കേറ്ററിംഗ് ഡിപ്ലോമ കോഴ്സുകളിലേക്ക് അപേക്ഷിക്കാം
തിരുവനന്തപുരം: കേന്ദ്ര ടൂറിസം മന്ത്രാലയത്തിന് കീഴിൽ കോവളത്ത് പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്‍റ് ആൻഡ് കേറ്ററിംഗ് ടെക്നോളജിയിൽ ഒന്നര വർഷത്തെ ഡിപ്ലോമ കോഴ്സിലേക്ക് അപേക്ഷ ക്ഷണിച്ചു. അപേക്ഷകൾ ജൂണ്‍ ഏഴു വരെ സമർപ്പിക്കാം. പ്ലസ് ടു വിജയിച്ചവർക്ക് ഡിപ്ലോമ ഇൻ ഫുഡ് പ്രൊഡക്ഷൻ കോഴ്സിന് ചേരാവുന്നതാണ്.
ഒരു വർഷം കോളജിൽ പഠനവും ബാക്കി ആറു മാസം പ്രശസ്ത ഹോട്ടലുകളിൽ പരിശീലനവും ഉണ്ടാകും. 40 സീറ്റുകളാണുള്ളത്. പട്ടികജാതിവർഗ, ഒബിസി വിഭാഗങ്ങൾക്ക് സീറ്റ് സംവരണം ഉണ്ട്. പ്രായപരിധി 2018 ജൂലൈ ഒന്നിനു 25 വയസ് കവിയാൻ പാടില്ല. സംവരണ വിഭാഗങ്ങൾക്ക് മൂന്നു വർഷത്തെ ഇളവുണ്ട്.
അപേക്ഷാഫോം വെബ്സൈറ്റിൽ നിന്നു ഡൗണ്ലോഡ് ചെയ്യുകയോ കോവളത്തുള്ള സ്ഥാപനത്തിൽ നിന്നു നേരിട്ടു വാങ്ങുകയോ ചെയ്യാം. സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ, ഒരു പാസ്പോർട്ട് സൈസ് ഫോട്ടോ, അപേക്ഷാ ഫീസായ 250 രൂപ (പട്ടിക ജാതിവർഗ വിഭാഗത്തിന് 125 രൂപ) അടച്ച രസീത് എന്നിവ സഹിതം ജൂണ്‍ ഏഴി നകം പ്രിൻസിപ്പൽ, ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്‍റ് ആൻഡ് കേറ്ററിംഗ് ടെക്നോളജി, ജിവി രാജാ റോഡ്, കോവളം, തിരുവനന്തപുരം എന്ന വിലാസത്തിൽ ലഭിക്കണം.
കോഴ്സിന് അപേക്ഷിക്കുന്നവർക്ക് ജൂണ്‍ 18 ന് ഇൻസ്റ്റിറ്റ്യൂട്ടിൽ കൗണ്‍സലിംഗ് നടത്തും. അതിന് പ്രത്യേകം അറിയിപ്പുകൾ ഉണ്ടാകില്ല. അപേക്ഷകർ അസൽ രേഖകളും കൗണ്‍സലിംഗ് ഫീസിനത്തിൽ 1000 രൂപ അടച്ച രസീതുമായി അന്നു രാവിലെ 10 ന് നേരിട്ട് ഹാജരാകണം. ഹോസ്റ്റൽ സീറ്റുകൾ പരിമിതമാണ്. ക്ലാസുകൾ ജൂലൈ 23നു തുടങ്ങും.
വിവരങ്ങൾക്ക് ഫോണ്: 04712480283. www.ihmctkov alam.org