സെപ്റ്റംബർ എട്ടിന് ആരംഭിക്കുന്ന ഒന്നാം സെമസ്റ്റർ ബിരുദ (ബിഎസ്‌സി ലൈഫ് സയൻസസ്, ബിഎംസി, ബിഎ സോഷ്യൽ സയൻസസ് ഒഴികെ) റഗുലർ, സപ്ലിമെന്‍ററി, ഇംപ്രൂവ്മെന്‍റ് (2019 സിലബസ്), നവംബർ 2020 പരീക്ഷകളുടെ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്. 2014, 2019 സിലബസുകളുടെ ടൈംടേബിളുകൾ വ്യത്യസ്തമാണ്. 2014 അഡ്മിഷൻ വിദ്യാർഥികൾക്ക് ഒന്നാം സെമസ്റ്റർ പരീക്ഷകൾക്കുള്ള അവസാന അവസരമാണ്.
പരീക്ഷാഫലം നാലാം സെമസ്റ്റർ എംഎ, എംഎസ്‌സി, എംകോം, എംഎസ്ഡബ്ല്യു (റഗുലർ, സപ്ലിമെന്‍ററി, ഇംപ്രൂവ്മെന്‍റ്), ഏപ്രിൽ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും സെപ്റ്റംബർ ആറിന് വൈകുന്നേരം അഞ്ചുവരെ ഓൺലൈനായി അപേക്ഷിക്കാം.
ഒന്നാംവർഷ വിദൂരവിദ്യാഭ്യാസ എംകോം സപ്ലിമെന്‍ററി, ജൂൺ 2020 പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും സെപ്റ്റംബർ ഏഴിന് വൈകുന്നേരം അഞ്ചുവരെ അപേക്ഷിക്കാം. മാർക്ക് ലിസ്റ്റുകൾ വിതരണം ചെയ്യുന്ന തീയതി പിന്നീട് അറിയിക്കും.
മൂന്നാംവർഷ വിദൂര വിദ്യാഭ്യാസ ബിഎ (ഇക്കണോമിക്സ് ഒഴികെ), ബിഎസ്‌സി, ബിസിഎ പരീക്ഷാഫലം ഇന്ന് ഉച്ചകഴിഞ്ഞ് രണ്ടുമുതൽ സർവകലാശാല വെബ്സൈറ്റിൽ ലഭ്യമാകും. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ഏഴിന് വൈകുന്നേരം അഞ്ചുവരെ അപേക്ഷിക്കാം. ഗ്രേഡ് കാർഡുകൾ വിതരണം ചെയ്യുന്ന തീയതി പിന്നീട് അറിയിക്കും.
നാലാം സെമസ്റ്റർ ബിരുദം ഏപ്രിൽ 2020; പ്രത്യേക പ്രായോഗിക പരീക്ഷ കോളജ് വിദ്യാഭ്യാസ വകുപ്പിന്‍റെ ന്യൂ ഇനിഷ്യേറ്റീവ് പ്രോഗ്രാം ഫ്ലയർ പദ്ധതിയുടെ ഭാഗമായി കാർഡിഫ് യൂണിവേഴ്സിറ്റിൽ നടന്ന ലീഡ് ഇൻഡക്‌ഷൻ ട്രെയിനിംഗിൽ പങ്കെടുത്ത് തിരിച്ചുവന്ന ക്വാറന്‍റൈനിലിൽ പോയതുകാരണം നാലാം സെമസ്റ്റർ ബിരുദ (സിബിസിഎസ്എസ് റഗുലർ, സപ്ലിമെന്‍ററി, ഇംപ്രൂവ്മെന്‍റ്) ഏപ്രിൽ 2020 പ്രായോഗിക പരീക്ഷയിൽ പങ്കെടുക്കാൻ കഴിയാതിരുന്ന വിദ്യാർഥികൾക്കായി നാലാം സെമസ്റ്റർ ബിരുദ (സിബിസിഎസ്എസ് റഗുലർ, സപ്ലിമെന്‍ററി, ഇംപ്രൂവ്മെന്‍റ്) ഏപ്രിൽ 2020 കോവിഡ് സ്പെഷൽ പ്രായോഗിക പരീക്ഷ നടത്തുന്നു. അർഹരായ വിദ്യാർഥികൾ ഹാജരാകാൻ കഴിയാതിരുന്ന പ്രായോഗിക പരീക്ഷയുടെ വിവരങ്ങൾ, ലീഡ് ഇൻഡക്‌ഷൻ ട്രെയിനിംഗിൽ പങ്കെടുത്തതിന്‍റെ സർട്ടിഫിക്കറ്റിന്‍റെയും ഹാൾടിക്കറ്റിന്‍റെയും സ്കാൻ ചെയ്ത പകർപ്പുകൾ സഹിതം
[email protected] എന്ന മെയിൽ ഐഡിയിലേക്ക് 25ന് വൈകുന്നേരം അഞ്ചിനുമുന്പ് അയയ്ക്കണം. അപേക്ഷയിൽ മേൽവിലാസവും ഫോൺനമ്പറും വ്യക്തമായി രേഖപ്പെടുത്തേണ്ടതാണ്.
പ്രായോഗിക പരീക്ഷ മാറ്റി മാങ്ങാട്ടുപറന്പ് കാന്പസിലെ ഡിപ്പാർട്ട്മെന്‍റ് ഓഫ് ഇൻഫർമേഷൻ ടെക്നോളജി പരീക്ഷാകേന്ദ്രത്തിൽ 24 മുതൽ നടത്താൻ നിശ്ചയിച്ചിരുന്ന കണ്ണൂർ സർവകലാശാലയുടെ വിദൂരവിദ്യാഭ്യാസത്തിന് കീഴിലുള്ള അവസാനവർഷ ബികോം, ബിബിഎ ഡിഗ്രി (റഗുലർ, സപ്ലിമെന്‍ററി, ഇംപ്രൂവ്മെന്‍റ്) മാർച്ച് 2021, കോവിഡ് സ്പെഷൽ അവസാനവർഷ ബികോം, ബിബിഎ ഡിഗ്രി (റഗുലർ/സപ്ലിമെന്‍ററി, ഇംപ്രൂവ്മെന്‍റ്) മാർച്ച് 2020 പ്രായോഗിക പരീക്ഷകൾ മാറ്റിവച്ചു. പുതുക്കിയ പരീക്ഷാതീയതിയും പരീക്ഷാകേന്ദ്രവും പിന്നീട് അറിയിക്കും. മറ്റു കേന്ദ്രങ്ങളിലെ പ്രായോഗിക പരീക്ഷകൾക്ക് മാറ്റമില്ല.