ദീപികയ്ക്ക് അഭിമാന നിമിഷം : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

ദീപികയ്ക്ക് അഭിമാന നിമിഷം

കോട്ടയം: ബ്രിട്ടനിലെ പ്രസ്റ്റൺ സീറോ മലബാർ രൂപതാധ്യക്ഷനായി മാർ ജോസഫ് സ്രാമ്പിക്കലിനെ നിയമിച്ചുകൊണ്ടുള്ള പ്രഖ്യാപനം ദീപികയ്ക്കും അഭിമാന നിമിഷമായി. ഏറെക്കാലം ദീപികയ്ക്കുവേണ്ടി വത്തിക്കാനിൽ നിന്നുള്ള വാർത്തകൾ ഫാ. ജോസഫ് സ്രാമ്പിക്കൽ റിപ്പോർട്ട് ചെയ്തിരുന്നു.

റോമിലെ പൊന്തിഫിച്ചെ കോളിജിയോ ഉർബാനയുടെ വൈസ് റെക്ടർ എന്ന നിലയിലുള്ള ഔദ്യോഗിക തിരക്കുകൾക്കിടയിലും ഫാ. ഐസക്ക് ആരിക്കാപ്പള്ളി സിഎം ഐക്കൊപ്പം ദീപികയ്ക്കു വാർത്തകൾ നൽകാൻ അദ്ദേഹം സമയം കണ്ടെത്തി.

വത്തിക്കാനിൽ ഫ്രാൻസിസ് മാർപാപ്പ കരുണയുടെ വർഷം പ്രഖ്യാപിച്ച വേളയിൽ അതുസംബന്ധിച്ച വാർത്ത അദ്ദേഹമാണു ദീപികയ്ക്കുവേണ്ടി റിപ്പോർട്ടു ചെയ്തത്.

ലളിതവും സുന്ദരവുമായ ഭാഷയിൽ അച്ചടിച്ചുവന്ന ആ വാർത്തകൾ ഏറെ ശ്രദ്ധിക്കപ്പെടുകയും ചെയ്തു. നവ സുവിശേഷവത്കരണത്തിനായുള്ള സുപ്രധാന പൊന്തിഫിക്കൽ കൗൺസിൽ, കത്തോലിക്കാ– ഓർത്തഡോക്സ് ചർച്ചകൾ, റോമിലെ കൊളോസിയത്തിൽ മാർപാപ്പയുടെ നേതൃത്വത്തിൽ നടന്ന കുരിശിന്റെ വഴി തുടങ്ങി നിരവധി സംഭവങ്ങൾ അദ്ദേഹത്തിലൂടെയാണു ദീപിക വായനക്കാർ അറിഞ്ഞത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.