞത് 55 ശതമാനം മാർക്കോടെ ബിരുദം. പ്രായം 2018 ജൂണ് 30ന് 25 വയസ് കവിയരുത്. ആകെ 50 സീറ്റ്. പ്രതിമാസം 5000 രൂപ ഫെലോഷിപ് ലഭിക്കും.
എംഎസ്സി ബയോ സ്റ്റാറ്റിസ്റ്റിക്സ് ആൻഡ് ഡെമോഗ്രാഫി: മാത്തമാറ്റിക്സ് അല്ലെങ്കിൽ സ്റ്റാറ്റിസ്റ്റിക്സ് ഒരു വിഷയമായി പഠിച്ച് സോഷ്യൽ സയൻസിൽ കുറഞ്ഞത് 55 ശതമാനം മാർക്കോടെ ബിരുദം.
പ്രായം 2018 ജൂണ് 30ന് 25 വയസ് കവിയരുത്. ആകെ 50 സീറ്റ്. പ്രതിമാസം 5000 രൂപ ഫെലോഷിപ് ലഭിക്കും.
മാസ്റ്റർ ഓഫ് പോപ്പുലേഷൻ സ്റ്റഡീസ്: ഒരു വർഷത്തെ മുഴുവൻ സമയ കോഴ്സാണിത്. 55 ശതമാനം മാർക്കോടെ ബിരുദാനന്തര ബിരുദം നേടിയവർക്കും അവസാന വർഷ വിദ്യാർഥികൾക്കും അപേക്ഷിക്കാം. പ്രതിമാസം 5000 രൂപ ഫെലോഷിപ് ലഭിക്കും.
മാസ്റ്റർ ഓഫ് ഫിലോസഫി ഇൻ പോ പ്പുലേഷൻ സ്റ്റഡീസ്: പോപ്പുലേഷൻ സ്റ്റഡീസ്, ഡെമോഗ്രാഫി, ഹെൽത്ത് സയൻസ്, ബയോസ്റ്റാറ്റിസ്ക്സ് എന്നിവയിൽ 55 ശതമാനം മാർക്കോടെ ബിരുദാനന്തര ബിരുദം.
പോപ്പുലേഷൻ സ്റ്റഡീസിൽ എംഎ (വിദൂര പഠനം): മാത്തമാറ്റിക്സ് അല്ലങ്കിൽ സ്റ്റാറ്റിസ്റ്റിക്സ് ഒരു വിഷയമായി പഠിച്ച് സോഷ്യൽ സയൻസിൽ കുറഞ്ഞത് 55 ശതമാനം മാർക്കോടെ ബിരുദം. ഈ മേഖലയിൽ ജോലി ചെയ്യുന്നവർക്കു മുൻഗണന.ആകെ 150 സീറ്റുകൾ.
മാർച്ച് 15 നകം അപേക്ഷിക്കണം. അപേക്ഷയുടെ പ്രിന്റൗട്ട് മാർച്ച് 21നകം ലഭിക്കണം. അപേക്ഷാ ഫീസ് 1000 രൂപ.ഏപ്രിൽ 15നു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. പൊതു വിജ്ഞാനം, ലോജിക്കൽ റീസണിംഗ്, ഇംഗ്ലീഷ് ഗ്രാമർ, പോപ്പുലേഷൻ, ഹെൽത്ത്, സ്റ്റാറ്റിസ്റ്റിക്സ്/ മാത്തമാറ്റിക്സ് എന്നീ വിഷയങ്ങളാണു പ്രവേശന പരീക്ഷയിൽ ഉൾപ്പെടുത്തിയിരിക്കുന്നത്.
കൂടുതൽ വിവരങ്ങൾക്ക്: വെബ്സൈറ്റ്: www.iipsindia.org ഫോണ്: 91+22+42372468/ 91+22+42372433.