അൽത്താഫ് സലിം, അനാർക്കലി മരിക്കാർ എന്നിവരെ കേന്ദ്ര കഥാപാത്രങ്ങളാക്കി വിനോദ് ലീല തിരക്കഥയെഴുതി സംവിധാനം ചെയ്യുന്ന "മന്ദാകിനി' എന്ന ചിത്രത്തിന്റെ ലിറിക്കൽ വീഡിയോ ഗാനം റിലീസ് ചെയ്തു. വൈശാഖ് സുഗുണൻ എഴുതിയ വരികൾക്ക് ബിബിൻ അശോക് സംഗീതം പകർന്ന് ഡബേസി ആലപിച്ച "വട്ടേപ്പം...' എന്ന് തുടങ്ങുന്ന ഗാനമാണ് അണിയറ പ്രവർത്തകർ പുറത്തുവിട്ടിരിക്കുന്നത്.
സ്പൈർ പ്രൊഡക്ഷൻസിന്റെ ബാനറിൽ സഞ്ജു ഉണ്ണിത്താൻ നിർമിക്കുന്ന ഈ ചിത്രത്തിന്റെ ഛായാഗ്രഹണം ഷിജു എം. ബാസ്കറാണ്. ഛായാഗ്രാഹകനും ശാലുവും ചേർന്നാണ് കഥ ഒരുക്കിയത്. ബിബിൻ അശോക് സംഗീതം ഒരുക്കുന്ന ഈ ചിത്രം കോമഡി എന്റർടെയ്നറാണ് ഒരുക്കുന്നത്.
അൽത്താഫ് സലിമിനൊപ്പം മലയാള സിനിമയിലെ പ്രമുഖ സംവിധായകരായ ലാൽ ജോസ്, ജൂഡ് ആന്തണി ജോസഫ്, ജിയോ ബേബി, അജയ് വാസുദേവ് എന്നിവരും സുപ്രധാന വേഷങ്ങളിലെത്തുന്നു എന്ന പ്രത്യേകത ഈ ചിത്രത്തിനുണ്ട്.
ആരോമൽ എന്ന കഥാപാത്രമായി അൽത്താഫ് വേഷമിടുന്ന ചിത്രത്തിൽ നായിക അമ്പിളി എന്ന കഥാപാത്രത്തെയാണ് അനാർക്കലി അവതരിപ്പിക്കുന്നത്. മേയ് 24ന് ചിത്രം തീയറ്ററുകളിൽ എത്തും.
ഗണപതി, ജാഫർ ഇടുക്കി, സരിത കുക്കു, വിനീത് തട്ടിൽ, അശ്വതി ശ്രീകാന്ത്, കുട്ടി അഖിൽ, അഖില നാഥ്, ഗിന്നസ് വിനോദ്, രശ്മി അനിൽ, ബബിത ബഷീർ, പ്രതീഷ് ജേക്കബ്, അമ്പിളി സുനിൽ, അഖിൽ ഷാ, അജിം ഷാ തുടങ്ങിയ താരനിരയും ചിത്രത്തിലുണ്ട്.
എക്സിക്യൂട്ടീവ് പ്രൊഡ്യുസർ - ബിനു നായർ, ചിത്രസംയോജനം - ഷെറിൽ, കലാസംവിധാനം - സുനിൽ കുമാരൻ, വസ്ത്രാലങ്കാരം - ബബിഷ കെ രാജേന്ദ്രൻ, മേക്കപ്പ് - മനു മോഹൻ, പ്രൊഡക്ഷൻ കൺട്രോളർ - ഷിഹാബ് വെണ്ണല, പ്രൊജക്ട് ഡിസൈനർ - സൗമ്യത വർമ, സൗണ്ട് ഡിസൈൻ - രംഗനാഥ് രവി, ചീഫ് അസോസിയേറ്റ് ഡയറക്ടർ - ഏബിൾ കൗസ്തുഭം, പ്രൊഡക്ഷൻ എക്സിക്യൂട്ടീവ് - വിനോദ് വേണുഗോപാൽ, പ്രൊഡക്ഷൻ മാനേജർ - ആന്റണി തോമസ്, മനോജ് സ്റ്റിൽസ് - ഷൈൻ ചെട്ടികുളങ്ങര, പോസ്റ്റർ ഡിസൈൻ - ഓൾഡ് മങ്ക്സ്, മീഡിയ കോഡിനേറ്റർ - ശബരി, ഡിസ്ട്രീബ്യൂഷൻ ഹെഡ് - പ്രദീപ് മേനോൻ, പിആർഒ - എ.എസ്. ദിനേശ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.