തി​രു​ന്പി വ​ന്തി​ട്ടേ​ന്നു സൊ​ല്ല്..! ഐ​പി​എ​ൽ തി​രി​ച്ചു​വ​ര​വ് ആ​ഘോ​ഷ​മാ​ക്കി സൂ​പ്പ​ർ കിം​ഗ്സ്

തിരുന്പി വന്തിട്ടേന്നു സൊല്ല്..! ഐപിഎൽ തിരിച്ചുവരവ് ആഘോഷമാക്കി സൂപ്പർ കിംഗ്സ്

മുംബൈ: ഒരിടവേളയ്ക്കുശേഷമുള്ള ഐപിഎൽ തിരിച്ചുവരവ് എം.എസ്. ധോണിയുടെ ചെന്നൈ സൂപ്പർ കിംഗ്സ് ആഘോഷമാക്കി. അവസാന ഓവറിലേക്കു നീണ്ട മത്സരത്തിൽ മുബൈ ഇന്ത്യൻസിനെ ഒരു വിക്കറ്റിനു പരാജയപ്പെടുത്തിയാണ് ചെന്നൈ പതിനൊന്നാം എഡിഷനിലെ ആദ്യ വിജയം സ്വന്തം പേരിൽ എഴുതിയത്.

118/8 എന്ന നിലയിൽ പരാജയം മുന്നിൽക്കണ്ട ചെന്നൈയെ ഡ്വെയ്ൻ ബ്രാവോയുടെ തകർപ്പൻ ഇന്നിംഗ്സ് രക്ഷപ്പെടുത്തുകയായിരുന്നു. 30 പന്ത് നേരിട്ട ബ്രാവോ 68 റണ്‍സ് നേടി. മൂന്നു ബൗണ്ടറികളും ഏഴു സിക്സറുകളും ബ്രാവോയുടെ ബാറ്റിൽനിന്നു പിറന്നു.

18-ാം ഓവറിന്‍റെ അവസാന പന്തിൽ ബ്രാവോ പുറത്തായെങ്കിലും അവസാന ഓവറിൽ ജയിക്കാൻ ആവശ്യമായിരുന്ന ഏഴു റണ്‍സ് കേദാർ യാദവിന്‍റെ ബാറ്റിൽനിന്നു പിറന്നു. യാദവ് 22 പന്തിൽനിന്ന് 24 റണ്‍സുമായി പുറത്താകാതെനിന്നു. മറ്റാർക്കും ചെന്നൈ നിരയിൽ മികച്ച പ്രകടനത്തിനു കഴിഞ്ഞില്ല. മുംബൈക്കായി ഹാർദിക് പാണ്ഡ്യ, മായങ്ക് മാർക്കണ്ഡെ എന്നിവർ മൂന്നു വിക്കറ്റ് വീതം നേടി.

നേരത്തെ, ടോസ് നഷ്ടപ്പെട്ടു ബാറ്റിംഗിനിറങ്ങിയ മുംബൈ നിശ്ചിത ഓവറിൽ നാലു വിക്കറ്റ് നഷ്ടത്തിൽ 165 റണ്‍സ് നേടി. സൂര്യകുമാർ യാദവ്, കൃണാൽ പാണ്ഡ്യ, ഇഷാൻ കിഷൻ എന്നിവരുടെ മികച്ച പ്രകടനങ്ങളാണ് മുംബൈക്കു ഭേദപ്പെട്ട സ്കോർ സമ്മാനിച്ചത്.

ബാറ്റിംഗ് ആരംഭിച്ച് തുടക്കത്തിൽതന്നെ മുംബൈക്ക് ഓപ്പണർ എവിൻ ലെവിസി(0)നെ നഷ്ടപ്പെട്ടു. ദീപക് ചഹറിനായിരുന്നു വിക്കറ്റ്. നായകൻ രോഹിത് ശർമ(18 പന്തിൽ 15) പിന്നാലെ മടങ്ങി. ഇതിനുശേഷം ഒത്തുചേർന്ന ഇഷാൻ കിഷൻ-സൂര്യകുമാർ കൂട്ടുകെട്ട് മുംബൈയെ ഭേദപ്പെട്ട നിലയിലേക്കു നയിച്ചു.

സ്കോർ 98ൽ സൂര്യകുമാറും 113ൽ ഇഷാനും പുറത്തായി. സൂര്യകുമാർ 29 പന്തിൽനിന്നു 43 റണ്‍സ് നേടിയപ്പോൾ അത്രയുംതന്നെ പന്തിൽനിന്ന് 40 റണ്‍സായിരുന്നു ഇഷാൻ കിഷന്‍റെ സന്പാദ്യം. ഇതിനുശേഷം എത്തിയ ഹാർദിക് പാണ്ഡ്യ-കൃണാൽ പാണ്ഡ്യ കൂട്ടുകെട്ട് കൂടുതൽ നഷ്ടംകൂടാതെ മുംബൈയെ 150 കടത്തി. കൃണാൽ പാണ്ഡ്യ 22 പന്തിൽനിന്ന് 41 റണ്‍സ് നേടി.

ഹാർദികിനാകട്ടെ 20 പന്തിൽനിന്ന് 22 റണ്‍സ് മാത്രമാണ് നേടാൻ കഴിഞ്ഞത്. ചെന്നൈ സൂപ്പർ കിംഗ്സിനായി ഷെയ്ൻ വാട്സണ്‍ രണ്ടും ഇമ്രാൻ താഹിർ, ദീപക് ചഹർ എന്നിവർ ഓരോ വിക്കറ്റും നേടി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.