സിംഹത്തെ തലോടിയ റഗ്ബി താരത്തിന് കിട്ടിയ പണി; ഞെട്ടിക്കുന്ന വീഡിയോ

Wednesday, October 4, 2017 4:21 AM IST

മൃഗശാലകളിൽ എപ്പോഴും കാണുന്ന മുന്നറി‍യിപ്പാണ് മൃഗങ്ങളെ തൊടരുത്, അവയ്ക്ക് ഭക്ഷണം നല്കാൻ ശ്രമിക്കരുത് എന്ന്. അങ്ങനെ ചെയ്താലുണ്ടാകുന്ന ഭവിഷ്യത്തുകൾ അറിഞ്ഞുകൊണ്ടുതന്നെയാണ് മുന്നറിയിപ്പ് നല്കുന്നതും. പക്ഷെ രാജ്യാന്തര റഗ്ബി ടീമായ വെയിൽസ് യൂണിയന്‍റെ മികച്ച കളിക്കാരിലൊരാളായ സ്കോട്ട് ബാഡ്‌വിന് അത് അറിയില്ലായിരുന്നുവെന്നു തോന്നുന്നു. എന്നാൽ നല്ലൊരു അനുഭവം ലഭിച്ചപ്പോൾ പൂർണമായും അദ്ദേഹത്തിന് കാര്യത്തിന്‍റെ ഗൗരവം മനസിലാകുകയും ചെയ്തു.

റഗ്ബി മത്സരത്തിനായി ദക്ഷിണാഫ്രിക്കയിലെത്തിയപ്പോഴാണ് സ്കോട്ടിനും മറ്റ് കളിക്കാർക്കും ജോഹന്നാസ് ബർഗിനു സമീപമുള്ള മൊബാന ഗെയിം ലോഡ്ജിലെ സിംഹങ്ങളെ വളർത്തുന്ന പാർക്ക് സന്ദർശിക്കണമെന്ന് ആഗ്രഹം തോന്നിയത്. പാർക്കിനുള്ളിലെ കാഴ്ചകൾ കണ്ടു നീങ്ങുന്നതിനിടയിലാണ് കൂടിനുള്ളിൽ പതുങ്ങിക്കിടന്ന സിംഹത്തെ തലോടണമെന്ന ആഗ്രഹം സ്കോട്ടിന്‍റെ ഉള്ളിൽ തലപൊക്കുന്നത്. മാത്രമല്ല ഈ ദൃശ്യങ്ങൾ പകർത്താൻ അദ്ദേഹം തന്‍റെ സുഹൃത്തിനെ ചുമതലപ്പെടുത്തുകയും ചെയ്തു.

സ്കോട്ടിന്‍റെ തലോടൽ സിംഹത്തിന് അത്രപിടിച്ചില്ല. അദ്ദേഹത്തിന്‍റെ കൈയിൽ ആഞ്ഞൊരു കടി കൊടുത്തു. പെട്ടെന്ന് തന്നെ സിംഹം കടിവിട്ടതിനാൽ മുറിവ് രണ്ടു സ്റ്റിച്ചിൽ നിന്നു.

താൻ ചെയ്തതു പോലത്തെ മണ്ടത്തരം മറ്റാരും ചെയ്യരുതെന്ന് പറയുന്നതിനൊപ്പം പരിക്കുമൂലം തനിക്ക് കളിക്കാൻ കഴിയാതിരുന്നതിന് ആരാധകരോട് മാപ്പും പറഞ്ഞ് സ്കോട്ട് തന്നെയാണ് ഈ അപകടത്തിന്‍റെ ദൃശ്യങ്ങൾ ട്വിറ്ററിൽ പങ്കുവെച്ചത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.