എംജി യൂണിവേഴ്സിറ്റി സ്കൂൾ ഓഫ് മാനേജ്മെന്റ് ആൻഡ് ബിസിനസ് സ്റ്റഡീസിൽ 202122 അധ്യയനവർഷത്തിൽ എംബിഎ പ്രവേശനത്തിന് ഓണ്ലൈനായി അപേക്ഷിക്കുന്നതിനുള്ള തീയതി നീട്ടി. www.admission.mgu.ac.in എന്ന വെബ്സൈറ്റ് വഴിയും https://epay.mgu.ac.in/MGUMBA/ എന്ന ലിങ്ക് വഴിയും 20 വരെ ഓണ്ലൈനായി അപേക്ഷിക്കാം. ഫോണ്: 04812732288. ഇമെയിൽ:
[email protected] വിവിധ പഠനവകുപ്പുകളിലും ഇന്റർ സ്കൂൾ സെന്ററിലും നടത്തുന്ന വിവിധ എംഎ, എംഎസ്സി, എംടിടിഎം, എൽഎൽഎം, മാസ്റ്റർ ഓഫ് ഫിസിക്കൽ എഡ്യൂക്കേഷൻ ആൻഡ് സ്പോർട്സ്, എംഎഡ്, എംടെക്, ബിബിഎ, എൽഎൽബി എന്നീ പ്രോഗ്രാമുകളിലേക്ക്
202122 അക്കാദമിക വർഷ പ്രവേശനത്തിന് അപേക്ഷ ക്ഷണിച്ചു. www.cat.mgu.ac.in എന്ന വെബ് സൈറ്റിലൂടെ ഓണ്ലൈനായി 29 വരെ അപേക്ഷിക്കാം. പ്രോഗ്രാമുകളിലേക്കുള്ള പ്രവേശനം ഒബ്ജക്ടീവ് രീതിയിലുള്ള എൻട്രൻസ് പരീക്ഷയുടെ അടിസ്ഥാനത്തിലും പ്രവേശന മാനദണ്ഡമായി ഇന്റർവ്യൂ/ഗ്രൂപ്പ് ഡിസ്കഷൻ/വിവരണാത്മക പരീക്ഷ എന്നിവ നിശ്ചയിച്ചിരിക്കുന്ന പ്രോഗ്രാമുകളിലേക്കു മാർക്കുകൾ കൂടി എൻട്രൻസ് പരീക്ഷയ്ക്ക് ലഭിച്ചിട്ടുള്ള മാർക്കിനൊപ്പം ചേർത്താണ് റാങ്ക് ലിസ്റ്റ് തയാറാക്കുന്നത്.
എംടെക് പ്രോഗ്രാമിലേക്കുള്ള പ്രവേശനത്തിന് സാധുവായ ഗേറ്റ് സ്കോർ ഉള്ളവർക്ക് മുൻഗണന നൽകും. പൊതു പ്രവേശന പരീക്ഷാ തീയതി കോവിഡ്19 സാഹചര്യം വിലയിരുത്തിയശേഷം പിന്നീട് അറിയിക്കും. ജനറൽ വിഭാഗത്തിന് 1100 രൂപയും എസ്സി/എസ്ടി വിഭാഗത്തിന് 550 രൂപയുമാണ് അപേക്ഷാ ഫീസ്. പ്രവേശന യോഗ്യത, സീറ്റുകളുടെ എണ്ണം, കോഴ്സ് ഫീസ് സംബന്ധിച്ച വിവരങ്ങൾ, പ്രവേശന മാനദണ്ഡം, മറ്റ് വിവരങ്ങൾ എന്നിവ പ്രോസ്പെക്ടസിൽ ചേർത്തിട്ടുണ്ട്. ഫോണ്: 04812733595, 9188661784. ഇമെയിൽ:
[email protected].