ദുരന്തബാധിതർക്കു ജപ്തിനോട്ടീസോ?
പ്ര​ള​യ​ബാ​ധി​ത​രു​ടെ വാ​യ്പാ കു​ടി​ശി​ക​യു​ടെ പേ​രി​ലു​ള്ള റി​ക്ക​വ​റി ന​ട​പ​ടി​ക​ൾ നി​ർ​ത്തി​വ​യ്ക്കാ​ൻ ബാ​ങ്ക് അ​ധി​കൃ​ത​ർ ത​യാ​റാ​ക​ണം

പ്ര​ള​യം ദു​ര​ന്തം വി​ത​ച്ച കൂ​ട്ടി​ക്ക​ൽ, കൊ​ക്ക​യാ​ർ പ​ഞ്ചാ​യ​ത്തു​ക​ളി​ലെ അ​ന്പ​തി​ല​ധി​കം കു​ടും​ബ​ങ്ങ​ൾ​ക്കു ജ​പ്തി നോ​ട്ടീ​സ​യ​ച്ച വി​വി​ധ ബാ​ങ്കു​ക​ളു​ടെ ന​ട​പ​ടി വ​ലി​യ പ്ര​തി​ഷേ​ധ​ത്തി​ന് ഇ​ട​യാ​ക്കി​യി​രി​ക്കു​ക​യാ​ണ്. അ​പ്ര​തീ​ക്ഷി​ത പ്ര​ള​യ​ത്തി​ലും ഉ​രു​ൾ​പൊ​ട്ട​ലി​ലും കി​ട​പ്പാ​ട​വും വ​സ്തു​വ​ക​ക​ളും ജീ​വ​നോ​പാ​ധി​ക​ളും ത​ക​ർ​ത്തെ​റി​യ​പ്പെ​ട്ട​വ​ർ​ക്കു ജ​പ്തി നോ​ട്ടീ​സ് ന​ൽ​കി​യ​തു മ​നു​ഷ്യ​ത്വ​ര​ഹി​ത​മാ​യ ന​ട​പ​ടി​യാ​യി ആ​ർ​ക്കും തോ​ന്നും.

സാ​ങ്കേ​തി​ക കാ​ര​ണ​ങ്ങ​ൾ പ​റ​ഞ്ഞൊ​ന്നും ഈ ​ന​ട​പ​ടി​യെ ന്യാ​യീ​ക​രി​ക്കാ​ൻ ക​ഴി​യി​ല്ല. ദു​ര​ന്ത​ത്തി​ന്‍റെ ആ​ഘാ​ത​ത്തി​ൽ​നി​ന്നു ക​ര​ക​യ​റാ​ൻ ശ്ര​മി​ക്കു​ന്ന​വ​ർ​ക്കു നോ​ട്ടീ​സ് അ​യ​യ്ക്കും​മു​ന്പ് അ​ല്പം സാ​വ​കാ​ശം ന​ൽ​കാ​ൻ ബാ​ങ്കു​ക​ൾ​ക്കു ക​ഴി​യു​മാ​യി​രു​ന്നി​ല്ലേ? ഒൗ​ദ്യോ​ഗി​ക ന​ട​പ​ടി​ക​ൾ​ക്കു മാ​നു​ഷി​ക​മു​ഖം ന​ഷ്ട​പ്പെ​ടു​ന്പോ​ഴാ​ണു സാ​ധാ​ര​ണ​ജ​ന​ങ്ങ​ൾ​ക്കു വ്യ​വ​സ്ഥാ​പി​ത ഭ​ര​ണ​ക്ര​മ​ങ്ങ​ളി​ലു​ള്ള വി​ശ്വാ​സം ന​ഷ്ട​പ്പെ​ടു​ന്ന​ത്. പ്ര​ള​യ​ബാ​ധി​ത​രു​ടെ വാ​യ്പാ കു​ടി​ശി​ക​യു​ടെ പേ​രി​ലു​ള്ള റി​ക്ക​വ​റി ന​ട​പ​ടി​ക​ൾ നി​ർ​ത്തി​വ​യ്ക്കാ​ൻ ബാ​ങ്ക് അ​ധി​കൃ​ത​ർ ത​യാ​റാ​ക​ണം.

കോ​വി​ഡി​നെ​ത്തു​ട​ർ​ന്നു ക​ഴി​ഞ്ഞ ര​ണ്ടു​വ​ർ​ഷ​മാ​യി മാ​സ​ശ​ന്പ​ള​ക്കാ​ർ ഒ​ഴി​കെ​യു​ള്ള സാ​ധാ​ര​ണ​ക്കാ​രെ​ല്ലാം വ​ലി​യ സാ​ന്പ​ത്തി​ക പ്ര​തി​സ​ന്ധി​യി​ലാ​ണ്. അ​തി​നി​ടെ​യാ​ണ് കൂ​ട്ടി​ക്ക​ൽ -കൊ​ക്ക​യാ​ർ മേ​ഖ​ല​ക​ളി​ൽ 2021 ഒ​ക്ടോ​ബ​ർ 16ന് ​അ​തി​ത്രീ​വ്ര​മ​ഴ​യും ഉ​രു​ൾ​പൊ​ട്ട​ലു​മു​ണ്ടാ​യ​ത്.

പ​തി​മൂ​ന്നു​പേ​ർ മ​രി​ച്ചു. നൂ​റു​ക​ണ​ക്കി​നാ​ളു​ക​ളു​ടെ വീ​ടും കൃ​ഷി​സ്ഥ​ല​ങ്ങ​ളും ത​ക​രു​ക​യും ജീ​വ​നോ​പാ​ധി​ക​ൾ ഇ​ല്ലാ​താ​കു​ക​യും ചെ​യ്തു. സാ​ധാ​ര​ണ​ക്കാ​ർ ചെ​യ്യു​ന്ന​തു​പോ​ലെ ഇ​വി​ടെ​യും നി​ര​വ​ധി​പേ​ർ വീ​ടും സ്ഥ​ല​വും പ​ണ​യം വ​ച്ച് കാ​ർ​ഷി​ക വാ​യ്പ​യും ഭ​വ​ന​വാ​യ്പ​യും ചെ​റു​കി​ട സം​രം​ഭ വാ​യ്പ​യു​മൊ​ക്കെ എ​ടു​ത്തി​ട്ടു​ണ്ട്. അ​താ​ണു പി​ഴ​യും പി​ഴ​പ്പ​ലി​ശ​യും കൂ​ട്ടു​പ​ലി​ശ​യും ചേ​ർ​ന്നു വ​ൻ​തു​ക​യാ​യി മാ​റി ജ​പ്തി​ന​ട​പ​ടി​ക​ളി​ലേ​ക്കു നീ​ങ്ങി​യ​ത്. കൃ​ഷി​യി​ൽ​നി​ന്നോ ബി​സി​ന​സി​ൽ​നി​ന്നോ സം​രം​ഭ​ത്തി​ൽ​നി​ന്നോ ആ​ദാ​യം ല​ഭി​ച്ചു​തു​ട​ങ്ങു​ന്പോ​ൾ തി​രി​ച്ച​ട​യ്ക്കാ​മെ​ന്ന ക​ണ​ക്കു​കൂ​ട്ട​ലി​ലാ​ണ് എ​ല്ലാ​വ​രും വാ​യ്പ​യെ​ടു​ക്കു​ക.

പ്ര​കൃ​തി​ദു​ര​ന്ത​ത്തി​ൽ എ​ല്ലാം ന​ഷ്ട​പ്പെ​ടു​ന്ന​വ​ർ​ക്കു കൃ​ത്യ​സ​മ​യ​ത്തു വാ​യ്പ തി​രി​ച്ച​ട​യ്ക്കാ​ൻ ക​ഴി​യാ​തെ വ​രു​ന്ന​തു സ്വാ​ഭാ​വി​കം. അ​തു മ​ന​സി​ല്ലാ​ത്ത​തു​കൊ​ണ്ട​ല്ല, മാ​ർ​ഗ​മി​ല്ലാ​ത്ത​തു​കൊ​ണ്ടാ​ണ്. കൊ​ടു​ത്ത വാ​യ്പ പ​ലി​ശ​സ​ഹി​തം തി​രി​ച്ചു​പി​ടി​ക്കേ​ണ്ട​തു ബാ​ങ്ക് അ​ധി​കൃ​ത​രു​ടെ ക​ട​മ​യാ​ണ് എ​ന്ന​തും വാ​സ്ത​വം. പ​ക്ഷേ പ്ര​കൃ​തി​ദു​ര​ന്തം പോ​ലു​ള്ള പ്ര​ത്യേ​ക സാ​ഹ​ച​ര്യ​ങ്ങ​ളി​ൽ സ​ഹാ​നു​ഭൂ​തി​യോ​ടെ പെ​രു​മാ​റാ​നു​ള്ള വി​വേ​കം ബാ​ങ്കു​ക​ൾ​ക്കു​ണ്ടാ​ക​ണം. ബാ​ങ്കു​ക​ളു​ടെ ത​ല​പ്പ​ത്തി​രി​ക്കു​ന്ന​വ​രാ​ണ് ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്കേ​ണ്ട​ത്.

സ​ർ​ക്കാ​രി​ന്‍റെ ഇ​ട​പെ​ട​ലു​ക​ളും ഇ​ക്കാ​ര്യ​ത്തി​ലു​ണ്ടാ​ക​ണം. കൂ​ട്ടി​ക്ക​ൽ- കൊ​ക്ക​യാ​ർ മേ​ഖ​ല​യി​ൽ പ്ര​ള​യ​മു​ണ്ടാ​യി ആ​റു​മാ​സം ക​ഴി​ഞ്ഞി​ട്ടും പു​ന​രു​ജ്ജീ​വ​ന ന​ട​പ​ടി​ക​ൾ ഇ​ഴ​ഞ്ഞു​നീ​ങ്ങു​ക​യാ​ണ്. പ്ര​ള​യ​ബാ​ധി​ത​ർ​ക്ക് എ​ല്ലാ സ​ഹാ​യ​വും ചെ​യ്തു​കൊ​ടു​ക്കു​ന്നു​ണ്ടെ​ന്ന് അ​ധി​കാ​രി​ക​ൾ അ​വ​കാ​ശ​പ്പെ​ടു​ന്പോ​ഴും ദു​ര​ന്ത​മേ​ഖ​ല​യി​ലെ അ​വ​സ്ഥ പ​രി​താ​പ​ക​ര​മാ​ണെ​ന്നു പ്ര​ദേ​ശ​വാ​സി​ക​ൾ ചൂ​ണ്ടി​ക്കാ​ട്ടു​ന്നു.

ത​ക​ർ​ന്ന പാ​ല​ങ്ങ​ളു​ടെ​യും റോ​ഡു​ക​ളു​ടെ​യും നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ഒ​ന്നു​മാ​യി​ട്ടി​ല്ല. ക​ർ​ഷ​ക​ർ പ​ല​രു​ടെ​യും കൃ​ഷി​ഭൂ​മി പൂ​ർ​ണ​മാ​യി ഒ​ലി​ച്ചു​പോ​യ​തി​നാ​ൽ അ​വ​ർ​ക്കു വ​രു​മാ​നം ഇ​ല്ലാ​താ​യി. കൃ​ഷി​യു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​ന​ങ്ങ​ൾ നി​ല​ച്ച​തോ​ടെ ക​ർ​ഷ​ക​ത്തൊ​ഴി​ലാ​ളി​ക​ളു​ടെ ജീ​വി​ത​മാ​ർ​ഗ​വും അ​ട​ഞ്ഞു. ഉ​ൾ​പ്ര​ദേ​ശ​ങ്ങ​ളി​ലേ​ക്കു​ള്ള റോ​ഡു​ക​ൾ ത​ക​ർ​ന്നു ഗ​താ​ഗ​തം ത​ട​സ​പ്പെ​ട്ടു കി​ട​ക്കു​ന്ന​തി​നാ​ൽ അ​തു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ വേ​റെ. തൊ​ഴി​ലു​റ​പ്പ് ജോ​ലി​യി​ൽ​നി​ന്നു കി​ട്ടു​ന്ന വ​രു​മാ​ന​വും റേ​ഷ​ൻ​ക​ട​യി​ൽ​നി​ന്നു കി​ട്ടു​ന്ന ഭ​ക്ഷ്യ​വ​സ്തു​ക്ക​ളും കൊ​ണ്ടാ​ണു പ​ല​രും ജീ​വി​തം മു​ന്നോ​ട്ടു​നീ​ക്കു​ന്ന​ത്. ഇ​തി​നി​ട​യി​ൽ ബാ​ങ്കു​വാ​യ്പ​ക​ൾ എ​ങ്ങ​നെ തി​രി​ച്ച​ട​യ്ക്കാ​നാ​ണ്? ക​ടം വീ​ട്ടാ​നാ​യി സ്ഥ​ലം വി​ല്ക്കാ​മെ​ന്നു വ​ച്ചാ​ൽ അ​തും ന​ട​ക്കി​ല്ല. പ്ര​ക്രൃ​തി​ദു​ര​ന്ത​ങ്ങ​ളു​ണ്ടാ​കാ​ത്ത സ്ഥ​ല​ങ്ങ​ളി​ലെ സാ​ധാ​ര​ണ​ക്കാ​ർ പോ​ലും വാ​യ്പ​ക​ൾ തി​രി​ച്ച​ട​യ്ക്കാ​ൻ ക്ലേ​ശി​ക്കു​ന്ന സ​മ​യ​മാ​ണി​തെ​ന്ന് ഓ​ർ​ക്ക​ണം.

ജ​പ്തി​നോ​ട്ടീ​സു​ക​ൾ അ​യ​ച്ച​തു വ​ർ​ഷാ​ന്ത്യ​ത്തി​ലെ സാ​ധാ​ര​ണ ന​ട​പ​ടി​ക്ര​മം മാ​ത്ര​മാ​ണെ​ന്നു ചി​ല ബാ​ങ്കു​ക​ൾ വി​ശ​ദീ​ക​രി​ച്ചി​ട്ടു​ണ്ട്. പ​ക്ഷേ അ​തി​നു​മി​ല്ലേ ഒ​രു ഒൗ​ചി​ത്യം? ആ​രെ​യും ഇ​റ​ക്കി​വി​ടി​ല്ലെ​ന്ന് ബാ​ങ്ക് അ​ധി​കൃ​ത​ർ പ​റ​യു​ന്നു​ണ്ടെ​ങ്കി​ലും വാ​യ്പ തി​രി​ച്ച​ട​യ്ക്കാ​ൻ നി​ർ​വാ​ഹ​മി​ല്ലാ​ത്ത​വ​രു​ടെ കാ​ര്യ​ത്തി​ൽ അ​ധി​കൃ​ത​ർ ഇ​ട​പെ​ട്ട് യു​ക്ത​മാ​യ തീ​രു​മാ​ന​ങ്ങ​ൾ ഉ​ണ്ടാ​ക്കേ​ണ്ട​തു​ണ്ട്. വാ​യ്പ തി​രി​ച്ച​ട​യ്ക്കാ​ൻ ആ​വ​ശ്യ​മാ​യ സാ​വ​കാ​ശം അ​നു​വ​ദി​ക്ക​ണം.

പ്ര​ള​യ​ബാ​ധി​ത​ർ​ക്കു​ള്ള സ​ർ​ക്കാ​ർ സ​ഹാ​യ​ങ്ങ​ൾ ഇ​നി​യും കി​ട്ടാ​നു​ണ്ടെ​ങ്കി​ൽ അ​വ അ​ടി​യ​ന്ത​ര​മാ​യി ല​ഭ്യ​മാ​ക്ക​ണം. ദു​രി​ത​മ​നു​ഭ​വി​ക്കു​ന്ന​വ​രെ ചേ​ർ​ത്തു​പി​ടി​ച്ചു സം​ര​ക്ഷി​ക്കു​ന്ന പാ​ര​ന്പ​ര്യ​മാ​ണു കേ​ര​ള​ത്തി​നു​ള്ള​ത്. ദു​ര​ന്ത​നാ​ളു​ക​ളി​ൽ ര​ക്ഷാ​പ്ര​വ​ർ​ത്ത​ന​ത്തി​നു സ​ർ​ക്കാ​രും സ​മൂ​ഹ​വും കാ​ട്ടി​യ ക​രു​ത​ലും ശു​ഷ്കാ​ന്തി​യും പു​ന​രു​ജ്ജീ​വ​ന പ്ര​വ​ർ​ത്ത​ന​ങ്ങ​ളി​ൽ ഉ​ണ്ടാ​കു​ന്നി​ല്ല എ​ന്ന​തു വാ​സ്ത​വ​മാ​ണ്. അ​തു മ​നഃ​പൂ​ർ​വ​മ​ല്ലാ​യി​രി​ക്കാം. ത​ക​ർ​ന്ന റോ​ഡു​ക​ളും പാ​ല​ങ്ങ​ളും ന​ന്നാ​ക്കാ​ൻ അ​ടി​യ​ന്ത​ര ന​ട​പ​ടി​ക​ൾ ആ​വ​ശ്യ​മാ​ണ്.

ദു​ര​ന്ത​മേ​ഖ​ല​യി​ലെ പു​ന​രു​ജ്ജീ​വ​ന പ്ര​വ​ർ​ത്ത​ന​ങ്ങ​ൾ ഉ​ദ്യോ​ഗ​സ്ഥ​രു​ടെ അ​നാ​വ​ശ്യ ന​ട​പ​ടി​ക്ര​മ​ങ്ങ​ളി​ലും ചു​വ​പ്പു​നാ​ട​യി​ലും കു​ടു​ങ്ങാ​തെ യ​ഥാ​സ​മ​യം ന​ട​ക്കു​ന്നു​ണ്ടെ​ന്ന് സ​ർ​ക്കാ​ർ ഉ​റ​പ്പു​വ​രു​ത്ത​ണം. 2018-ലെ ​മ​ഹാ​പ്ര​ള​യ​ത്തി​നു​ശേ​ഷം സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ച റീ​ബി​ൽ​ഡ് കേ​ര​ള പ​ദ്ധ​തി എ​ങ്ങു​മെ​ത്തി​യി​ല്ല എ​ന്ന​ത് ഇ​വി​ട​ത്തെ സ​ർ​ക്കാ​ർ സം​വി​ധാ​ന​ങ്ങ​ളു​ടെ കാ​ര്യ​ക്ഷ​മ​ത​യി​ല്ലാ​യ്മ​യ്ക്ക് ഉ​ദാ​ഹ​ര​ണ​മാ​യി നി​ൽ​ക്കു​ന്നു​ണ്ട്.
Copyright @ 2022 , Rashtra Deepika Ltd.