ഡീപ് ലേണിംഗ്: ത്രിദിന ദേശീയ ശിൽപ്പശാല തുടങ്ങി
കോഴിക്കോട്: കാലിക്കട്ട് സർവകലാശാലാ കംപ്യൂട്ടർ സയൻസ് പഠനവിഭാഗത്തിന്‍റെ ആഭിമുഖ്യത്തിൽ ഡീപ് ലേണിംഗ്: ബ്രിഡ്ജിംഗ് തിയറി ആൻഡ് പ്രാക്ടീസസ് എന്ന വിഷയത്തിൽ ത്രിദിന ദേശീയ ശിൽപ്പശാല തുടങ്ങി. വൈസ് ചാൻസലർ ഡോ.കെ. മുഹമ്മദ് ബഷീർ ഉദ്ഘാടനം ചെയ്തു. പ്രോവൈസ് ചാൻസലർ ഡോ. പി. മോഹൻ അധ്യക്ഷത വഹിച്ചു. ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജിയിലെ ഡോ. ദീപക് മിശ്ര മുഖ്യപ്രഭാഷണം നടത്തി. ഡോ. പി.ടി. രാമചന്ദ്രൻ, ഡോ. സി. ചന്ദ്രൻ എന്നിവർ പങ്കെടുത്തു. പഠനവകുപ്പ് മേധാവി കെ.എ. മഞ്ജുള, കംപ്യൂട്ടർ സെന്‍റർ ഡയറക്ടർ ഡോ. വി.എൽ. ലജീഷ് എന്നിവർ പ്രസംഗിച്ചു. ആന്ധ്രപ്രദേശിലെ ശ്രീ സത്യസായി ഇൻസ്റ്റിറ്റ്യൂട്ട് ഓഫ് ഹയർ ലേണിംഗിലെ അസിസ്റ്റന്‍റ് പ്രഫസർ ഡോ. എസ്. ബാലസുബ്രഹ്മണ്യൻ ക്ലാസെടുത്തു.