ലോകത്തെ ഏറ്റവും പുരാതന സർവകലാശാലകളിൽ ഒന്നായ നളന്ദയുടെ പുനവതാരമായ നളന്ദ യൂണിവേഴ്സിറ്റി അക്കാഡമിക് മികവും പ്രതിബദ്ധതയുമുള്ളവരിൽ നിന്നു വിവിധ ബിരുദാനന്തര ബിരുദ കോഴ്സുകളിലേക്ക് അപേക്ഷ ക്ഷണിച്ചു.
ബിഹാറിലെ നളന്ദ ജില്ലയിൽ തന്നെ പ്രവർത്തിക്കുന്ന യൂണിവേഴ്സിറ്റിയുടെ സ്കൂൾ ഓഫ് ഹിസ്റ്റോറിക്കൽ സ്റ്റഡീസ്, സ്കൂൾ ഓഫ് ഇക്കോളജി ആൻഡ് എൻവയണ്മെന്റ് സ്റ്റഡീസ്, സ്കൂൾ ഓഫ് ബുദ്ധിസ്റ്റ് സ്റ്റഡീസ്, സ്കൂൾ ഓഫ് ലാംഗ്വേജ് ആൻഡ് ലിറ്ററേച്ചർ എന്നിവയുടെ കീഴിൽ എംഎ/ എംഎസ്സി കോഴ്സുകൾക്കാണ് അപേക്ഷ ക്ഷണിച്ചിരിക്കുന്നത്. പഠന മികവിന്റെയും മറ്റു അടിസ്ഥാനത്തിലാണ് അഡ്മിഷൻ. ഏപ്രിൽ 22നകം അപേക്ഷിക്കണം. മേയ് ആറിനു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
പ്രവേശന പരീക്ഷാ കേന്ദ്രങ്ങൾ: ഗോഹട്ടി, കോൽക്കത്ത, പാറ്റ്ന, വാരണാസി, ന്യൂഡൽഹി, അഹമ്മദാബാദ്, പൂന, ബംഗളൂരു, ചെന്നൈ, ഭോപ്പാൽ.
അപേക്ഷാ ഫീസ് 1000 രൂപ. സ്കൂൾ ഓഫ് ലാംഗ്വേജ് ആൻഡ് ലിറ്ററേച്ചർ നടത്തുന്ന ഒരു വർഷത്തെ ഡിപ്ലോമ കോഴ്സിന് അപേക്ഷാ ഫീസ് 500 രൂപ.
55 ശതമാനം മാർക്കോടെ ബിരുദം നേടിയവർക്ക് അപേക്ഷിക്കാം. ഡിപ്ലോമ കോഴ്സിന് അപേക്ഷിക്കാൻ മാസ്റ്റേഴ്സ് ബിരുദം വേണം. ഒരു സെമസ്റ്ററിന് 28000 രൂപയാണു ട്യൂഷൻ ഫീസ്. കൂടുതൽ വിവരങ്ങൾക്ക്: www.nalandauniv.edu.in.
അലാഹാബാദ് യൂണിവേഴ്സിറ്റി അഡ്മിഷന് അഭിരുചി പരീക്ഷ
കേന്ദ്ര സർവകലാശാലയായ യൂണിവേഴ്സിറ്റി ഓഫ് അലാഹാബാദ് ബിരുദ, ബിരുദാനന്തര ബിരുദ കോഴ്സുകളിലേക്കുള്ള അഡ്മിഷന് അഭിരുചി പരീക്ഷ നടത്തുന്നു. മേയ് 10 വരെ ഓണ്ലൈനായി രജിസ്റ്റർ ചെയ്യാം. മേയ് ഏഴു മുതൽ 31നും ഇടയ്ക്കാണ് പ്രവേശന പരീക്ഷ. പ്രവേശന പരീക്ഷയ്ക്ക് അലഹാബാദ്, കാണ്പൂർ, ബറേലി, ലക്നോ, വാരണാസി, ഗോരഖ്പൂർ, ബംഗളൂരു, കോൽക്കത്ത, ന്യൂഡൽഹി എന്നിവിടങ്ങളിൽ പരീക്ഷ കേന്ദ്രങ്ങളുണ്ട്.
എംഎ, എംഎസ്സി (അഗ്രിക്കൾച്ചർ, ഡിഫൻസ് സ്റ്റഡീസ്, എൻവയണ്മെന്റൽ സയൻസ്, റൂറൽ ടെക്നോളജി ആൻഡ് ഡെവലപ്മെന്റ്, ടെക്സ്റ്റൈൽ ആൻഡ് അപ്പാരൽ ഡിസൈൻ, ഫുഡ് ടെക്നോളജി, ന്യൂട്രീഷണൽ സയൻസ്) തുടങ്ങി നിരവധി കോഴ്സുകളിലേക്കുള്ള അഡ്മിഷനാണ് അപേക്ഷ ക്ഷണിച്ചിരിക്കുന്നത്. കൂടുതൽ വിവരങ്ങൾക്ക്: allduniv.a c.in.
ഹേമവതി നന്ദൻ ബഹുഗുണ ഗഡ്വാൾ യൂണിവേഴ്സിറ്റി പ്രവേശനം
ഉത്തരാഖണ്ഡിലെ ഗഡ്വാൾ ആസ്ഥാനമായുള്ള ഹേമവതി നന്ദൻ ബഹുഗുണ ഗഡ്വാൾ യൂണിവേഴ്സിറ്റിയിൽ വിവിധ കോഴ്സുകളിലേക്ക് അപേക്ഷ ക്ഷണിച്ചു.
എംഎസ്സി ( ഡിഫൻസ് ആൻഡ് സ്ട്രാറ്റജിക് സ്റ്റഡീസ്, ഫോറസ്ട്രി, ഹോർട്ടികൾച്ചർ, മെഡിസിനൽ ആൻഡ് അരോമാറ്റിക് പ്ലാന്റ്, റൂറൽ ടെക്നോളജി, സീഡ് സയൻസ് ആൻഡ് ടെക്നോളജി, ഇന്റഗ്രേറ്റഡ് ബയോ ടെക്നോളജി), ബാച്ചിലർ ഓഫ് ഹോട്ടൽ മാനേജ്മെന്റ്, എംബിഎടൂറിസം ആൻഡ് ട്രാവൽ മാനേജ്മെന്റ് തുടങ്ങിയ വിവിധ ബിരുദ, ബിരുദാനന്തര, ഡിപ്ലോമ കോഴ്സുകളിലേക്കാണ് അപേക്ഷിക്കാവുന്നത്. ഏപ്രിൽ 25 നകം അപേക്ഷിക്കണം. പ്രവേശന പരീക്ഷ ജൂൺ 48 തീയതികളിൽ. കൂടുതൽ വിവരങ്ങൾക്ക്: hnbgu.ac.in.
ടാൻസെറ്റ് മേയ് 19,20 തീയതികളിൽ
തമിഴ്നാട്ടിലെ വിവിധ കോളജുകളിൽ എംബിഎ, എംസിഎ, എംടെക്, എംആർക്, എംപ്ലാൻ കോഴ്സുകളിലേക്കുള്ള അഡ്മിഷന് ചെന്നൈയിലെ അണ്ണാ യൂണിവേഴ്സിറ്റി നടത്തുന്ന തമിഴ്നാട് കോമണ് എൻട്രൻസ് ടെസ്റ്റ് (ടാൻസെറ്റ്) മേയ് 19,20 തീയതികളിൽ. ഈ മാസം 24 നകം അപേക്ഷിക്കണം.
തമിഴ്നാടിനു പുറത്തുള്ളവർക്കും അപേക്ഷിക്കാം. പക്ഷേ അഡ്മിഷൻ നൽകുന്നത് അതതു സ്ഥാപനങ്ങൾ നിശ്ചയിക്കുന്ന മാനദണ്ഡ പ്രകാരമായിരിക്കും. ഏതെങ്കിലും വിഷയത്തിൽ 50 ശതമാനം മാർക്കോടെ ബിരുദം നേടിയവർക്ക് എംബിഎ, എംസിഎ കോഴ്സുകൾക്ക് അപേക്ഷിക്കാം. ബന്ധപ്പെട്ട വിഷയത്തിൽ പ്രഫഷണൽ ബിരുദമുള്ളവർക്കു മറ്റു കോഴ്സുകളിലേക്ക് അപേക്ഷിക്കാം. അവസാന വർഷ വിദ്യാർഥികൾക്കും പ്രവേശന പരീക്ഷയിൽ പങ്കെടുക്കാം.
ഓണ്ലൈനായി വേണം രജിസ്റ്റർ ചെയ്യാൻ.അപേക്ഷാ ഫീസ് 500 രൂപ. പട്ടിക ജാതിവർഗക്കാർക്ക് 250 രൂപ. ഒന്നിലധികം കോഴ്സുകൾക്കു രജിസ്റ്റർ ചെയ്യുന്നതിന് അധിക ഫീസ് നൽകണം. ചെന്നൈ, കോയന്പത്തൂർ, മധുര, നാഗർകോവിൽ, സേലം, തിരുനൽവേലി, തിരുച്ചിറപ്പള്ളി, വെല്ലൂർ എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്.
കൂടുതൽ വിവരങ്ങൾക്ക്: വെബ്സൈറ്റ്: www.annauniv.edu/tancet2018.വിലാസം: സെക്രറി, തമിഴ്നാട് കോമണ് എൻട്രൻസ് ടെസ്റ്റ്2018, സെൻറർ ഫോർ എൻട്രൻസ് എക്സാമിനേഷൻസ്, അണ്ണാ യൂണിവേഴ്സിറ്റി, ചെന്നൈ 600 025.
ശ്രീരാമചന്ദ്രയിൽ പാരാമെഡിക്കൽ കോഴ്സുകൾ
ചെന്നൈയിലെ ശ്രീരാമചന്ദ്ര യൂണിവേഴ്സിറ്റിയിൽ ഗ്രൂപ്പ് എ, ഗ്രൂപ്പ് ബി വിഭാഗങ്ങളിലായി 20 പാരാമെഡിക്കൽ കോഴ്സുകളിലേക്ക് അപേക്ഷ ക്ഷണിച്ചു.
ഗ്രൂപ്പ് എ കോഴ്സുകൾ: ഫാം ഡി, ബിഫാം, ബിഎസ്സി നഴ്സിംഗ്, ബാച്ചിലർ ഓഫ് ഓഡിയോളജി ആൻഡ് സ്പീച്ച് ലാംഗ്വേജ് പത്തോളജി, പോസ്റ്റ് ബേസിക് ബിഎസ്സി നഴ്സിംഗ്, ബാച്ചിലർ ഓഫ് ഫിസിയോതെറാപ്പി, ബാച്ചിലർ ഓഫ് ഒക്കുപ്പേഷണൽ തെറാപ്പി, ബിഎസ്സി മെഡിക്കൽ മൈക്രോ ബയോളജി ആൻഡ് അപ്ലൈഡ് മോളിക്യുളാർ ബയോളജി, ബിഎസ്സി അലൈഡ് ഹെൽത്ത് സയൻസസ്, ബിഎസ്സി ബയോമെഡിക്കൽ സയൻസസ്, ബാച്ചിലർ ഓഫ് ഒപ്റ്റോമെട്രി, എംഎസ്സി മെഡിക്കൽ റേഡിയോളജി ആൻഡ് ഇമേജിംഗ് ടെക്നോളജി (അഞ്ചു വർഷത്തെ ഇന്റഗ്രേറ്റഡ് കോഴ്സ്).
ഗ്രൂപ്പ് ബി കോഴ്സുകൾ: ബിഎസ്സി (സ്പോർട്സ് ആൻഡ് എക്സർസൈസ് സയൻസസ്), ബിഎസ്സി ട്രോമ കെയർ മാനേജ്മെന്റ്, ബിഎസ്സി ക്ലിനിക്കൽ ന്യുട്രീഷൻ. ബിഎസ്സി ബയോഇൻഫർമാറ്റിക്സ്, ബിഎസ്സി ഹെൽത്ത് ഇൻഫർമാറ്റിക്സ്, ബിഎസ്സി ഡാറ്റാ സയൻസ്, ബിഎസ്സി എൻവയണ്മെന്റൽ ഹെൽത്ത് സയൻസസ്, ബിബിഎ ഹോസ്പിറ്റൽ ആൻഡ് ഹെൽത്ത് സിസ്റ്റംസ് മാനേജ്മെന്റ്.
ഇതിൽ ഗ്രൂപ്പ് എ കോഴ്സുകൾക്ക് ജൂണ് മൂന്നിന് ശ്രീരാമചന്ദ്ര യൂണിവേഴ്സിറ്റി കാന്പസിൽ നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. യോഗ്യതാ പരീക്ഷയുടെ മാർക്കിെൻറയും ഇൻറർവ്യുവിന്റെയും അടിസ്ഥാനത്തിലാണ് ഗ്രൂപ്പ് ബി കോഴ്സുകൾക്കു പ്രവേശനം. അപേക്ഷ സമർപ്പിക്കേണ്ട അവസാന ദിവസം മേയ് 19. അപേക്ഷാ ഫീസ് 600 രൂപ. www.sriramachandra.edu.in/
കസ്തൂർബാ കോളജിൽ ബിഎസ്സി നഴ്സിംഗ്
കേന്ദ്ര പൊതുമേഖലാ സ്ഥാപനമായ ഭാരത് ഹെവി എൻജിനിയറിംഗ് ലിമിറ്റഡ് ഭോപ്പാലിൽ നടത്തുന്ന കസ്തൂർബാ കോളജ് ഓഫ് നഴ്സിംഗിൽ ചതുർവത്സര ബിഎസ്സി നഴ്സിംഗ് കോഴ്സിലേക്കു പെണ്കുട്ടികൾക്ക് അപേക്ഷിക്കാം. ഫിസിക്സ്, കെമിസ്ട്രി, ബയോളജി പഠിച്ച് 45 ശതമാനം മാർക്കോടെ പ്ലസ്ടു പാസായി 2018 ഡിസംബർ 31ന് 17 വയസ് തികയുന്നവർക്കാണ് അപേക്ഷിക്കാവുന്നത്. ഭെൽ ശിക്ഷാ മണ്ഡൽ കസ്തൂർബാ കോളജ് ഓഫ് നഴ്സിംഗിന്റെ പേരിൽ ഭോപ്പാലിൽ മാറാവുന്ന 300 രൂപയുടെ ഡിഡി സഹിതം വേണം അപേക്ഷിക്കാൻ. അപേക്ഷാഫോം വെബ്സൈറ്റിൽ നിന്നു ഡൗണ്ലോഡ് ചെയ്തെടുക്കാം. അപേക്ഷ സമർപ്പിക്കേണ്ട അവസാന തീയതി ജൂണ്15. ഷോർട്ട് ലിസ്റ്റ് ചെയ്യുന്ന അപേക്ഷകരെ ഇൻറർവ്യൂ നടത്തിയാണ് തെരഞ്ഞെടുപ്പ്.
വിലാസം: കസ്തൂർബാ കോളജ് ഓഫ് നഴ്സിംഗ്, ഹബീബ്ഗഞ്ച്, ഭെൽ, ഭോപ്പാൽ 462024. ഫോണ്: 07552485278 07552505370 07552505377. വെബ്സൈറ്റ്: www.smbhob pal.com
നളന്ദ യൂണിവേഴ്സിറ്റി: www.nalandauniv.edu.in
അലാഹാബാദ് യൂണിവേഴ്സിറ്റി:
allduniv.a c.in
ഹേമവതി നന്ദൻ ബഹുഗുണ ഗഡ്വാൾ
യൂണിവേഴ്സിറ്റി: hnbgu.ac.in
ടാൻസെറ്റ്: www.annauniv.edu/tancet2018
ശ്രീരാമചന്ദ്ര യൂണിവേഴ്സിറ്റി: sriramachandra.edu.in
കസ്തൂർബാ കോളജ്: www.smbhobpal.com