നവോദയയിൽ പതിനൊന്നാം ക്ലാസ് പ്രവേശനം
തിരുവനന്തപുരം: ജവഹർ നവോദയ വിദ്യാലയങ്ങളിൽ പതിനൊന്നാം ക്ലാസിൽ ഒഴിവുള്ള സീറ്റുകളിലേക്ക് ജൂലൈ അഞ്ചു വരെ ഓണ്ലൈനായി അപേക്ഷിക്കാം. പത്താം ക്ലാസിൽ ലഭിച്ച മാർക്കിന്റെ അടിസ്ഥാനത്തിൽ ജില്ലാതലത്തിൽ തയാറാക്കുന്ന ലിസ്റ്റിൽ നിന്നുമായിരിക്കും അഡ്മിഷൻ. അപേക്ഷകർ നവോദയ വിദ്യാലയം സ്ഥിതിചെയ്യുന്ന ജില്ലയിലെ അംഗീകൃത സ്കൂളിൽ പത്താം ക്ലാസ് പഠിച്ചവരായിരിക്കണം. 2000 ജൂണ് ഒന്നിനും 2004 മേയ് 31നും മധ്യേ ജനിച്ചവരായിരിക്കണം അപേക്ഷകർ. കേരളത്തിലെ എല്ലാ ജില്ലകളിലും നവോദയ വിദ്യാലയങ്ങളുണ്ട്.