അ​ർ​ജു​നു​വേ​ണ്ടി ന​ട​ത്തി​യ ദീ​ർ​ഘ​മാ​യ ര​ക്ഷാ​പ്ര​വ​ർ​ത്ത​നം ഇഛാ​ശ​ക്തി​യു​ള്ള സ​ർ​ക്കാ​രു​ക​ളു​ടെ​യും ന​ന്മ​യു​ള്ള മ​നു​ഷ്യ​രു​ടെ​യും ക​ഠി​നാ​ധ്വാ​ന​ങ്ങ​ളെ അ​ട​യാ​ള​പ്പെ​ടു​ത്തി​യി​രി​ക്കു​ന്നു. ചെ​റി​യ വീ​ഴ്ച​ക​ളെ തി​രു​ത്തി​യാ​ൽ ഈ ​മാ​തൃ​ക ര​ക്ഷാ​പ്ര​വ​ർ​ത്ത​ന​ത്തി​നു മാ​ത്ര​മ​ല്ല, മ​നു​ഷ്യ​പു​രോ​ഗ​തി​ക്കും ഉ​പ​യോ​ഗ​പ്പെ​ടു​ത്താം.

ദു​ര​ന്ത​ത്തി​ന്‍റെ മ​ണ്ണി​ടി​ച്ചു നി​ഗൂ​ഢ​ത​യു​ടെ മ​ഹാ​ന​ദി​യി​ലൊ​ളി​പ്പി​ച്ച അ​ർ​ജു​ന്‍റെ ദേ​ഹം ഒ​ടു​വി​ൽ പ്ര​കൃ​തി മ​നു​ഷ്യ​ർ​ക്കു വി​ട്ടു​കൊ​ടു​ത്തി​രി​ക്കു​ന്നു. സ​ഹ​ജീ​വി​ക്കു​വേ​ണ്ടി ഒ​രു​പ​റ്റം മ​നു​ഷ്യ​ർ ന​ട​ത്തി​യ തെ​ര​ച്ചി​ലും ക​രു​ത​ലും കാ​ത്തി​രി​പ്പും ച​രി​ത്ര​മാ​യി. ജൂ​ലൈ 16നു ​മ​ണ്ണി​ടി​ച്ചി​ലി​ൽ കാ​ണാ​താ​യ അ​ർ​ജു​നെ ലോ​റി സ​ഹി​തം ഗം​ഗാ​വ​ലി​പ്പു​ഴ​യു​ടെ ആ​ഴ​ങ്ങ​ളി​ൽ​നി​ന്ന് ഉ​യ​ർ​ത്തി​യെ​ടു​ത്ത​പ്പോ​ൾ കേ​ര​ള​ത്തി​ന്‍റെ ക​ണ്ണു​ക​ൾ ഈ​റ​നാ​യി. ക​ണ്ണീ​ർ തു​ട​ച്ചു​കൊ​ണ്ട് ലോ​റി​യു​ട​മ മ​നാ​ഫ് പ​റ​ഞ്ഞ വാ​ക്കു​ക​ൾ​കൊ​ണ്ട​ല്ലാ​തെ ഈ ​വീ​ണ്ടെ​ടു​പ്പി​നെ വി​ശ​ദീ​ക​രി​ക്കാ​നാ​വി​ല്ല; ""സ​ന്തോ​ഷ​മി​ല്ല, പ​ക്ഷേ, സ​മാ​ധാ​ന​മു​ണ്ട്.’’

ജൂ​ലൈ എ​ട്ടി​നു കോ​ഴി​ക്കോ​ട് ക​ണ്ണാ​ടി​ക്ക​ലി​ലെ വീ​ട്ടി​ൽ​നി​ന്നു ക​ർ​ണാ​ട​ക​ത്തി​ലേ​ക്കു ലോ​റി​യു​മാ​യി പോ​യ അ​ർ​ജു​ൻ ലോ​ഡു​മാ​യി മ​ട​ങ്ങു​ന്ന​തി​നി​ടെ ക​ര്‍​ണാ​ട​ക-​ഗോ​വ അ​തി​ര്‍​ത്തി​യി​ലൂ​ടെ ക​ട​ന്നു​പോ​കു​ന്ന പ​ന്‍​വേ​ല്‍-​ക​ന്യാ​കു​മാ​രി ദേ​ശീ​യ​പാ​ത​യി​ലെ ഷി​രൂ​രി​ൽ ഉ​ണ്ടാ​യ മ​ണ്ണി​ടി​ച്ചി​ലി​ൽ പെ​ടു​ക​യാ​യി​രു​ന്നു. ജീ​വ​ന​ക്കാ​ർ വി​ശ്ര​മി​ക്കു​ന്ന​തി​നും ഭ​ക്ഷ​ണം ക​ഴി​ക്കു​ന്ന​തി​നും ലോ​റി​ക​ൾ നി​ർ​ത്തി​യി​ടു​ന്ന പ്ര​ദേ​ശ​ത്താ​ണ് മ​ണ്ണി​ടി​ഞ്ഞ​ത്.

ചാ​യ​ക്ക​ട ന​ട​ത്തി​യി​രു​ന്ന ല​ക്ഷ്മ​ൺ നാ​യി​ക്കി​ന്‍റെ കു​ടും​ബം ഉ​ൾ​പ്പെ​ടെ നി​ര​വ​ധി​പ്പേ​ർ മ​രി​ച്ചു. അ​ന്നു​മു​ത​ൽ പ​ല ഘ​ട്ട​ങ്ങ​ളാ​യി ന​ട​ത്തി​യ തെ​ര​ച്ചി​ലി​നൊ​ടു​വി​ൽ ഇ​ന്ന​ലെ ഉ​ച്ച​ക​ഴി​ഞ്ഞ് എ​സ്ഡി​ആ​ർ​എ​ഫ് ലോ​റി ക​ണ്ടെ​ത്തു​ക​യാ​യി​രു​ന്നു. ക​ർ​ണാ​ട​ക സ്വ​ദേ​ശി​ക​ളാ​യ ലോ​കേ​ഷ്, ജ​ഗ​ന്നാ​ഥ് എ​ന്നി​വ​ർ​ക്കു​വേ​ണ്ടി​യു​ള്ള തെ​ര​ച്ചി​ൽ തു​ട​രു​മെ​ന്ന് കാ​ർ​വാ​ർ എം​എ​ൽ​എ അ​റി​യി​ച്ചു.

ക​ഴി​ഞ്ഞ 72 ദി​വ​സം ക​ര​യി​ലും ആ​പ​ത്ക​ര​മാ​യ കു​ത്തൊ​ഴു​ക്കു​ള്ള ഗം​ഗാ​വ​ലി​പ്പു​ഴ​യി​ലും തെ​ര​ച്ചി​ൽ ന​ട​ത്തു​ന്പോ​ൾ അ​ർ​ജു​ന്‍റെ കു​ടും​ബ​ത്തോ​ടൊ​പ്പം നെ​ഞ്ചു​ല​ഞ്ഞു കാ​ത്തി​രു​ന്ന​വ​രി​ൽ ലോ​റി​യു​ട​മ മ​നാ​ഫു​മു​ണ്ടാ​യി​രു​ന്നു. ലോ​റി​യി​ൽ ക​ള്ള​ത്ത​ടി​യാ​യി​രു​ന്നു എ​ന്ന​തു​ൾ​പ്പെ​ടെ​യു​ള്ള നു​ണ​ക​ൾ പ്ര​ച​രി​പ്പി​ച്ച സ​മൂ​ഹ​മാ​ധ്യ​മ​ങ്ങ​ളി​ലെ സാ​മൂ​ഹി​ക​വി​രു​ദ്ധ​ർ​ക്കു മു​ന്നി​ലേ​ക്കാ​ണ് ആ ​ലോ​റി​യും അ​ർ​ജു​നും ഉ​യ​ർ​ന്നു​വ​ന്ന​ത്.

അ​തേ​ക്കു​റി​ച്ചു സൂ​ചി​പ്പി​ച്ചു​കൊ​ണ്ടാ​ണ് മ​നാ​ഫ് ത​നി​ക്കു സ​ന്തോ​ഷ​മി​ല്ല, സ​മാ​ധാ​ന​മു​ണ്ട് എ​ന്നു വി​തു​ന്പി​ക്കൊ​ണ്ടു പ​റ​ഞ്ഞ​ത്. അ​ർ​ജു​നൊ​പ്പം ത​ന്‍റെ ചോ​ദ്യം ചെ​യ്യ​പ്പെ​ട്ട സ​ത്യ​സ​ന്ധ​ത​യു​ടെ തെ​ളി​വു​കൂ​ടി​യാ​വാം ഇ​ന്ന​ലെ അ​ദ്ദേ​ഹം ക​ണ്ട​ത്. വി​ക​സി​ത​രാ​ജ്യ​ങ്ങ​ളി​ൽ​പോ ലും ​ഉ​പേ​ക്ഷി​ച്ചേ​ക്കാ​വു​ന്ന​ത്ര നീ​ണ്ട തെ​ര​ച്ചി​ലാ​ണ് ഇ​ട​വേ​ള​ക​ളു​ണ്ടാ​യി​രു​ന്നെ​ങ്കി​ലും അ​ർ​ജു​നു​വേ​ണ്ടി ഷി​രൂ​രി​ൽ ന​ട​ത്തി​യ​ത്. വി​ഫ​ല​ശ്ര​മ​ങ്ങ​ളു​ടെ കു​ത്തൊ​ഴു​ക്കി​ലും നി​രാ​ശ​യി​ൽ മു​ങ്ങാ​തെ തെ​ര​ച്ചി​ൽ തു​ട​ർ​ന്ന മ​നു​ഷ്യ​ർ ഷി​രൂ​രി​ൽ ച​രി​ത്ര​മെ​ഴു​തി. ചെ​റി​യ വീ​ഴ്ച​ക​ളൊ​ഴി​ച്ചാ​ൽ ഔ​ദ്യോ​ഗി​ക-​അ​നൗ​ദ്യോ​ഗി​ക സം​വി​ധാ​ന​ങ്ങ​ളെ​ല്ലാം സ​ജീ​വ​മാ​യി​രു​ന്നു.

തു​ട​ക്ക​ത്തി​ൽ ക​ർ​ണാ​ട​ക​ത്തി​ന്‍റെ ര​ക്ഷാ​പ്ര​വ​ർ​ത്ത​നം കാ​ര്യ​ക്ഷ​മ​മ​ല്ലെ​ന്ന പ​രാ​തി ഉ​യ​ർ​ന്നെ​ങ്കി​ലും അ​തു പ​രി​ഹ​രി​ക്ക​പ്പെ​ട്ടു. ചെ​യ്യാ​വു​ന്ന​തെ​ല്ലാം ചെ​യ്യു​മെ​ന്നു മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​ർ​ജു​ന്‍റെ വീ​ട്ടി​ലെ​ത്തി കു​ടും​ബാം​ഗ​ങ്ങ​ൾ​ക്ക് ഉ​റ​പ്പു​കൊ​ടു​ത്തി​രു​ന്നു. തെ​ര​ച്ചി​ൽ തു​ട​രു​മെ​ന്നും പ​ണ​ത്തെ​ക്കു​റി​ച്ച് ആ​ശ​ങ്ക​പ്പെ​ടേ​ണ്ടെ​ന്നു​മാ​ണ് കാ​ർ​വാ​ർ എം​എ​ൽ​എ സ​തീ​ഷ് കൃ​ഷ്ണ സെ​യി​ൽ ദി​വ​സ​ങ്ങ​ൾ​ക്കു മു​ന്പും ധൈ​ര്യ​പ്പെ​ടു​ത്തി​യ​ത്.

തെ​ര​ച്ചി​ൽ നി​ർ​ത്തി​ല്ലെ​ന്ന് പ​റ​ഞ്ഞ്, കേ​ര​ള​ത്തി​നും ക​ർ​ണാ​ട​ക സ​ർ​ക്കാ​രി​നു​മി​ട​യി​ൽ നി​ര​ന്ത​രം ആ​ശ​യ​വി​നി​മ​യം ന​ട​ത്തി​യ കോ​ഴി​ക്കോ​ട് എം.​പി. എം.​കെ. രാ​ഘ​വ​ൻ, സൈ​ന്യം, പോ​ലീ​സ്, സ​ന്ന​ദ്ധ​സം​ഘ​ട​ന​ക​ൾ, മ​ത്സ്യ​ത്തൊ​ഴി​ലാ​ളി​ക​ൾ, മു​ങ്ങ​ൽ വി​ദ​ഗ്ധ​നാ​യ ഈ​ശ്വ​ർ മ​ൽ​പെ, വി​വാ​ദ​ങ്ങ​ൾ​ക്ക് ഇ​ര​യാ​യെ​ങ്കി​ലും ത​ന്നാ​ലാ​കു​ന്ന പ​രി​ശ്ര​മ​ങ്ങ​ൾ ന​ട​ത്തി​യ ര​ക്ഷാ​പ്ര​വ​ർ​ത്ത​ക​ൻ ര​ഞ്ജി​ത് ഇ​സ്ര​യേ​ൽ ഇ​ങ്ങ​നെ നി​ര​വ​ധി മ​നു​ഷ്യ​ർ ഈ ​ര​ക്ഷാ​പ്ര​വ​ർ​ത്ത​ന​ത്തെ പ​ല​വി​ധ​ത്തി​ൽ മു​ന്നോ​ട്ടു കൊ​ണ്ടു​പോ​യ​വ​രാ​ണ്.

ഇ​തി​നി​ടെ, കാ​ല​താ​മ​സ​മി​ല്ലാ​തെ അ​ർ​ജു​ന്‍റെ ഭാ​ര്യ​ക്ക് സ​ഹ​ക​ര​ണ​ബാ​ങ്കി​ൽ ജൂ​ണി​യ​ർ ക്ലാ​ർ​ക്കാ​യി സ​ർ​ക്കാ​ർ താ​ത്കാ​ലി​ക നി​യ​മ​നം കൊ​ടു​ത്തു. അ​ർ​ജു​ൻ കേ​ര​ള​ത്തി​ലെ എ​ല്ലാ കു​ടും​ബ​ങ്ങ​ളി​ലെ​യും നൊ​ന്പ​ര​മാ​യി മാ​റി. അ​വ​രു​ടെ​യെ​ല്ലാം കാ​ത്തി​രി​പ്പി​നൊ​ടു​വി​ലാ​ണ് അ​ർ​ജു​ന്‍റെ മൃ​ത​ദേ​ഹ​മെ​ങ്കി​ലും ല​ഭി​ച്ച​ത്; ""സ​ന്തോ​ഷ​മി​ല്ലെ​ങ്കി​ലും സ​മാ​ധാ​ന​മു​ണ്ട്.''

കാ​ല​വ​ർ​ഷം ദു​ര​ന്ത​മാ​യി കേ​ര​ള​ത്തെ പ്ര​ഹ​രി​ച്ച ദി​വ​സ​ങ്ങ​ളാ​ണ് ക​ട​ന്നു​പോ​യ​ത്. മ​ഴ കു​ന്നു​ക​ളെ ഇ​ടി​ച്ചി​റ​ക്കി​യ ദി​വ​സ​മാ​യി​രു​ന്നു അ​ർ​ജു​നെ കാ​ണാ​താ​യ​ത്. ഇ​ന്ന​ലെ അ​ദ്ദേ​ഹ​ത്തി​ന്‍റെ മൃ​ത​ദേ​ഹം വീ​ണ്ടെ​ടു​ക്കു​ന്പോ​ഴും ഷി​രൂ​രി​ൽ മ​ഴ​യാ​യി​രു​ന്നു. ഇ​തി​നി​ടെ പെ​രു​മ​ഴ​യി​ലും ഉ​രു​ൾ​പൊ​ട്ട​ലി​ലും വ​യ​നാ​ട്ടി​ലെ മു​ണ്ട​ക്കൈ​യി​ലും ചൂ​ര​ൽ​മ​ല​യി​ലും കോ​ഴി​ക്കോ​ട് ജി​ല്ല​യി​ലെ വി​ല​ങ്ങാ​ട്ടു​മാ​യി നി​ര​വ​ധി മ​നു​ഷ്യ​ർ മ​രി​ച്ചു.

2018ലെ ​പ്ര​ള​യം മു​ത​ലി​ങ്ങോ​ട്ട് നാം ​കൈ​കോ​ർ​ത്തു നി​ന്ന​തു​കൊ​ണ്ടു മാ​ത്ര​മാ​ണ് ഇ​ത്ര​യെ​ങ്കി​ലും അ​തി​ജീ​വി​ക്കാ​നാ​യ​ത്. ന​മ്മ​ളെ​ഴു​തി​യ ച​രി​ത്ര​മാ​ണ​ത്. പ​ക്ഷേ, അ​തി​ന്‍റെ വ​രി​ക​ൾ​ക്കി​ട​യി​ൽ പ​രേ​ത​രു​ടെ സ​ങ്കീ​ർ​ത്ത​ന​മു​ണ്ട്; ഒ​രു മ​ഴ​യ​ത്ത് ഒ​ലി​ച്ചു​പോ​കാ​വു​ന്ന​ത്ര ചെ​റി​യ ആ​യു​സി​ന്‍റെ മ​ൺ​കൂ​ടാ​ര​ങ്ങ​ളെ​ക്കു​റി​ച്ച്. വെ​റു​പ്പി​ന്‍റെ​യും വി​ദ്വേ​ഷ​ത്തി​ന്‍റെ​യും ഒ​ഴു​ക്കി​ൽ​പ്പെ​ട്ട സാ​ഹോ​ദ​ര്യ​ത്തെ വീ​ണ്ടെ​ടു​ക്കാ​ൻ സ​മ​യം കു​റ​വാ​ണെ​ന്ന്.