Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Sthreedhanam |


ഗർഭാശയഗള കാൻസറിനെ കരുതിയിരിക്കാം
ഇന്ത്യയിൽ സ്ത്രീകളിലെ കാൻസറുകളിൽ ഒന്നാം സ്‌ഥാനത്താണ് ഗർഭാശയഗള കാൻസർ. കേരളത്തിൽ രണ്ടാം സ്‌ഥാനത്തും. ഗർഭാശയഗള കാൻസറിന്റെ കാരണം ഹ്യൂമൻ പാപ്പിലോമ വൈറസ് (HPV) അണുബാധയാണെന്നു സ്‌ഥിരീകരിച്ചിട്ടുണ്ട്. ഗർഭാശയഗള കാൻസറിനെക്കുറിച്ച് അറിയാം...

ഹ്യൂമൻ പാപ്പിലോമ വൈറസ് (എച്ച്പിവി)

നൂറോളം തരത്തിലുള്ള എച്ച്പിവി നമുക്കിടയിലുണ്ട്. ഇവയിൽ ചിലത് വളരെ അപകടകാരികളാണ് (ഹൈ റിസ്ക്). ചിലത് അപകടം കുറഞ്ഞതും (ലോ റിസ്ക്). പതിനഞ്ചോളം അർബുദകാരികളായ ഹ്യൂമൻ പാപ്പിലോമ വൈറസുകളിൽ ഹൈ റിസ്ക്കിൽപ്പെട്ട അഞ്ച് തരമാണ് ഗർഭാശയഗള കാൻസർ ഉണ്ടാക്കുന്നത്.

ഈ വൈറസ് അണുബാധ ഉണ്ടാകാനുള്ള പ്രധാന കാരണം ലൈം ഗികബന്ധം തന്നെയാണ്. എന്നാൽ ജനനേന്ദ്രിയവും ചർമവുമായുള്ള സ്പർശം മൂലവും വൈറസ് അണുബാധ ഉണ്ടാകാം. അതിൽ ഗർഭനിരോധന ഉറകൾ ഉപയോഗിക്കുന്നതുകൊണ്ടുമാത്രം വൈറസ് അണുബാധ തടയാൻ കഴിയില്ല.

മറ്റു ഘടകങ്ങൾ

* പുകവലി
* ലൈംഗിക ശുചിത്വമില്ലായ്മ
* കൂടുതൽ ലൈംഗിക പങ്കാളികൾ ഉണ്ടാവുക
* ഗർഭനിരോധന ഗുളികകൾ കൂടുതൽ കാലം ഉപയോഗിക്കുക
ഇന്ത്യയിൽ ഗർഭാശയഗള കാൻസറിന്റെ പ്രധാന കാരണങ്ങളായി നേരത്തെ എടുത്തുപറഞ്ഞിരുന്നത് പുകവലിയും ലൈംഗികശുചിത്വമില്ലായ്മയുമാണ്. ഒന്നിൽ കൂടുതൽ ലൈംഗിക പങ്കാളികളുണ്ടാകുന്നതും അനേകവർഷങ്ങളായുള്ള ഗർഭനിരോധന ഗുളികകളുടെ ഉപയോഗവും ഈ കാൻസർ സാധ്യത വർധിപ്പിക്കുന്നു.

ഗർഭാശയഗള കാൻസറിന്റെ പ്രത്യേകതകൾ

ഇന്ത്യയിലെ സ്ത്രീകളിൽ ഏറ്റവും കൂടുതലായി കണ്ടുവരുന്ന കാൻസറാണ് ഗർഭാശയഗള കാൻസർ. പാപ്സ്മിയർ ടെസ്റ്റിലൂടെ ഗർഭാശയഗള കാൻസർ ആരംഭ ഘട്ടത്തിലേ കണ്ടെത്താൻ കഴിയും. കാൻസർ രോഗനിർണയത്തിലെ ഏറ്റവും കൃത്യതയുള്ള പരിശോധനയാണ് പാപ്സ്മിയർ ടെസ്റ്റ്.

കാരണവും തടയാനുള്ള വാക്സിനും കണ്ടുപിടിച്ചിട്ടുള്ള ഒരേയൊരു കാൻസറാണിത്. ഗർഭാശയഗള കാൻസറിനു കാരണമാകുന്നത് എച്ച്പിവി അണുബാധയാണെന്നു സ്‌ഥിരീകരിച്ചതോടെ ഇതിന്റെ പ്രതിരോധ മാർഗം ഏറെ ഫലപ്രദമായി.

ഗർഭാശയത്തിന്റെ ഘടന

ഗർഭാശയത്തിന്റെ താഴ്ഭാഗമാണ് സെർവിക്സ് അഥവാ ഗർഭാശയഗളം എന്നറിയപ്പെടുന്നത്. യോനിയിലേക്ക് തള്ളിനിൽക്കുന്ന ഈ ഭാഗമാണ് ഗർഭാശയത്തെ യോനിയിലേക്കും അതുവഴി പുറത്തേക്കും ബന്ധിപ്പിക്കുന്നത്.

ഗർഭാശയത്തിന്റെയും ഗർഭാശയഗളത്തിന്റെയും ഉൾഭാഗം ആവരണം ചെയ്തിരിക്കുന്ന കോശങ്ങളിൽ നിന്നു വിഭിന്നമാണ് പുറംഭാഗം (യോനിയിലേക്ക് തള്ളി നിൽക്കുന്ന ഭാഗം) ആവരണം ചെയ്തിരിക്കുന്ന കോശങ്ങൾ. തൊലിപ്പുറ രോഗങ്ങളോടും സാദൃശ്യമുള്ള ഈ കോശങ്ങൾ സ്ക്വാമസ് കോശങ്ങളാണ്. ഉൾഭാഗത്തെ ഗ്ലാൻഡ് കോശങ്ങളും പുറംഭാഗത്തെ സ്ക്വാമസ് കോശങ്ങളും ചേരുന്ന ഭാഗമാണ് ’ ട്രാൻസ് ഫോർമേഷൻ സോൺ. വിഭജിച്ചുകൊണ്ടിരിക്കുന്ന കോശങ്ങൾ ഈ ഭാഗത്താണ് കാണുന്നത്. പ്രായപൂർത്തിയാകുന്ന സമയത്തും (പുബേർട്ടി) ആദ്യ ഗർഭകാലത്തും ഒരുപാടു കോശവ്യതിയാനങ്ങൾ ഈ ഭാഗത്തുണ്ടാകുന്നുണ്ട്. ഈ സന്ദർഭങ്ങളിലുണ്ടാകുന്ന വൈറസ് അണുബാധ അർബുദത്തിനു മുന്നോടിയായിട്ടുള്ള വ്യതിയാനങ്ങളിലേക്ക് കോശങ്ങളെ തള്ളിവിടും. ഹ്യൂമൻ പാപ്പിലോമ വൈറസിന്റെ മൂലഘടകം (ഡി.എൻ.എ) ഗർഭാശയകോശ ഡിഎൻഎയിലേക്ക് ആഗിരണം ചെയ്യപ്പെടുന്നതുകൊണ്ടാണ് ഈ അണുബാധ ഏറ്റവും അപകടകാരിയാകുന്നത്.

ലക്ഷണങ്ങൾ

ഗർഭാശയഗള കാൻസർ ഉള്ളവരിൽ 90 ശതമാനം പേരിലും പ്രാരംഭദശയിൽ തന്നെ രോഗത്തിന്റെ സൂചനകൾ കാണാം. മാസമു അല്ലാത്ത ഏതു രക്‌തസ്രാവവും അസാധാരണമാണ്.

കാൻസർ പ്രതിരോധം

കാൻസർ പ്രതിരോധത്തിനു പ്രധാനമായി രണ്ടു മാർഗങ്ങളാണുള്ളത്.

1. പ്രാഥമിക നിവാരണം : കാൻസർ ഉണ്ടാകാനുള്ള കാരണം ഉന്മൂലനം ചെയ്യുകയാണ് ഇതുകൊണ്ട് ഉദ്ദേശിക്കുന്നത്. ഇതിന് രോഗപ്രതിരോധ വാക്സിൻ എടുക്കുന്നത് ഫലപ്രദമാണ്. ഏതുപ്രായത്തിലൂള്ള സ്ത്രീകൾക്കും ഹ്യൂമൻ പാപ്പിലോമ വൈറസ് അണുബാധയുടെ സാധ്യതയുണ്ട്. അതുകൊണ്ട് വാക്സിനേഷൻ എടുക്കുന്നതു പിന്നീടുള്ള അണുബാധയെ തടയാൻ സഹായിക്കുന്നു. ഗർഭകാലത്ത് വാക്സിൻ എടുക്കുന്നതു നിർദേശിക്കുന്നില്ല

ഗർഭാശയഗള കാൻസറിനെതിരേ വാക്സിൻ

ലൈംഗികബന്ധം തുടങ്ങും മുൻപേ തന്നെ വാക്സിൻ എടുക്കുന്നതാണ് ഫലപ്രദം. ഡോക്ടറുടെ നിർദേശമനുസരിച്ച് പത്തുവയസിനുശേഷം ഈ കുത്തിവയ്പ് എടുക്കാം. 45 വയസുവരെ ഫലപ്രദമാണ്. ഗർഭിണികളിൽ ഈ കുത്തിവയ്പ് എടുക്കാൻ പാടില്ല. രണ്ടു ഡോസ് വാക്സിൻ ആണ് ഉപയോഗിക്കുന്നത്. 0–1, 6 മാസം ആണ്. രണ്ടാമത്തെ ഇൻജക്ഷൻ രണ്ടര മാസം വരെയാകുന്നതു കൊണ്ടു കുഴപ്പമില്ല.

2. രണ്ടാംഘട്ട നിവാരണം : പ്രാരംഭദശയിലോ അല്ലെങ്കിൽ കാൻസറാകുന്നതിനു മുൻപുതന്നെയോ കണ്ടുപിടിച്ചു ചികിത്സിച്ച് ഭേദമാക്കുക.

ഗർഭാശയഗള കാൻസർ : മുൻകൂർ പരിശോധന

1. പാപ്സ്മിയർ ടെസ്റ്റ്
2. കോൾപോസ്കോപ്പി
3. എച്ച്പിവി ഡി.എൻ.എ ടെസ്റ്റ്
രോഗ നിർണയം ബയോപ്സി പരിശോധന

പ്രധാന ചികിത്സാരീതികൾ

ഗർഭാശയഗള കാൻസർ പരിഹരിക്കാനുള്ള മാർഗങ്ങൾ ശസ്ത്രക്രിയയും റേഡിയേഷനുമാണ്. ഗർഭപാത്രവും യോനിയുടെ മുകൾ ഭാഗവും നീക്കം ചെയ്യുന്ന റാഡിക്കൽ ഹിസ്റ്ററക്ടമി, സാധാരണ ഗർഭപാത്ര ശാസ്ത്രക്രിയകളേക്കാൾ ഏറെ സങ്കീർണമാണ്. ഗർഭപാത്രത്തിന്റെ ഇരുവശങ്ങളിലുമുള്ള കുഴലുകളും നീക്കം ചെയ്യും. അതോടെ കാൻസർ ബാധിച്ച കോശങ്ങൾ പൂർണമായും ഇല്ലാതാകുന്നു.
ശസ്ത്രക്രിയയ്ക്ക് മുൻപു ശസ്ത്രക്രിയ ചെയ്യാൻ പറ്റുമോ എന്നറിയാൻ ഏറ്റവും ഫലപ്രദമായി ഉപയോഗിക്കുന്നത് എം.ആർ.ഐ സ്കാനാണ്.

കാൻസർ ഏതു ഘട്ടത്തിലെത്തി എന്നു കണ്ടുപിടിക്കാൻ വിവിധ മാർഗങ്ങളുണ്ട്. നെഞ്ചിന്റെ എക്സറേ, വയറിന്റെ അൾട്രാ സൗണ്ട് സ്കാൻ, മൂത്രാശയത്തിന്റെ പരിശോധന എന്നിവയിലൂടെ ഇത് സാധ്യമാകും. ചില രോഗികൾക്ക് റേഡിയേഷൻ മാത്രം മതിയാകും.

ഗർഭാശയഗള കാൻസർ പ്രധാനമായും നാലു ഘട്ടങ്ങളിലായിട്ടാണു കാണുന്നത്. ഒന്നാം ഘട്ടത്തിൽ ഇതു ഗർഭാശയ ഗളത്തിൽ മാത്രമായിരിക്കും. അപ്പോൾ ശസ്ത്രക്രിയയും റേഡിയേഷനും ഒരേ ഫലം തരും. ചെറുപ്പക്കാർക്ക് ശസ്ത്രക്രിയയാണ് ഏറെ ഗുണം ചെയ്യുന്നത്.

രണ്ടാംഘട്ടത്തിൽ കാൻസർ ഗർഭാശയഗളത്തിന്റെ വശങ്ങളിലേക്കു വ്യാപിക്കും. ഈ അവസ്‌ഥയിൽ റേഡിയേഷനും ആഴ്ചതോറുമുള്ള കീമോതെറാപ്പിയും വേണ്ടിവരും.

ഒന്നാംഘട്ടത്തിലെ കാൻസർ ചികിത്സ ഏറെ ഫലപ്രദമാണ്. 90–95 ശമതാനം പേർക്കും രോഗം പൂർണമായി ഭേദപ്പെടാറുണ്ട്. 92 ശതമാനം പേർക്കും അഞ്ചുവർഷത്തേക്കുള്ള ആയുർദൈർഘ്യം ലഭ്യമാകുന്നു എന്നാണു കണക്ക്.

കാൻസറിന്റെ വലിപ്പം കുറവാണെങ്കിൽ ഗർഭാശയഗളത്തെ ബാധിച്ച ഭാഗം മുറിച്ചുമാറ്റി ശസ്ത്രക്രിയ ചെയ്യാം. കുട്ടികൾ ഇല്ലാത്ത സ്ത്രീകളിലും ഇത്തരത്തിൽ ഗർഭാശയഗളത്തിലെ ആ ഭാഗം മാറ്റി ശസ്ത്രക്രിയ നടത്താവുന്നതാണ്.

ഡോ. കെ. ചിത്രതാര
സീനിയർ കൺസൾട്ടന്റ്
സർജിക്കൽ ആൻഡ് ഗൈനക് ഓങ്കോളജി ലേക്ഷോർ ഹോസ്പിറ്റൽ, എറണാകുളം

തയാറാക്കിയത്– സീമ മോഹൻലാൽ

മേഘല ഡബിൾ ബെൽ അടിക്കുന്നു; ശുഭപ്രതീക്ഷയോടെ
സമയം രാവിലെ 10.15. കോട്ടയം ചേർത്തല റൂട്ടിൽ ഓടുന്ന വേന്പനാട് ബസ് കോട്ടയം നാഗന്പടം ബസ് സ്റ്റാൻഡിൽ എത്തി
പെയ്തിറങ്ങുന്ന രോഗങ്ങൾ
ഇപ്പോൾ ജൂണ്‍മാസമെത്തുന്നതു രോഗങ്ങളുമായാണ്. ഓരോ മഴക്കാലത്തും പുതിയ പുതിയ രോഗങ്ങൾ.
ട്രെൻഡി ഹെയർസ്റ്റൈൽസ്
വെച്ചെണ്ണയുടെ സുഗന്ധമുള്ള തുന്പുകെട്ടിയ മുടിയിൽ തുളസിക്കതിർ ചൂടി നടന്നിരുന്ന പെണ്ണ് ഇന്ന് കവിതകളിൽ
കുട്ടിഭക്ഷണം സ്വാദോടെ
ഭക്ഷണം കഴിക്കാൻ കുട്ടികൾ പൊതുവേ വാശികാണിക്കും. പ്രത്യേകിച്ച് അഞ്ചു വയസിനു താഴെയുള്ള കുട്ടികൾ
സ്ത്രീ സുരക്ഷാ പാഠങ്ങൾ
അഞ്ചു വയസുകാരിയെ മധ്യവയസ്കൻ പീഡിപ്പിച്ചു, ബസ് യാത്രക്കാരിയെ ശല്യം ചെയ്തയാൾ
സ്വപ്ന സുരഭിലം
സംസ്ഥാന സ്കൂൾ കലോത്സവം നടക്കുന്ന സമയം. അച്ഛെൻറ മരണശേഷം സാന്പത്തികമായി
എന്‍റെ കരളേ...
കരൾ രോഗങ്ങൾ പലതരത്തിലുണ്ട്. ഫാറ്റി ലിവർ, ആൽക്കഹോളിക് ഹെപ്പറ്റൈറ്റിസ്, കരളിനുണ്ടാകുന്ന കാൻസർ ഇങ്ങനെ പോകുന്നു കരൾ രോഗങ്ങൾ..
ബ്രസൽസ് നീ എത്ര മനോഹരീ...
തണുത്തകാലാവസ്ഥ, പച്ചപ്പാണ് എവിടെയും. മാനെകിൻ പിസ് പ്രതിമ (Manneken pis statue) സെൻറ് മൈക്കിൾസ് പള്ളി
കാക്കാം കുരുന്നുകളെ; സൈബർ വലയിൽ കുരുങ്ങാതെ
വിരൽത്തുന്പിൽ വിരിയുന്ന സൗകര്യങ്ങളുടെ നീണ്ടനിരയാണ് വിവരസാങ്കേതികവിദ്യ സാധ്യമാക്കിയത്.
നടുവേദനയെ പേടിക്കേണ്ട?
വളരെ സാധാരണയായി കണ്ടുവരുന്ന ഒരു അസുഖമാണ് നടുവേദന അഥവാ ലോ ബാക്ക് പെയ്ൻ.
നിർമല വിജയം
ജീവിതത്തെ നാലു ദിശകളിൽ നിന്നും നോക്കിക്കാണുന്ന എഴുത്തുകാരി, വർണങ്ങൾ കൊണ്ടൊരു മായാപ്രപഞ്ചം
കരൾ സംരക്ഷണം ആയുർവേദത്തിൽ
ശരീരത്തിന് ഉൗർജവും സ്വസ്ഥതയും ലഭിക്കുന്നതിന് കരളിെൻറ ആരോഗ്യം അനിവാര്യമാണ്
ഈ പെണ്‍കുട്ടികൾ എങ്ങോട്ടു പോകുന്നു ?
രണ്ടാഴ്ച മുന്പാണ് പതിനാലുകാരിയുമായി മാതാപിതാക്കൾ മനോരോഗവിദഗ്ധെൻറ അടുത്തെത്തിയത്.
കരളിനെ കാക്കാം
കരൾ നമ്മുടെ ശരീരത്തിൽ ഒരുപാടു പ്രവർത്തനങ്ങളുടെ ചുക്കാൻ പിടിക്കുന്നു. അവയിൽ പ്രധാനപ്രവർത്തനങ്ങൾ
മാറ്റിവച്ച കരൾ പിണങ്ങാതിരിക്കാൻ
ജീവിതം ദുരിതപൂർണമാക്കുന്ന ശാരീരികബുദ്ധിമുട്ടുകളിൽ നിന്നുള്ള സ്ഥായിയായ മോചനമാണ് കരൾമാറ്റ
ബേത് ലഹേമിലെ മാലാഖ
എപ്പോഴും നിർത്താതെ ചിലക്കുന്ന എെൻറ ഫോണ്‍ അന്നും പതിവു പോലെ ചിലച്ചു. ന്ധമേരിയമ്മെ ഞങ്ങൾ
ഈസ്റ്റർ വിരുന്നൊരുക്കാം
ഏറെ നാളത്തെ നോന്പിനുശേഷമാണ് ക്രൈസ്തവരുടെ പ്രധാന ആഘോഷമായ ഈസ്റ്റർ അഥവാ ഉയിർപ്പു പെരുന്നാൾ
വേനൽക്കാല ഭക്ഷണം
വർഷത്തിൽ ഏറ്റവുമധികം ചൂട് അനുഭവപ്പെടുന്ന കാലാവസ്ഥയാണ് വേനൽക്കാലം. വേനൽക്കാലത്ത്
സബർമതി ഒഴുകുകയാണ്...
മനസിന് ഉണർവു നൽകാൻ യാത്രകൾക്കു കഴിയും. പുതിയ കാഴ്ചകൾകണ്ട് കുടുംബാംഗങ്ങൾ
കുന്പളങ്ങ വിഭവങ്ങൾ
കുന്പളങ്ങ ഉപയോഗിച്ച് ഉണ്ടാക്കാവുന്ന ഏതാനും വിഭവങ്ങളാണ് ഇത്തവണത്തെ രുചിക്കൂട്ടിലുള്ളത്.
പഠിച്ചുരസിക്കാൻ അവധിക്കാലം
പഠനത്തിെൻറ കർശനചിട്ടകളിൽ നിന്നു മാറി മനസും ശരീരവും സ്വതന്ത്രമാകുന്ന ഒരു അവധിക്കാലം കൂടി.
ബജറ്റിലും കമ്മി
രാജ്യത്തെ ജനസംഖ്യയിൽ പകുതിയോളം സ്ത്രീകളാണ്. പക്ഷേ, പലപ്പോഴും ബജറ്റ് അവതരിപ്പിക്കുന്പോൾ
ചില ഡിജിറ്റൽ ബാങ്കിംഗ് അനുഭവങ്ങൾ
കേന്ദ്രസർക്കാരിെൻറ കറൻസി റദ്ദാക്കൽ പ്രഖ്യാപനത്തിന് ശേഷം രാജ്യത്ത് ഡിജിറ്റൽ ഇടപാടുകൾ വർധിച്ചിരിക്കുകയാണ്.
സ്കൂൾ പ്രോജക്ടുകൾ എളുപ്പത്തിൽ തയാറാക്കാം
കുട്ടികളെ അന്വേഷണങ്ങൾക്കു പ്രേരിപ്പിക്കുകയും പ്രചോദിപ്പിക്കുകയും ചെയ്യുക എന്നതും അതിലൂടെ
ജിലുമോൾ കാലുകളിൽ മെനഞ്ഞത് ജീവിതവിജയം
രണ്ടു കൈകളുമില്ലാതെ ജനിച്ച ജിലുമോൾ മരിയറ്റ് തോമസ് ജീവിതത്തിൽ ഉയരങ്ങൾ കീഴടക്കുകയാണ്.
ഡോ. സിംഗർ
ആതുരസേവനരംഗത്തും സംഗീതലോകത്തും ഒരുപോലെ തിളങ്ങുന്ന വ്യക്തിയാണ് ഡോ.(മേജർ)
60+ ഭക്ഷണം
അറുപതു വയസിനു ശേഷം വാർധക്യത്തിെൻറ ആലസ്യം ബാധിച്ചു തുടങ്ങും. ഈ പ്രായത്തിൽ സ്ത്രീകളിൽ
ക്ഷയരോഗികളിലെ പ്രമേഹ സാധ്യതകൾ
ക്ഷയരോഗവും പ്രമേഹവും രണ്ടു വ്യത്യസ്ത രോഗങ്ങളാണിവ. ക്ഷയരോഗം പകരും എന്നാൽ പ്രമേഹം പകരില്ല.
ഹരീഷിന്‍റെ നടനവഴികൾ
"എന്തെങ്കിലും നേടിയെടുക്കണമെന്ന് ഒരാൾ പൂർണമനസോടെ ആഗ്രഹിച്ചാൽ ആ ആഗ്രഹം സഫലമാകാൻ പ്രപഞ്ചം മുഴുവൻ അവനൊപ്പം നിൽക്കും’
പരസ്യങ്ങളിൽ വഞ്ചിതരാകല്ലേ...
കഷണ്ടി മാറ്റാനുള്ള എണ്ണ, മീശയില്ലാത്തവർക്ക് മീശ വളരാനുള്ള നെയ്യ്, കൂടുതൽ സുന്ദരിയാകാനുള്ള ടോണിക്...
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.